Ka Ọ Dị Taa

ONYE nnọchị anya mbà South Africa na Nigeria, bụ Maazị Bobby Moroe abrịọla steeti Anambra, ka ya na mba ha jikọọ aka ọnụ na-emekọ akụnụba. Ya bụ nwoke bụ onye anabatara n’ebe obibi gọvanọ dị n’Amawbịa site n’aka Gọvanọ Willie Obianọ na ụfọdụ ndị isi ọchịchị steeti ahụ. N’okwu ya na nzuko ọ bịara n’Anambra, Maazị Moroe sị na o meela nnyocha wee chọpụta na ndị ntorobịa steeti ahụ bụ ndị na-agbasi mbọ ike, ma sị na ọ bụ ya mere o jiri sị ka ọ bịa kpọtụrụ steeti ahụ n’ihi na ha nwere mmasị n’iwulite ndị mmadụ na ịkwàlite njem nlegharị anya, ọlụ ugbo, ụlọ oriri na ọñụñụ na ụlọ mmepụta ngwọ ahịa. O kwuru na ọ chọpụtara na steeti ahụ nwere ihe onwunwe na ndị nwere ọgụgụ isi, ma sị na ọ bụ ya mere o jiri chọọ mmekọrịta ya na steeti ahụ, iji wee kwàlite ohere ọma na ohere ọhụrụ maka ndị ntorobịa steeti ahụ. N’okwu ọ gwara ndị nta akụkọ mgbe ha mechara nzùkọ ahụ, aka na-achị steeti ahụ bụ Gọvanọ Willie Obianọ mere ka a mara na steeti ahụ nwere ohere ọma ma gbasapụ aka ya maka njikọ aka ha na ndị

Chinwendu Uzoatu   NDỊ Nigeria bi South Africa ekwuputana nwute ha maka ogbubu e gburu onye Nigeria ọzọ, Maazị Martins  Ebuzoeme, site n’aka ndị a maghị. Onye isi oche otu jikọtara ndị Nigeria bi South Africa ‘Nigeria Union in South Africa,’ Adetola Olubola, kwuru na e gburu nwa amadị ahụ na Yeovilie Johannesburg n’ihe dịka elekere nke asaa na ọkara nke uhuru chi ka ọnwa Julai dị na mkpụrụ ụbọchị iri na abụọ.   Mkpamkpa a kpara ka o mechara ihe dịka otu ụbọchị onye isi ala South Africa, ‘President’ Cyril Ramaphosa bịachara njem n’ala Nigeria. Ramaphosa na njem ahụ, nke o mere ka ọnwa Julai dị na mkpụrụ ụbọchị iri na otu, kwuru na ogbugbu a na-egbu ndị Nigeria na ndị mba ndị ọzọ na South Africa bụ nke ndị omekome na-eme nke n’abụghịkwanụ maka nanị ndị Nigeria.   O kwuru si “ihe pkatara ogbugbu a bụ n’ihi ụkọ ọlụ nke dị n’etiti ndị ntorobịa, tinyekwara ọtụtụ ihe ndị ọzọ nke sitere n’ogologo ọchịchị mmegide nke ndị isi ojii. “Otu o sina dị, gọọmentị na-agbasi mbọ ike iji wee kwụsị ya.” ‘N