Ka Ọ Dị Taa

DỊKA ọgbaghara dagoro na-etiti ndi otu ndọrọndọrọ All Progressive Congress (APC), akụkọ si n’otu ndọrọndọrọ ahụ pụta na-ekwu na Osote Onyeisiala Nigeria bụ Ọkammụta Yemi Osinbajo akatọọla ma gbarụ̀ọ́ ihu banyere atụmatụ APC ji azọ ọkwa onyeisiala na nhọpụta izugbe ahụ a ga-eme n’ahọ 2023.   Onye selitere isi n’otu ndọrọndọrọ ahụ achọghị ka a kpọọ aha ya kwuru sị, “Osote Onyeisiala adọọla aka na ntị ka ndị otu pati APC hapụ iji atụmatụ Muslim–Muslim Ticket zọọ ọchịchị onyeisiala 2023.”   Ya bu nwaamadi gara n’ihu kpughee ọtụtụ okwu Osinbajo kwuru banyere nke ahụ, ma mee ka a mara na usoro ahụ ndị APC ji adabaghị chaa chaa, ma kwukwa ihe ọjọọ na ajọ ọnọdụ ndị ọzọ dị icheiche nke ahụ nwere ike iweta n’idinotu nke ala Nigeria na n’ọdịnihu.   Ọ dị ncheta nà n’ahọ 2014, oge Onyeisiala Muhammadu Buhari malitere ịzọ ọkwa onyeisiala, ọ kagburu usoro ndị ụka Alakụ̀ba abụọ ịbụ onyeisiala na osote onyeisiala otu oge, bụ nke mere o jiri kpọrọ Osinbajo bụ onye otu Kristi ka ọ bụrụ osote ya n’ọchịchị

…Mepekwa ụlọ mmepụta akpụkpọụkwụ OSOTE onyeisiala Nigeria, bụ Ọkammụta Yemi Osinbajọ nà aka na-achị steeti Anambra bụ Gọvanọ Willie Obianọ agbapeela ogige ọkụ latiriiki a maara dịka ‘Agu-Awka Injection Sub-Station’ n’Awka bụ isi obodo steeti ahụ, bụkwa nke ikike ya ruru 60MVA na 132/33KVA.   N’okwu ya n’ebe ahụ, osote onyeisiala bụ Osinbajo tòrò Gọvanọ Obianọ maka agadaga ọrụ ahụ a rụrụ n’ebe ahụ, ma kpọkuo ndị gọvanọ steeti ndị ọzọ ka ha ñòmie ezi ọrụ di etu ahụ, n’ihi na mmepe ala Nigeria dàbèèrè na mmepe steeti dị iche iche dịgasị n’ime ya.   O mere ka a mara na ọnụ ego a na-enwete n’ime steeti Anambra esila n’ijèri naịra iri wee gbagoo n’ijeri naịra iri abụọ na isii, n’ihi ezi ọnọdụ dị larịị na ọmarịcha atụmatụ dị iche iche Gọvanọ Obianọ wepụtara, ya na ezi mmụọ agbambọ ndị Anambra. O nyere nkọwa banyere ogige ahụ ahụ, ma kwe nkwà na gọọmenti etiti ga-aga n’ihu inye steeti ahụ nkwàdo kwesiri ekwesi, ọbụladị dịka ọ kpọpụtakwàzịrị uru dị iche iche ogige ahụ ga-eweta na etu ọ ga-esi b

NDỊ isi ‘Christian Association of Nigeria (CAN)’ añụrịala n’ihi ihe ọma mere osote onyeisiala Nigeria bụ Ọkammụta Yemi Osinbajo, onye nke pụtara n’ihe mberede helikọpta kpọtụrụ na Satọdee gara aga na Kabba nke dị na steeti Kogi. Onyeisioche otu ahụ bụ Rev Samson Ayokunle n’ozi ya n’Abuja nke sitere n’aka onye ndụmọdụ ya pụrụ iche na mgbasa ozi bụ Pastor Adebayo Oladeji kelekwara Chineke maka ịzọpụta Osinbajo. O kwuru si “Ndị isi CAN na-ekele Chineke ma sorokwa gọọmentị etiti na Osinbajo na-añụrị. Anyị na-enye Chineke otito maka ichekwa ndụ osote onyeisiala na ndị otu ya site n’ihe mberede helikọpta ka ha na-agbagharị maka inweta ndị nkwado nye otu ndọrọndọrọ ọchịchị  ha n’ihi ‘election’ nke na-abịa abịa. Onye ụkọchukwu ahụ chetara na osote onyeisiala nwere ụdị ọgbatauhie ahụ n’afọ 2018 mgbe ọ na-aga njem na ‘Nigeria Customs College’ nke dị na Gwagwalada, Abuja. Ọ gakwara n’ihu kpee ka Chineke na-aga n’ihu na-echekwa ya na ndị isi ọlụ gọọmentị ndị ọzọ. Ọ dọro ndị ọ dị n’aka ịlụ na idozi