Ka Ọ Dị Taa

NDỊ otu Society of Young Nigerian Writers ngalaba steeti Anambra nọ ụbọchị Monde ọnwa Novemba dị n’abalị iri na isii n’afọ a bụ 2020 wee chikọba emume ome n’afọ, tinyere nkuzi agba nke mbụ e ji echeta Chinua Achebe, ọ ka ibe n’edemede. Emume ahụ nke weere ọnọdụ n’ọbaakwụkwọ Prof. Kenneth Dike e-Lirary, Awka, steeti Anambra bụ nọọ nke ndị mmadụ si n’ugwu na ndịda wee bịa; ha gụnyere ndị odeakwụkwọ, ntaakụkọ, ụmụakwụkwọ, ndịọrụoyibo, ndị nnọọrọonwe w.d.g.   N’okwu ya, onyeisioche emume ahụ bụ Sir Chuka Nnabife bụ onyeisi (MD/CEO) Anambra Newspapers and Printing Corporation (ANPC) bụ ndị na-ebipụta akwụkwọ akụkọ National Light, Ka Ọ Dị Taa na SportsLight Xtra kwuputara na o kwesịrị ka a na-emerube emume icheta Achebe ọ bụghị sọọsọ na steeti Anambra, Nigeria, ụwa niile kama na ndụ.   O kwuru sị na Achebe abụghị sọọsọ odeakwụkwọ dị egwu kama na ọ bụ onye nwere amamihe nke ukwuu.   Nnabuife kwuru na Achebe edeghị akwụkwọ sọọsọ maka ọdinihu kama na ọ gbara mbọ maka ọdinihu, bụ nke mere ka o n

OTU jikọtara ndịntorobịa na-ede edemede n’ala anyị, The Society of Young Nigerian Writers (SYNW) ngalaba steeti Anambra awụchaala n’ụlọọrụ Anambra Newspapers and Printing Corporation (ANPC), bụ ndị na-ebipụta akwụkwọ akụkọ National Light, Ka Ọ Dị Taa na SportsLight Xtra dịka ha na-akwadebe emume ome n’afọ ha ji echeta Chinua Achebe bụ ọka ibe n’edemede, onye nke ha na-elegara nzọ ụkwụ ya anya dịka nna ha n’edemede. Ndị otu SYNW na-eme nnukwu emume a ma ọnwa Novemba gbaa abalị iri na isii n’afọ ọbụla, bụ ụbọchị ncheta ọmụmụ Achebe. Odeakwụkwọ otu ahụ n’ala Nigeria gbaa gburugburu ma bụrụkwa onyeisi na ngalaba steeti Anambra bụ Izunna Okafor onye duru ndị otu ya bịa njem ahụ kelere onyeisi (MD/CEO) ụlọọrụ ahụ bụ Sir Chuka Nnabuife maka ezi nnabata na nkwado ya n’ebe otu ahụ nọ. O kwuru sị: “Anyị malitere ime emume nke anyị kpọrọ Chinua Achebe Literary Festival afọ ise gara aga iji wee na-echeta Chinua Achebe, onye Ogidi nke nwụrụ ka ọnwa Maachị dị n’abalị iri abụọ na otu n’afọ 2013. Ebum