Ka Ọ Dị Taa

KA ọ gachaara ihe dịka otu izuụka gọọmentị steeti Anambra jiri mechaa mmemme ịgbape amụmà ịkọ ọrụ ugbo udummiri nke ahọ 2021, ụlọọrụ na-ahụ maka ọrụ ugbo na steeti ahụ amailtela ikesàrà ndị ọrụ ugbo steeti ahụ mkpụrụ akụkụ dị iche iche e ji akọ ugbo maka ịkọ ọrụ ugbo nke ahọ a.   Mmemme ikesà akụrụngwa a bụ nke a na-eme n’okpuru ọchịchị ime obodo dị iche iche na steeti ahụ ma bụrụkwa nke a màlitèrè n’okpuru ọchịchị ime obodo Anaọcha na Dunukọfịa. Atụmatụ a bụ mgbakwụnye na mmemme ịgbape ọrụ ọrụ ugbo ahụ Gọvanọ mere n’izuụka gara aga.   Ihe ubi nà mkpụrụ akụkụ dị iche iche e kesààrà ndị ahụ gụnyèrè okpòròakpụ/osisi akpụ TME 4-19, tomatò, mkpụrụ ọkwụrụ, mkpụrụ ọkà, nà mkpụrụ akụkụ ndị ọzọ, ma bụrụkwazie nke e kesààrà ha n’efù maka ịkọ ọrụ ugbo udummiri nke ahọ a.   N’okwu ya n’ebe ahụ, nnukwu onye enyemaka pụrụ iche Gọvanọ Obianọ n’ihe gbasaara ọrụ ugbo, bụ Maazị Obioma Mbanefo kọwàrà ọrụ ugbo dịka ihe dị óké mkpà n’ihi ọtụtụ uru dị iche iche dị na ya, nke gụnyere na ọ na-enye ego ma na-

GỌỌMENTI steeti Anambra enyela mmadụ iri na isii bụ ndị ọrụ ugbo ego mgbazinye nwere ọmụrụnwa dị ala nke ukwuu, iji kwàdö ha ịga n’ihu na-azụpụta anụụlọ ma na-emepụta anụ nà erimeri gbaanyụụ na steeti ahụ.   Ego mgbazinye ahụ bụ nke e nyefèrè n’aka ndị ahụ n’otu n’otu, na mmemme ịgbape ọzụzụ ga-ewè mkpụrụ ụbọchị anọ, bụ nke a na-achịkọba n’okpuru atụmatụ ‘Rural Finance Institution Building Programme (RUFIN)’, maka ndị na-azụ obere ahịa na ndị nwere ọrụaka dị iche iche, site n’aka ụlọọrụ steeti ahụ na-ahụ maka ọrụ ugbo, isucha ihe a kọtara n’ugbo, na ibupù ya mba ofèsi.   Ndị na-esonye n’ọgbakọ ọzụzụ ahụ gụnyèrè ndị ọrụ ugbo sitere n’okpuru ọchịchị ‘Awka South’, ‘Awka North’, ‘Anambra East’, ‘Orumba North’ ‘Orumba South’, ‘Anaọcha’, na Ayamelụm.   Ndị ritara urù n’ego mgbazinye ahụ bụkwa ndị e nyere akwụkwọ ndọrọ ego dị n’agbata otu narị puku naịra wee ruo na narị puku naịra abụọ na iri ise, ma bụrụkwa nke e nyefèrè ha site n’aka Gọvanọ Willie Obianọ, bụ aka na-achị steeti ahụ.   N’okwu

DỊKA a sị na ọ na-abụ a nyụkọọ mamịrị ọnụ, ọ gbọọ ụfụfụ; a kpọkuola ma dụọ ndị na-arụ ọrụ ugbo na steeti Anambra ka ha jìkọta onwe ha n’òtù ọrụ, dịka ọrụ ugbo dị iche-iche ha na-arụ sìrì dị, iji kwàlite ihe a na-akọpùta n’ugbo ma mekwa ka nri bụrụ gbàànyụụ na steetì ahụ. Ọ bụ kọmishọna na-ahụ maka ahịa, azụmahịa na ikewàpụta akụnụba na steeti ahụ, bụ Maazị Christian Madụbuko kpọrọ oku a ma nye ya bụ ndụmọdụ n’okwu ya n’Awka na mmemme imerùbè ụbọchị òtù ọrụ na mba ụwa, bụ ‘International Cooperatives Day’ nke ahọ 2019, bụ nke weere ọnọdụ na steeti ahụ n’ogige Alex Ekwueme. Ọ kpọpụtasịrị uru dị iche-iche dị n’ijikọ aka ọnụ dịka òtù ọrụ, nke gụnyere na ọ ga-eme ka ha nwee ótù obì ma na-emekọ ihe ọnụ, mee ka ọ dịrị ha mfe inweta ma ọ bụ irita ihe ọbụla n’aka gọọmenti, nye aka n’ikewàpụta ohèrè ọrụ, tinyekwuoro na ọ ga-enye aka n’ụzọ pụtara ìhè n’ịkwàlite ọnọdụ akụnụba steeti Anambra ahụ na ime ka ya bụ steeti bụrụ eji ama àtụ n’ihe gbasaara ịkọpụta erimeri n’ala Nigeria gbaa gbùrùgbúrù. O k