Ka Ọ Dị Taa

NDỊ ụlọ ọgbakọ omebe steeti Anambra nọrọ ụbọchị n’izu ụka gara aga wee nabata aha ndị isi oche nchere oge ọhụụ govanọ Willie Obianọ ziteere ha maka okpuru ọchịchị iri abụọ na otu e nwere na steeti ahụ. N’okwu ya dịka ha na-anabata aha ndị ahụ, osote ọka okwu ụlọ ọgbakọ omebe iwu ahụ, bụ maazị Harford Oseke, onye nọ n’isi ya bụ ọgbakọ tụụrụ ndị ahụ mmamma maka ịbụ ndị a hụtara dịka ndị tozùrù òkè iji ya bụ ọkwa dị oke elu. Ọ dụkwàzịrị ha ka ha dị uchu n’ọrụ ha ma gbasie mbọ ike rụpụta ihe a hụrụ anya, ọ bụnadị karịa otu ọ dị tupuu ugbu a, iji gwaa aka n’ịkwàlite ya bụ ezi mbọ esepughị aka gọvanọ Obianọ na-agba n’ịkwàlite steeti ahụ ka ọ bụrụ eji ama àtụ. N’ozi ekele ya, onyeisi nchere oge n’okpuru ọchịchị Idemili North, bụ maazị Raphael Nnabụife kelèrè ndị omebe iwu ahụ maka ịhụta ha dịka ndị tozùrù òkè iji ya bụ ọkwa dị elu, ma kwekwazie nkwà na ha ga-arụ ọrụ ha nke ọma iji mezuputa ezi ntụkwasị obi ahụ gọvanọ Obianọ nwere n’ebe ha nọ wee nye ha ya bụ ọkwa. Na ntụnye nke, nwa amadi e n

EZINAỤLỌ Ikechukwu Ani lara mụọ, bụ onye na-azụ ahịa n’Enugu edegarala ndị isi uweojii akwụkwọ mkpesa maka ihe ha kpọrọ igbu mmadụ n’ụzọ ezighi ezi ‘extra-judicial killing’. Akwụkwọ mkpesa ahụ gwara ndị isi uweojii ka ha lebaa kọmanda nke ‘Anti-cult Police Unit’ Enugu, anya gbasara imesi mmadụ ike iji chọpụta nke bụ eziokwu (torture) na iri ngarị. Ha kwuru na Ikechukwu Ani nwụrụ n’ihi mmesi ike nke ndị ọlụ ‘Anti-cultism Unit’ Enugu, mere ya. Nwunye Ikechukwu Anị lara mmụọ bụ Promise Ani kọwara na ndị otu ndị uweojii ahụ wụchara n’ebe obibi ha n’ihe dịka elekere abụọ nke ụtụtụ ka ọnwa Jenụarị dị n’abalị isii wee nwụchịkọọ di ya bụ onye gbara afọ iri abụọ na asatọ n’ihi ebubo na o kwere nkwa igbu ndị uweojii na-enye ọhanaeze nsogbu. Ọ kọwara na di ya kwuru na ya ekwughị ụdị okwu ahụ. Ọ gara n’ihu kwuo na ndị uweojii ekwesighị imesi ya ike abalị anọ n’enyeghị ya nri ma gakwaa n’ihu were nsị gbuo ya. O kwuru si; “oge ha hapụrụ ya, di m gwara m na ndị uweojii ahụ jiri hama kụbaa ntu abụọ n’