Ka Ọ Dị Taa

GỌỌMENTI steeti Anambra, site n’okpuru ụlọọrụ na-ahụ maka ọnọdụ gbanụgbanụ, bụ ‘Anambra State Emergency Management Agency’ (SEMA) nọrọ na nsonso a wee kesàá ihe erimeri na ihe nkwàdo nyegara obodo iri na isii dị iche iche iju mmiri wakpòrò n’okpuru ọchịchị ime obodo Ọgbaru.   Ụfọdụ ebe ndị ọzọ dị iche iche e kenyekwara òkè ihe nkwàdo na erimeri ahụ gụnyèrè Ogbeukwu, Iyiowa, ogige nlekọta ‘Madonna Mercy Family International’ bụ ebe a na-elekọta ndị nọ n’ọrịa nakwà ndị agadi, tinyere ogige ụmụaka enweghị nne na nna, bụ ‘Madonna Angels Orphanage Home’ dị n’Atani; na ụlọakwụkwọ ‘King’s Ambassadors Seminary School’ dị n’Ọgbarù ahụ.   Mmemme ikesà ihe nkwàdo na erimeri ahụ bụ nke weere ọnọdụ n’ogige isi ụlọọrụ okọuru ọchịchị ahụ dị n’Atanị, ma bụrụkwa nke onye lekọtara ya bụ Maazị Nnamdi Esimai, bụ onyeisioche òtù na-ahụ maka mbute na nkesà ihe nkwàdo, ihe enyemaka, nà erimeri nyegara ndị iju mmiri wakpòrò na mpaghara ahụ.   N’okwu ya na mmemme ikesà ihe ndị ahụ, onyeisioche nchere oge n’okp

Igbo sị na ọ na-adị mma ibido n’oge maba ọkwà mmiri, ma sịkwana ọ na-adị mma ịma ọkwà mmiri tupu ozuzo ya.   Ọ bụ n’ịgbaso nke aka ụlọọrụ ahụ na-ahụ maka ọnọdụ mberede n’ime steeti Anambra, bụ ụlọọrụ‘Anambra State Emergency Management Agency (SEMA)’ jiri buru ozi na nkuzibanyere ijummiri wee gaa n’okpuru ọchịchị dị iche iche dịgasị na steeti ahụ.   Dịka onyeisi ụlọọrụSEMA bụ Maazị Paul Odenigbo siri kọwaa, ebumnobi mgbasa ozi na nkuzi ahụ bụ ijimee ka ndị mmadụ mara ihe dị iche iche ha kwesiri ịma bànyere ijummiri, ya na ụzọha pụrụ isi chekwaba ma hazie ọnọdụ ha na ọnọdụ gburugburu ha, iji hụ na ọwakpòghị ha na mberede.   Maazị Odenigbo, nke ọbụ Maazị Chukwudi Onyejekwe nọchitere anya ya kèlèrè ọchịchị steeti Anambramaka ihe dị iche iche ọ na-eme iji hụ na nsogbu ijummiri ewetaraghị ụmụafọsteeti ahụ ihe anyammiri ọzọ maọbụ ajọ ọnọdụ ndị ọzọ, dịka o si emebụ na mbụ; ọkachasị site n’ịrụpụta, ịhazi na ịkwado ebe ndị mmadụ ga-agbaga ọsọ ndụn’okpuru ọchịchị ime obodo dị iche iche na steeti

N’IHI na ọ na-adị mma ịma ọkwà mmiri tupu ụbọchị ozùzo ya, a kpọkuola ma dụọ ndị bi na mpaghara ogbu mmiri ka ha mụrụ anya ka azụ ma dịkwa njikere maka ịkwagharị ọnọdụ oge adịghị anya, n’ihi ọkwà ahụ a na-ama bànyere iju mmriri nke a na-atụ anya na ọ ga-agba gwòògwò n’ahọ a. Oku a bụ nke a kpọrọ site n’ọnụ onyeisi òtù ahụ na-ahụ maka ọnọdụ gbanụ-gbanụ na steeti Anambra, — bụ ‘State Emergency Management Agency’ — Maazị Paul Odenigbo na nzukọ inye nkuzi na ịdọ aka na ntị e mere n’okpuru ọchịchị Ayamelụm na Awka North n’otù n’ótù, ma gwa ndị ahụ na ha ga-ama na ya bụ iju mmiri awụchiela ngwangwa ha hụrụ na ogoogo mmiri dị n’obodo ha etobela. Maazị Obidigbo, nke onye nọchitere anya ya bụ onye enyemaka nye Gọvanọ Willie Obianọ n’ihe gbasaara ụlọ ọrụ SEMA na mgbasa ozi, bụ Maazị Emeka Obinwa chètààrà ndị ahụ na ya bụ ozi abụghị iji wee mapụ ha obi ma ọ bụ mee ka egwù bàá ha ahụ, kama na ebumnobi ya bụ iji wee gbochie ya bụ ajọ ọnọdụ ịdabido ha n’amaghị ama, ma ọ bụ n’akwadoghị akwado. Ọ kpọp