Ka Ọ Dị Taa

NDỊ ntorobịa iwe juru obi nọrọ na nsonso a wee wakpò ma bibie otu ụlọụka a maara dịka ‘Olu Ndi Enigwe Adoration Ministry’ dị n’Obosi, n’okpuruọchịchị ‘Idemili North’ nke steeti Anambra, n’ihi nsogbu ịzọ oke ala na-adapụta n’etiti ndị obodo ahụ na ndị nwe ụlọ ụka ahụ, bụ nke binwuuru ọkụ na nsonso a.   Ya bụ nsogbu oke ahụ bụ nke malitere kemgbe, ma bụrụkwa nke ka na-agawanye n’ihu ugbua n’agbànyèghị ntụnye dị icheiche na oku ikpe udo niile ndị e ji okwu ha agba izu kpọgoro n’etiti ndị ụka ahụ na ndị obodo ahụ, ma nke e mere site n’aka Ashbishọọpụ Valerian Okeke nke ụka Katọliki na Dayọsis Ọnitsha, na ụfọdụ ndị ọzọ.   N’agbànyèghị mgbataọsọ niile ahụ, akụkọ kọzịrị na ndị ntorobịa Obosi jiri iwe, buru katapịla, wee ga kwatuo ụlọụka ahụ, tikpọ̀sịa ihe dị icheiche e ji aka ụka n’ebe ahụ, ma tikwa ụfọdụ ndị ụka ahụ nọ ebe ahụ ihe tupu chụpụ ha n’ala ahụ.   N’okwu ọ gwara ndị ntaakụkọ banyere nke ahụ, onye mgbazi nke ime mmụọ n’ụlọụka ahụ, bụ Rev. Fr. Jude Uche Olundienigwe kọwara na ala ebe

OMENALA bụ ọbara na-ehù na ndụ àgbụrụ, ma bụrụkwa nwata tote o tokwuru.   Nke a bụ nke pụtara ihè n’ozùzuoke, dịka ndị Obosi dị n’okpuru ọchịchị ime obodo ‘Idemili North’ nke steeti Anambra merùbere emume Ito Ọgbọ, bụ otu nnukwu emume e jiri mara obodo ahụ.   Ya bụ oke mmemme bụ nke weere ọnọdụ n’ogige Afor Adike, ma bụrụkwa nke dọtara imirikiti ụmụafọ obodo ahụ na ọtụtụ ndị ọzọ siri ebe dị icheiche wee bịa isonye na ya.   N’okwu nnabata ya na mmemme ahụ, eze ọdịnala Obosi, bụ Igwe Chidubem Iweka mere ka a mara na a malitere ime emume Ito Ọgbọ Obosi kemgbe ihe karịrị narị ahọ gara, ma bụrụkwa mmemme sitere n’aka ndị nna-nna ha wee rute ha aka.   Dịka ọ na-ekwupụta na ọ bụ mmemme ahụ bụ nke kachasị mmemme niile a na-eme n’obodo ahụ, ọ kọwara na mmemme ahụ bụ nke ha ji emerùbe ma na-akwanyere ndị okenye ha ndị rugoro ahọ iri asatọ ùgwù n’ụzọ pụrụ iche, ma mee ka a mara na o nweghị ihe ịgwọ ọgwụ ọjọọ ọbụla maọbụ ikpere arụsị dị na ya bụ mmemme, nke pụtara na onye ọbụla nwere ike isonye na

ỊMA mma nke ọnatarachi na omenala ndị Igbo pụtàkwàrà ihe ọzọna nsonso a dịka ndị obodo Obosi merùbèrè mmemme iri ji ọhụụ ha nke ahọ 2020.   Ya bụ mmemme bụ nkeweere ọnọdụ n’òbí eze ọdịnala obodo ahụ dị n’okpuru ọchịchị Idemili Nọọtụ nke steetiAnambra, ma bụrụkwa nke ụmụafọ obodo ahụ na ndị dị iche iche e ji okwu ha agbaìzu sonyere na ya.   N’okwu ya oge ọna-awa ji na mmemme ahụ, eze ọdịnala obodo ahụ bụ Igwe Chidubem Iweka fọrọekele n’ụkpa wee bunye Ekè kere ụwa maka bụ Chineke maka ọrụ ugbo na owuwe iheubi nke ahọ a, bụ nke o kwuru na ọ pụrụ iche na nke ahọ ndị gara aga. Okelekwara Chineke maka udo na ngọzị Ya n’isi obodo ahụ na ụmụafọ ya nọgasị ebedị iche iche agbara onwe ha mbọ, ma rịọ ka ọ gaa n’ihu ime ka udo Ya na-achịn’obodo ahụ ma na-awụkwasa ngọzị Ya n’isi ụmụafọ steeti ahụ.   Igwe Iweka mere ka amara na ọ bụ n’Afor Adike ka ha gaara anọ mee mmemme ahụ, mana ha achọghị imeya bụ mmemme n’ụzọ ọ ga-ekwo ekwò nke ukwuu n’ihi ọrịa nje korona na-ebi ụwaaka ọjọọ n’ụzọ dị iche iche ug

… Gọọmenti Anambra ekpebie ịkụtù ụlọ ahụ ANYAMMIRI gbàrà ka ijummiri na nsonso a, dịka akụkụ otunnukwu ụlọelu dàrà wee tigbuo otu nwaanyị mụrụ nwa ọhụụ n’Obosi, dị n’okpuru ọchịchịime obodo ‘Idemili North’ nke steeti Anambra. Ya bụ ụlọ merụkwara ụfọdụ ndịmmadụ ahụ n’otu oge ahụ ọ dara. Mana, dịka amara Chineke siri dị, o nweghị ihe ọbụlamere ụmụaka ha, nke otu n’ime ha bụ nwa a mụrụ ọhụụ, dị naanị ọnwa isii.   Nwaanyị ahụ ụlọ ahụtigburu ka e kwuru na ọ gbàrà ahọ iri anọ, ma bụrụkwa onye na na-echebe nwaara. E bukwara ya wee gaa ụlọ ahụike dị nso ebe ahụ ozigbo ozigbo a dọpụtacharaya, mana dọkịta lelechaara ya ahụ, wee kwuo na ụkwà a na-apị, nà mkpụrụ adịghịya —nke pụtara na ya bụ nwaanyị alaala mmụọ.   Ka ọ dị taa, gọọmentisteeti Anambra ekpebiela ma kwuwaa na ọ ga-akụtù ụlọ ahụ tigburu ya bụ nwaanyị,maka na o teela aka o jiri maba ọkwà ma na-adọ aka na ntị megide ụlọ ọdịda (n’ụdịọbụla) n’ime steeti ahụ.   Mkpebi ịkụtù ụlọ ahụbụ nke e kwupụtàrà site n’ọnụ Maazị Chike Maduekwe, bụ onyei

Chinwendu Uzoatu   ỤLỌ elu nwere okpukpu anọ adaala kpamkpam n’Owelle-Aja, Obosi, nke dị n’okpuru ọchịchị Idemili North na steeti Anambra. Ụlọ ahụ, nke nọzi n’ogo ilụchapụ ya daruru ala na ngwụcha izuụka gara aga n’ihe dịka elekere asaa nke ụtụtụ; mana onweghị onye ọbụna tufuru ndụ ya. A na-akọwa na e meburu ntọala (foundation) ụlọ a maka okpukpu abụọ mana onye nwe ya mechara n’ikpeazu tinyekwuo okpukpu abụọ ọzọ na ya. Nke a metụtara ntọala ụlọ a nke na o nweghịkwa ike ibuli ya, o wee daa. Ụfọdụ ndị mmadụ bi n’okirikiri ahụ, tinyekwara ndị gbatara ọsọ kwuru na ụlọ ahụ nwegasịrị mgbawa n’ahụ ya tupu e tinyekwuo ya okpukpu abụọ ọzọ. Ha kwuru na ọ bụ nkea nwere ike ime o jiri wee da. Tochukwu Nwkodi kwuru na ala ebe ahụ esighị ike, na ọ dị nro nke ukwu nke mere na mmiri ga na-asacha ya n’egbughị oge. Ọ gara n’ihu kwuo na o nweghị mgbe ogologo ụlọ ga-akwudo n’ebe ahụ. “Anyị anaghị alụ ụdị ụlọ ahụ ebe a. Ihe ịga ahụ ebe a bụ ụlọ elu okpukpu abụọ. Onye ọbụla gafere nkea achọghị ka ụlọ ya kwụ

ỌCHỊCHỊ steeti Anambra, n’okpuru Gọvanọ Willie Obianọ ebinyela aka n’akwụkwọ ma nye ọrụ ngo maka idozi mbize (ibo) abụọ n’Obosi na n’Ogidi, dịka ụlọ ọba ego mba ụwa siri nye nkwado. Izunna Okafor dere akụkọ ndịa Ka ọ na-ebinye aka n’ịnye ya bụ ọrụ ngo, bụ nke weere ọnọdụ n’ebe obibi gọvanọ dị n’Amawbia, Gọvanọ Obianọ kọwara na nke ahụ ga-eme ka ọ dị isii n’ọnụ ọgụgụ, bụ ebe dị iche iche ụlọ ọba ego mba ụwa kwadogoro steeti ahụ n’ịrụ ibo, bụ ndị ọrụ malitegoro na ha; ma sịkwa na nkwekọrịta na mkparịta ụka ka na-agakwa n’ihu banyere ndị fọrọ afọ. Banyere ya bụ ọrụ ngo, Gọvanọ Obianọ mere ka a mara na ọ bụkwa steeti ahụ ka a ga-ejide ma o nwee ihe ọbụla mere ya bụ ego ụlọ ọba ego mba ụwa wetara maka ya bụ ọrụ n’ihi na nke ahụ abụghị ego onyinye nyegara steeti ahụ, kama na ọ bụ ego mgbazinye a ga-etinye n’ọrụ ahụ, ma bụrụkwa nke ọmụrụnwa ya dị ọnụ ala. Ọ kwuru na onye ọrụ ngo ahụ nwere ihe agafeghị ọnwa iri abụọ na anọ iji wee rụchaa ha bụ ọrụ, ma sịkwa na ọchịchị ya ga na-etinye anya oge