Ka Ọ Dị Taa

A KPỌKUOLA ndị aka ji akụ n’ime steeti Anambra ka ha nyere gọọmenti aka n’ịkwàlite ọrụ mmepe obodo, site n’ịrụnyegasị ihe dị iche iche na-akwalite ọnọdụ obibindụ na ọnọdụ mmepe n’ime ime obodo dị iche iche na steeti ahụ.   Gọvanọ Obianọ kpọrọ oku a na mmemme ịgbape okporo ụzọ a maara dịka ‘Igwe GNC Ezeudo Road’ dị n’okpuru ọchịchị Idemili North nke steeti Anambra, ma bụrụkwa nke ọ bụ onye ọrụ obi ebere, bụ Maazị Tochukwu Kpajie rụrụ ya.   Ya bụ okporo ụzọ bụ nke ogologo ya dị otu kilomita, ma bụrụkwa nke e tinyesikwara ọkụ okporo ụzọ ji ike si anyanwụ arụ ọrụ na ya, tinyere ihe ndị ọzọ ga-eme ka ya bụ okporo ụzọ nọọ ọdụ etu o kwesiri, ma gharakwa imebì ngwangwa.   N’okwu ya oge ọ na-agbape ya bụ okporo ụzọ, Gọvanọ Obianọ, nke onye nọchitere anya ya bụ odeakwụkwọ ọkpụtọrọkpụ n’isi ụlọ ọrụ na-ahụ maka ọrụ na steeti ahụ, bụ Maazị Emeka Ohuoha kelere nwa amadi ahụ rụrụ ya bụ okporo ụzọ maka inwe mmasị n’ihe gbasaara ọnọdụ mmepe obodo ahụ, ma werekwa ya dịka ihe na-echu ya ụra, bụzị nke mer

Uchenwa Mba   IHE dịka otu onye ka a na-akọwa na o tufuru ndụ ya ebe ihe karịrị iri mmadụ abụọ na abụọ merụrụ ahụ na Fraidee, ọnwa April dị na mkpụrụ ụbọchị iri abụọ, mgbe igwe ndị mmọnwụ wakporo ụlọ ekpere ‘Holy Ghost Adoration Ministry’, Uke na Steeti Anambra.   Ndị mmọnwụ a ka a na-akọwa na ha nubatara ma tibe ndị bịara ekpere ihe ma chọkwa iburu onye isi ‘adoration’ a bụ ‘Rev. Fr’. Emmanuel Obimma (Ebube Mụọnsọ).   Ndị isi ụlọ ụka a kpọkury ndị ‘Speicla Anti-Robbery Squad’ (SARS) ka ha gbatara ha ọsọ enyemaka. Ndị SARS nwuchikọrọ ndị mmọnwụ atọ; nke mere ka ndị otu mmọnwụ gbawa mbọ igbochi ha. Ọ bụ nke a mere ndị SARS ji gbalie egbe elu nke mere ka ha buru ndị mmọnwụ ahụ pụọ.   Onye bụ ‘Police Public Relations Officer’ (PPRO) na Steeti Anambra bụ ASP Nkiru Nwode kwetere na akụkọ a bụ eziokwu. Ọ kọwara na ọ dighi mgbe ndị otu mmọnwụ ji lụso ndị SARS ọgụ. O kwuru na a nwụchikọrọ ndị mmọnwụ atọ; mana ka ọ dị ugbu a, ha na-aga n’ihu inyocha ihe kpatara ya bụ ihe jiri mee.