Ka Ọ Dị Taa

OTU nwata akwụkwọ mahadum Nnamdị Azikiwe dị n’Awka, zùtèrè ọnwụ mberede ya na nsonso a, oge ọkụ ọgbụgba dapụtara n’otu ụlọ ebe obibi ụmụakwụkwọ mahadum ahụ dị n’Ifite Awka, na steeti Anambra.   Ya bụ ọkụ ọgbụgba bụ nke dapụtara ụbọchị Tuzdee n’ụlọ ụmụakwụkwọ a kpọrọ ‘El-Shadai Lodge’, ma bụrụkwa nke mere oge ite ikuku mmụọ (gas cylinder) e ji esi nri gbawara n’otu ime ụlọ dị n’ebe obibi ahụ mgbe onye nwe ya ji ya eghe ihe ọtịta ‘pop corn’.   Dịka ndị ọnọmgbeomere siri kọwaa, ọkụ ọgbụgba ahụ mebisiri ọtụtụ ihe ụmụakwụkwọ ahụ jiri biri n’ụlọ ahụ. Mbọ niile ndị nọ ebe ahụ oge ahụ gbara iji gbanyụọ ọkụ ahụ bụ nke mara afọ n’ala, ma bụrụkwa nke amịtaghị mkpụrụ ọbụla, wee ruo oge ndị ọrụ nsọnyụọkụ steeti Anambra bịara ebe ahụ, wee gbanyụọ ọkụ ahụ, ma bupute ngwongwo ndị nke fọrọ afọ.   Nwata akwụkwọ mahadum UNIZIK ahụ nwụrụ n’ọkụ ọgbụgba ahụ bụ onye e nyere aha ya dịka Precious, ma bụrụkwa onye e kwuru nà aja ụlọ ahụ dagidere n’elu, ebe ndị otu ya gbapụzịrị maka ndụ nke ha oge ha nyegideere

A KPỌKUOLA ma dụọ ndị Igbo ka ha gbaa mbọ na-echekwaba ma na-akwalite omenala dị iche iche e jiri mara ndị Igbo, ma na-emesikwa ya ike.   Aka na-achị steeti Anambra, bụ Gọvanọ Obianọ bụ ya kpọrọ oku a na mmemme Ịgụ Arọ a chịkọbara site n’aka òtù a maara dịka ‘Directorate of Igbo Village and Centre for African Civilization’ nke mahadum Nnamdi Azikiwe dị n’Awka, site na njikọaka ya na ụlọọrụ na-ahụ maka ihe na-eme na mba òfèsi, ihe e ji aka emepụta, omenala na njem nlegharịanya na steeti ahụ.   Nnukwu mmemme ahụ wééré ọnọdụ na nsonso a dọtara ọtụtụ ndị ọnụ na-eru n’okwu na steeti ahụ, ndị na-egwu okwe ndọrọndọrọ ọchịchị, tinyere ọtụtụ ndị ọzọ ihe gbasaara omenala Igbo na-amasị. A nọkwara na mmemme ahụ wee wepute ma kpughee agụmagụ ahọ ndị Igbo (Igbo calendar) ọhụrụ.   N’okwu ya na mmemme ahụ, Gọvanọ Obianọ, nke ọ bụ Kọmaishọna na-ahụ maka ihe na-eme na mba òfèsi, ihe e ji aka emepụta, omenala na njem nlegharịanya na steeti ahụ, bụ Maazị Ken Anịerobi nọchitere anya ya na mmemme ahụ mere k

DỊKA ndị nna ụlọụka ‘Chapel of Redemption’ nke mahadum Nnamdị Azikiwe dị n’Awka, bụ isi obodo steeti Anambra, sònyèèrè ndị otu ha na mba ụwa wee merùbe mmemme ụbọchị ụka ndị nna nke ahọ 2021; a kpọkuola ma dụọ ndị nna ọdụ ka ha na-azụlite ụmụ ha n’ụzọ Chineke, dịka ndịisi ọzụzụ atụrụ ezinụlọ ha dị iche iche.   Oku a bụ nke a kpọrọ site n’ọnụ Achbishọọpụ mpaghara Niger ma bụrụkwa bishọọpụ ụka Angịlịkan na dayọsiisi Awka, bụ Achbishọọpụ Alexander Ibezim, n’ozi pụrụ iche ọ kụpụụrụ ndị nna na mmemme ụka nna nke ahọ a.   N’ozi ahụ, nke ụkọchukwu Venerebụlụ Obiorah Alokwu gụpụtara na mmemme ụka nna ahụ n’ụlọụka ‘Chapel of Redemption, nke ‘UNIZIK Temp. Site’; Achbisọọpụ Ibezim kèlèrè ndị nna maka óké ụbọchị ahụ pụrụ iche, ma gwa ha ka ha gbalịsịa ike ñòmie Joseph nke akwụkwọnsọ, bụ onye ọzụzụ o nyere Kraịst gbàdòrò ụkwụ n’ịzụlite ya n’ọkpụrụkpụ ngalaba anọ, dịka ọ dị n’akwụkwọ Luk 2:41,42 na 52; ma sikwazie n’ụzọ dị etu ahụ wepụta usoro nlereanya ndị nna taa kwesiri ịdị na-agbaso wee na-azụli

Ọ KPỌTỤRỤ akpọtụ ma zụọ azụọ ụbọchị Tuzdee, dịka ngalaba ọmụmụ ihe ma ọhịa, a maara dịka ngalaba ‘Forestry and Wildlife’ nke mahadum Nnamdị Azikiwe dị n’Awka, n’ime steeti Anambra, merùbèrè emume ịnabata ụmụakwụkwọ batara ọhụrụ na ngalaba ahụ.   Oke mmemme ahụ bụ nke a chịkọbara site n’aka òtù jikọtara ụmụakwụkwọ ngalaba ahụ, bụ ‘Forestry and Wildlife Students Association (FOWSA)’, ma bụrụkwa nke a nọrọ na ya wee nyekwa onyinye nkwanyeùgwù dị iche iche nyegara ụfọdụ ụmụakwụkwọ na ndị nkụzi na ngalaba ahụ.   N’okwu mmalite ya n’ebe ahụ, onyeisi ngalaba ọmụmụ ihe ahụ, bụ Dọkịta Anselm E. Egwuatum jiri obi ụtọ wee nabata ụmụakwụkwọ ahụ batara ọhụrụ na ngalaba ahụ, ma chètara ha na ọ bụ mmasị Chineke na ha ga-abụ ụmụakwụkwọ nọ na ngalaba ahụ n’oge dịka oge a.  Ọ kọwara ngalaba ahụ dịka otu n’ime ngalaba ọmụmụ ihe kachasị mma n’ụwa gbaa gburugburu, ma bụrụkwa ngalaba nwere ụsa nye nsogbu mgbanwè ihu ígwe na-échéré mba ụwa aka mgba; ọbụladị dịka ọ kpọkuru ụmụakwụkwọ ahụ ka ha dị uchu n’agụma

DỊKA otu n’usoro emume ụka wepụtara maka afọ a (year),  nke bụ afọ Joseph dị asọ, ndị Awka rijọn nọ na St Joseph Catholic Church, UNIZIK Temporary Site, Awka, mee emume icheta ụbọchị onye dị asọ ‘Joseph the worker’.   Ọ bụ na Satọdee gara aga ọnwa Mee dị n’abalị nke mbụ ka e merubere ya. Ndị rịjọn ndị ọzọ mekwara nke ha dịka e siri nye ntuzi aka.   Ndị ụkọchukwu si na rijọn Awka, na ndị mmadụ a họpụtara na parish dị iche iche tinyere ndị ọzọ bịara maka oke emume ahụ nke e ji ekpere rosari were malite.   Onye nọrọ n’isi emume aja maasị bụ Chanselọ dayọsis Awka, Fada Francis Chidume bụ onye nọchitere anya Bishọp P.C Ezeokafor.   N’okwuchukwu, Fada Paul-Mary Chukwukebe kọwara Joseph dị asọ dịka onye nwere obi umeala, onye na-ege Chineke ntị ma na-emekwa ihe ọbụla ọ gwara ya mee. Onye ji obi ịhụnanya tunye ụtụ dị iche iche na ndụ Jesu Kristi. Onye na-atụgharị uche n’ekpere ma bụrụkwa onyeisi ezinaụlọ dị asọ. Ya mere, ọ kpọkuru ndị mmadụ ka ha soro nzọ ụkwụ ya.   N’okwu nke ya mgbe a gbasar

N’IHI ọrịa ọjọọ coronavirus, mahadum Nnamdi AzikiweUniversity, Awka (UNIZIK) akwụsigodula ihe ọmụmụ asụsụ China (Chinese Language)a na-eme na Confucius Institute. Ha mere nke a n’ihi na ndị Igbo kwuru okwu weesị na nkwụcha abụghị ụjọ.   Ya bụ ngalaba(institute) nke na-ahazị ihe ọmụmụ ahụ site na njikọ aka nke mahadum ahụna-emekwazi ihe ọmụmụ (exchange programme); ha na ụfọdụ mahadum dị na China.   Onye kwupụtarammechi e mechiri ụlọakwụkwọ ahụ bụ onyeisi (Vice Chancellor) UNIZIK bụ ỌkammụtaCharles Esimone n’okwu ọ gwara ndị nta akụkọ dịka ọ na-ekpughe atụmatụ banyereemume nturu ugo (convocation) agba nke iri na anọ nke mahadum ahụ.   Ọkammụta Esimonekwuru sị; “Ihe gbasara ọrịa coronavirus metụtara ụfọdụ ihe ọmụmụ anyị, ọ kachasịConfucius Institute. Disemba gara aga ọtụtụ ndị nkuzi asụsụ Chinese na ngalabaahụ lara ezumike, mana oge ọrịa a malitere na mbido afọ a, anyị kwụsịgoduru yabụ ihe ọmụmụ ma kwụsị ha ịlọchịghata azụ ozugbo.”  Ọ kọwara na n’ihi otumahadum ahụ sị kpọ ihe ọmụmụ ahụ mk

NDỊ òrù ahụ jikọtara ndị ọrụ oyibo nọ n’ogoogo dị elu namahadum Unizik, bụ ndị a mààrà dịka ‘Senior Staff Association of NigerianUniversities (SSANU,UNIZIK)’ akpọkuola gọọmenti steeti Anambra nakwa isi ọchịchịmahadum Unizik ka ha welitekwuo aka na mbọ ha na-agba ịhụ na a tọhàpụrụ ótùonye òtù ha bụ Maazị Emeka Chiaghana, onye ndị ntọ tọọrọ kemgbe ahọ gara aga.   Ndị òtù a kwupụtaranke a na ngagharị iwe ha mere n’ụzọ udo bànyere nke ahụ, bụkwa nke ha bùùrù weegaa n’obi gọọmenti dị n’Awka, ebe ha nọ wee kpọọ òkù ka a gbasikwuo mbọ ike ịhụna a tọhàpụrụ nwa amadi ahụ nke ta nke echi.   N’okwu ya banyerenke ahụ, onye ndu ndị òtù ahụ, bụ Oriakụ Nwangwu kwuru na ndị oji egbe ezu tọọrọya bụ nwoke n’abalị iri na ise nke ọnwa Ọkụtoba ahọ gara aga n’ebe obibi ya dịna Nibo, n’okpuru ọchịchị ime obodo Awka South nke steeti ahụ; ma kemgbe ụbọchịahụ, mmadụ ahụbeghị ya anya, ma ya fọdụzie ịnụ olu ya, ruo taa.   O kèlèrè gọọmentisteeti ahụ na mahadum Unizik maka mbọ ha gbàgòrò iji hụ na ha zọpụtara nwaa

OTU nzukọ na-ahụ maka ọchịchọ na adịmma ụmụakwụkwọ nkemahadum ‘Student Union Government’ Nnamdi Azikiwe University, Awka ajaala akana-achị steeti Anambra, Gọvanọ Willie Obiano ike dịka onye ji ezi nchekwa na adịmọchagburugburu wee kpọrọ ihe.   Ọ bụ otu onyewelitere isi n’ọchịchị ụmụakwụkwọ ahụ, aha ya bụ Attorney General JohnBoscoOkonkwo kwuru okwu a na Satọdee  gara agamgbe a na-eme  mkpocha na nzacha nke hakpọrọ “Go Clean Unizik”.   Onyeisi otu ‘SUGUNZIK’ n’aha ichafu, bụ Maazị Samuel Chimuanya kwuru na obi dị ya ụtọ otu ndịmmadụ siri wee puta n’igwe ihụ na mkpocha na nzacha ahụ gara nke ọma otu e sirikwado ya.   N’akụkụ nke ya, onyeọrụ ASWAMA na-ahụ na mkpocha na nzacha na-aga n’ihu, Maazị Ogochukwu Aghadinuno,onye a hụrụ mgbe ya na ndị ọrụ ndị ọzọ na-ekpocha atịtị, dọrọ ndị mmadụ aka nantị ka ha nwee agwa idobe gburugburu ọcha oge nille ma rịọkwaa ndị bi n’ogologoụzọ Ifite ka ha sonyere otu goomenti ụmụakwụkwọ ahụ n’ihu maka adịmọcha ebe ahụniile.   Na ndụmọdụ ya, onyeotu ndị goome

NDỊ Rotary Club Nnamdi Azikiwe University, Awka, District 9142 enyela ndị obodo Umuonaga dị n’ime Agulu-Awka onyinye ugegbe anya n’efu. Ha mere nke a site na nkwado ụlọọgwụ anya a kpọrọ Awka Eye Clinic. Ha mekwaziri ya iji kwalite ụzọ anọ ndị Rotary ji enyere ndị enweghị ka  ọ ha ha aka. Onyeisi Rotary Club ahụ bụ Rotarian Kanayochukwu Obidigbo kwuru okwu n’oge ha na-enye onyinye a n’ụlọ nzukọ obodo ahụ si na nke a bụ iji nyere ndị mmadụ aka n’efu ma bụrụkwa ụzọ ndị Rotary ji egosipụta onyinye amara. N’okwu ya, ọ sịrị “Obi ga-abụ m sọ añụrị na onye ọbụla nọ ebe a nwetere ugegbe anya ya site na ntuziaka dọkịnta nyere, ebe ndị nwere oke nsogbu anya ga-eje n’ụlọ ahụike maka ịnyocha ha nkeọma.” Ndị otu Rotary nọkwazi oge ahụ bụ onyeisi na-eledo anya Zone 8, District 9142 Rotarian Dennis Ekemezie (PHF) na Rotarian Ken Eduzor. Nsogbu anya ha nyochara gụnyere nke ndị bekee kpọrọ glaucoma, cataract na pterygium. Ọnụọgụ mmadụ iri asatọ na asatọ (88) bụ ndị nwetere elele ọma ahụ. Mmadụ iri na ab

OMENALA pụtàrànnọọ ihè n’Awka bụ isi obodo steeti Anambra na nso-nso a, dịka ụmụakwụkwọ Mahadum Nnamdị Azikiwe mere mmemme Ojiọfọr, bụkwa mmemme iri ji ọhụụ ha nke ahọ 2019.   Oke emume ahụ bụ ótù n’ime mmemme e jiri merùbe izu ụka ụmụakwụkwọ nke ahọ a na mahadum ahụ, ma bụrụkwa nke ọtụtụ ndị e ji okwu ha agba izu sònyèrè na ya, nke gụnyere: onyeisi ụlọ ọrụ ‘Spine Communications Ltd.’, bụ Maazị Emeka Okeke; onyeisi na-ahụ maka mgbasa ozi na mmekọrịta ọhanaeze na mahadum ahụ, bụ Dọkịta Emma Ojukwu;   onyeisi na-ahụ maka ụmụakwụkwọ, bụ Ọkammụta Stanley Udedị; onyeisi ụlọ mgbasa ozi Anambra Broadcasting Service, Maazị Uche Nwọrah, tinyere onyeisi ọmụmụ ihe ‘Confuscius Institute’, bụ Ọkammụta Yu Zhargbao, na ọtụtụ ndị ọzọ.   N’okwu ya na mmemme ahụ, onyeisi ụlọ ọrụ ‘Spine Communications’ kọwara mmemme ahụ dịka nke dabàrà adaba na mbọ ahụ a na-agba ịkwàlite omenala, ọdịnala, ọnatarachi, na njirimara Ndị Igbo n’ebe ụmụakwụkwọ na ụmụ na-eto eto nọ, n’ihi na nke ahụ bụzịkwa ihe na-achọ ịnyụ ka