Ka Ọ Dị Taa

ỤLỌỌRỤ ahụ na-ahụ maka ibu agha megide ịñụ, ịkpọ, ire maọbụ ịtụ mgbere ọgwụike n’ala Nigeria, bụ ụlọọrụ ‘National Drug Law Enforcement Agency (NDLEA)’ ejidela otu nnukwu ọgaranya a na-enyo ènyó na o jiri ịtụ mgbere ọgwụike mere aka ọrụ.   Onye na-ahụ maka mgbasaozi n’isi ụlọọrụ NDLEA, bụ Maazị Femi Babafemi bụ ya kwupụtara nke a site n’ozi ọ kụpụ̀ụ̀rụ̀ ndị ntaakụkọ a nsonso a.   Dịka o siri kọwaa, nwoke ahụ, bụ Maazị Ugochukwu Nsofor Chukwukadibia bụ onye e nwètèrè mkpụrụ ọgwụike Tramadol ruru 13,451,466 n’ọnụọgụgụ n’aka ya, bụ nke arọ ya ruru 225mg, ma bụrụkwa nke ọnụ ahịa ya ruru ijeri naịra asatọ na ụma narị asatọ na isii (N8,860,000,000) ma e ree ya eree.   O mere ka a mara na ọ bụ n’ụlọ nwoke ahụ dị n’ebe a maara nke ọma na mpaghara Victoria Garden City nke Lekki, dị na steeti Lagos ka e jidere ya bụ nwoke, bụ ebe a hụrụ o debesiri ọgwụike ahụ, nke o tinyesiri n’ìgbé, wee debesie ha ka ngwaahịa.   Ọ kọwàrà na nwoke ahụ gbara ahọ iri anọ na ise bụ̀ nwaafọ Ihiala dị na steeti Anambr

 ỤKA Katọlik, Achịdayọsis Lagos, enyela ụkọchukwu parish nke Holy Trinity Catholic Church, Ewu-Owa Gerigbe Ikorodu Lagos, Fada James Anelu ocheazụ maka ịmachi egwu Igbo na egwu olu dị iche iche (choruses) na parish ya.   Achịbishọp Lagos, Most Rev Dr Alfred Martins, n’ozi nkatọ ‘disclaimer’ nyere ụkọchukwu ahụ iwu ka ọ nyegodu ohere ‘an indefinite leave of absence’.   Fada Anelu ka e kwuru na ọ machịrị egwu Igbo na abụ olu dị iche iche na parish ya, ma kwuo na a ga-egbochilata otu ‘Ndigbo’ si awa anya.   A chọpụtara na o ji iwe kwụsị ukwe/abụ na-akpalite mmụọ oge a na-enye onyinye nke ugboro abụọ, ma kwuo na ndị Igbo agaghị anọgide n’ịwakpo ndị ọzọ anya na parish ya.   E kwukwara na ụkọchukwu ahụ gara n’ihu rụtụ aka na dayọsis Benin, ebe ndị Igbo wagidere anya wee ruo na nke ịbụ bishọp.   Otu o sila dị, o kwuru na mmụọ nke Chineke maara sọọsọ asụsụ ndị gbara parish ahụ gburugburu.   Dịka ọ na-ekwuputa ozi inye ocheazụ ahụ, Achịbishọp Martins na leta o dere na Febụwarị 7, kwuru sị: “Ozi

NNUKWU ihe ọdachi dakwàsàrà ụfọdụ ndị na-azụ ahịa n’ime ahịa Ladipo dị na Mushin nke steeti Lagos, dịka ajọ ọkụ ọgbụgba dị egwù dapụtara n’ebe ahụ na nsonso a, wee gbarikọọ ngwaahịa gburu ego dị nde kwùrú nde naịra.   Dịka akụkọ siri kọọ, ọkụ ọgbụgba ahụ dapụtara n’oge ụtụtụ, ma bụrụkwa nke malitere n’otu ime ọdụ ahịa ebe a na-ere akụkụ ahụ ụgbọala na mpaghara Alapeju n’ime ahịa Ladipo ahụ.   N’ozi ọ kụpụrụ banyere ọkụ ọgbụgba ahụ, onye na-ahụ maka mmekọrịta ọhaneze na ụlọọrụ ‘Lagos State Emergency Management Agency’ (LASEMA), bụ Maazị Nosa Okunbor mèrè ka a mara na a gbanyụrụ ọkụ ahụ ozigbo site n’aka ụlọọrụ ahụ na ndị njikọaka ha, bụ ndị ha na ha na-arụkọ ọrụ ọnụ.   O mere ka a mara na ha nwètàrà ozi n’ụlọọrụ ahụ banyere ọkụ ọgbụgba ahụ, bụzị nke mere ha jiri gbara ọsọ ozigbo wee gaba n’ebe ahụ, maka ịgbanyụ ya bụ ọkụ.   O kwuru na ọbịbịa ha n’ebe ahụ na ọrụ nsọnyụọkụ ha mèrè ka a ghara inwe onye ọbụla nwụrụ n’ahịa ahụ, ma gbochiekwa mbibì ọtụtụ ngwaahịa n’ebe ahụ.   O kwuru na ọdach

Ọ NA-ABỤ dinta hụ ènwè hụ edi, ọ gbara ha abụọ, maka na a gaghị ejizị na nwanne enwe bụ edi wee hapụ enwe gbuo naanị edi.   O wee bụrụ etu ahụ ka e siri nwụchikọọ ụmụejima abụọ yiri onwe ha nke ọma na steeti Lagos maka izu ohi na itinye aka n’ụmụ arụrụala ndị ọzọ dịgasị iche iche.   Mmadụ abụọ ahụ bụ ndị a nwụchikọrọ n’otu ụlọ nkwariakụ dị n’Isheri-Idimu dị n’okpuru ọchịchị ime obodo Alimosho dị na steeti Lagos, tinyere mmadụ abụọ ọzọ ha na ha na-atụ atụmatụ etu ha ga-esi wee zuo ndị mmadụ ohi site n’ime na ha bụ ndị ọrụ agha ala Nigeria, ndị na-anyà ụgbọala, ndị kọndọktọ na-eso ụgbọala, ndị na-eme njem, wee sizie n’ụzọ dị etu ahụ zuo ụmụ mmadụ ohi.   Akụkọ kọrọ na ndị eweojii ahụ jidere ndị ahụ nwèrè ezigbo nsogbu na ọgbaghara ịkọwa onye bụ onye n’ime ụmụnne abụọ ahụ, n’ihi na ha abụọ nwere otu ihu, otu ụdị ahụ, otu olu, ma harakwa n’ogologo; nke na ọ bụrụ na ọ bụ naanị otu onye bụ onye ohi ebe ahụ, na e nwere ike ịkpụrụ onye nke aka ya dị ọcha, chèé na ọ bụ ya zuru ohi. Ọ bụzị oge nd

IGBO sị na ọ na-abụ onye a gwara agwa ma ọ nụghị anụ, o mee emee ọ hụ ahụ; ma sịkwa na ọ na-abụ agadi nwaanyị kachie ntị wụọ aja, e bute ozu ya n’ofète nke ọzọ.   Ka ọ dị taa, ndị uweojii steeti Lagos anwụchiela ma kpụgharịa mmadụ dị narị abụọ, iri atọ na asaa (237) maka inupu isi n’iwu na ntụziaka ahụ gọọmenti nyere banyere ọrịa nje korona.   Ndị ahụ e jidere ka e kwuru na ha bụ ndị gara gbaa oringo n’ụfọdụ ụlọ nkwariakụ dị na mpaghara Surulere na Victoria Island dị na steeti ahụ, ma bụrụkwa ndị a nwụchikọrọ n’isi ngwụcha izu ụka gara aga, ebe ha nọ agbara oringo ma na-ekporikwa ndụ.   N’okwu ya oge ọ na-akpụgharị ndị ahụ, onyeisi ndị uweojii na steeti ahụ, bụ Maazị Hakeem Odumosu kwuru na mnwuchi ahụ a nwụchiri ndị ahụ bụ nke dabara adaba n’ilekwasị anya n’ọrụ dịịrị ha bụ ndị uweojii ịhụ na ndị mmadụ na-erube isi nye iwu na ntụziaka gọọmenti n’ozuzuoke, ọkachasị dịka o siri metụta iwu na ntụziaka ahụ gọọmenti nyere banyere ọrịa nje korona.   O mere ka a mara na ụlọọrụ ya na ndị ọrụ y

ỤLỌỌRỤ gbanụgbanụ, ‘The Lagos State Task Force on Environment and Special Offences’ erefuola (auction) ụgbọala iri anọ na anọ nke ndị nwe  ha dara iwu okporoụzọ site n’ịgba ebe ha ekwesịghị ịgba (one-way), na mpaghara steeti ahụ dị iche iche.   Onye okwuputaokwu ọrụ gbanụgbanụ ahụ, Adebayo Taofiq gwara ndịntaakụkọ oge a na-erefu ụgbọala ndị ahụ n’Alausa, Ikeja na ya bụ amụma abụghị ntaramahụahụ kama ọ bụ inye ntụziaka otu e kwesịrị ime ihe. Taofiq kwuru na ndị ahụ dara iwu njem okporoụzọ bụ ndị adịrịla na mbụ kpụpụ ụlọ  ngagharị (mobile court) steeti Lagos ebe ụlọikpe mara ha ikpe ma tinyezie ụgbọala ndị ahụ n’aka gọọmenti steeti ahụ.   Otu o sila dị, ọ gara n’ihu kwuo na dịka a hapụụrụ gọọmenti ụgbọala ndị ahụ na iwu kwuru na a ga-erefusị ha mana ha ga-anata ikike site n’aka ụlọikpe; nke ha mekwara ma nweta. O kwuru sị; “Ka nke ahụ gachara, anyị gbasara ozi ma mee ka ndị mmadụ mata, ọ kachasi ndị nwe ụgbọala ndị ahụ, ka ha bịa taa maka irefu ụgbọala ndị ahụ.”   Taofiq kọwara na ọ dị m