Ka Ọ Dị Taa

KEKE Napep bu mmadụ anọ ma burukwa akara ụgbọala KPP-840QVewerela ọsọ gbabaa n’ime ọwa mmiri ma merụọ mmadụ abụo  ahụ ụbọchi Mọnde. Nke a mere n’ihu  Anambra Newspepers and Printing Corporation(ANPC), ndị na-ebipụta akwụkwọ akụkọ National Light, Ka Ọ Dị Taa nakwaSportsLight Xtra. Dika e si kọwaa, onye ọkwọ ụgbọala ahụ gbara ọsọ nke ukwuun’ejideghị njikwa ụgbọala ahụ nke ọma.   Otu onye nọ n’ụgbọalaahụ aha ya bụ Hadi Mohammed sitere na Sarduana dị na steeti Taraba kọwara na ọkarịbeghI otu ọnwa ọkwọ ụgbọalaahụ butere ụgbọala a   N’okwu ya, ọ sịrị“Anọ m n’ime Keke oge ọ na-anya ya. Ọ chọrọ ka ọ tugharịa ibute onye ọzọ ọmaara. E nyere m aka iji gbochie ihe mberede a ma gwa ya ka o jiri nwayọọ tupu ọtụbanyeKeke m n’ime ọwa mmiri”.   Mohammed kwukwazịrịna ihe mberede a merụrụ mmadụ abụọ arụ nke onye otu ya a kpọrọ ‘Homeboy’ so naya.

Merụọ mmadụ ise ahụ, mebie ọtụtụ ihe OBODO gbara aghara ma sụọkwa wuruwuru nso nso a, dịka ndị na-anyà ihe ọnyịnyà Keke nwèrè nkwàtụ ma pịachara obere ọkpọ n’Ọnịtsha dị na steeti Anambra. Kàtàkátá bụ nke e kwuru na o wètààrà mmadụ ise mmerụ ahụ, ma bụrụkwa nke e si na ya wee bibie Keke ruru iri asaa n’ọnụ ọgụgụ. Dịka akụkọ siri kọọ, ya bụ nsogbu bụ nke dapụtara oge ndị òtù jikọtara ndị na-anya keke, bụ ‘Keke Drivers Welfare Association’ nọ na-akpọ ganịganị bànyere otu e sì akapụsị ndị òtù ha ego ọdụ dị n’Ọnịtsha ahụ; ndị òtù ọzọ wee wákpò ha n’ike ma manye ha ọgụ ozigbo; ha wee màlite ịpịrị ya. Ndị keke ahụ anọrọlarị n’ụbọchị gara aga wèré Keke dochisie okporo ụzọ awara awara ahụ siri Ọnịtsha gaa Owerri na ụfọdụ okporo ụzọ e sì abà na mpaghara nnukwu ahịa Ọnịtsha dịka ha na-eme ngagharị iwe megide ótú ndị a na-enyo ènyò na ha bụ ndị na-anakọ ego n’ụzọ iwu akwadòghị n’ahịa ahụ sìrì wee kụọ ótù onye òtù ha gwoo gwoo maka na o kweghị akwụ ótù puku Naịra ha na-akwụ kwà ụbọchị ọbụla n’ahịa