Ka Ọ Dị Taa

ỤLỌỌRỤ ahụ na-ahụ maka ibu agha megide igwù ojoro na ịmazụ ego ọhaneze n’ala Nigeria, bụ ụlọọrụ ‘Economic and Financial Crimes Commission (EFCC)’ anwụchiela mmadụ iri na iteghete a na-enyo enyo na ha bụ ndị na-egwu ojoro site n’usoro nzikọrịta ozi ọgbara ọhụrụ ịntaneetị, bụ ndị a maara dịka ndị ‘Yahoo Yahoo’.   Dịka ozi a kụpụrụ na nsonso a site n’aka onye na-ahụ maka mmekọrịta ọhaneze na ụlọọrụ EFCC, bụ Maazị Wilson Uwujaren siri kọwaa, otu onye n’ime mmadụ iri na iteghete ahụ e jidere bụ nwokorobịa ji otu ahọ efe ala nna ya n’okpuru usoro atụmatụ ‘National Youths Service Corps (NYSC)’ na steeti Kogi, bụ Adamu Shuaibu, tinyere mmadụ iri na asatọ ndị ọzọ.   Maazị Uwujaren mèkwàrà ka a mara na ọ bụ na Lokoja bụ isi obodo steeti ahụ ka a nwụchiri ndị ahụ dịka e nwètèrè ozi banyere ebe dị icheiche ha nọ na ihe nọkwa ebe ahụ eme.\Dịka o siri kwu, mmadụ iri na asatọ ndị ọzọ gụnyere: Nelson Ojonoka, Victor Atsumbe, Akoh Grace Samuel, Usman Abubakar Sadiq, Jacob Emmanuel, Solomon John, Christ

KA ọ gachaara abalị olenaole e jiri tọrọ ha, mmadụ abụọ ndị ahụ ji otu ahọ efe ala nna ha n’okpuru amụmà ‘National Youth Service Corps (NYSC)’ ndị ntọ tọọọrọ enwerela onwe ha pụọ n’aka ndị tọọrọ ha.   Nke a bụ nke e mere ka ụwa mara site n’ozi a kụpụrụ ụbọchị Wenezdee site n’aka onye enyemaka pụrụ iche nye Gọvanọ Samuel Ortom nke steeti Benue n’ihe gbasaara mgbasàozi ogbaraọ̀hụ́rụ, bụ Jimin Geoffrey site n’ozi ọ kụpụụrụ ndị nta akụkọ.   Ọ kọwara na ọ bụ site na njikọaka gọọmenti steeti ahụ, ụlọọrụ ụgbọala e ji ebu ndị njem, bụ Benue Links na ezinụlọ ndị ahụ a tọọrọ atọrọ ka e jiri nweta ntọhapụ ndị ahụ.   Dịka o siri kọwaa, mmadụ abụọ n’ime mmadụ isii ahụ a tọhapụrụ bụ ndị ji otu ahọ efe ala nna ha, ma bụrụkwa ndị a tọọrọ n’ụzọ oge ha na-aga n’ogigè ebe a na-enye ndị ji otu ahọ efe ala nna ha ọzụzụ na steeti Zamfara; ebe mmadụ anọ ndị ọzọ bụ ụmụafọ steeti Benue na-emere onwe ha njem.   O nyere aha ndị NYSC ahụ dịka Jennifer Awashima Iorliam na Joseph Zakaa. Ọ gakwara n’ihu kwuo na otu

ONYEISI (Director-General) nke National Youth Service Corps (NYSC), Brigadier General Shuaibu Ibrahim akpọtụrụla ma ńụrịara onye ji otu afọ efe ala Nigeria so na ‘2021 Batch B Stream II’ aha ya bụ Ramatu Yunusa, onye mụrụ nwa nwoke ka o debanyechara aha ya maka NYSC n’ogige ebe a na-enye ọzụzụ (orientation camp), na steeti Bayelsa.   Ka ọ na-egosipụta ọńụ ya maka nwa ahụ a mụrụ n’enweghị nsogbu ọbụla, oge ọ kpọtụụrụ ya n’ụlọọgwụ Bayelsa State Referral Hospital, Kaiama, bụ nke dị nso n’ogige ebe a na-enye ọzụzụ (NYSC Orientation Camp), onyeisi NYSC ahụ kwuputara na ha ga-akwụrụ Ramatu na nwa ya ụgwọ ụlọọgwụ ha.   Onye nhazi (coordinator) NYSC steeti Bayelsa, Oriakụ Ojiugo Elizabeth, kọwara na e butere Ramatu ụlọọgwụ ozigbo ime malitere mebe ya.   N’otu aka ahụkwa, ndị ọrụ ahụike lebaara Ramatu anya, bụ nke gụnyere onye ji otu afọ efe ala anyị, Dọkịnta Mbanusi Chiebonam Clara kwuputara na nne na nwa nọ n’ezi ahụike.   N’okwu ha n’oge ahụ, Ramatu na di ya bụ Liman Aliyu Suleiman gosipụtar

NDỊ Nigerian Communications Commission (NCC) ebunyela National Youth Service Corps (NYSC) ihe ndina (mattresses) dị otu narị. Ha mere nke ahụ n’ebe ọzụzụ ndị NYSC (orientation camp) nke Kubwa, Abuja iji dochie anya ndị e zuru n’ohi oge e mere ngagharị #EndSARS n’afọ gara aga.   N’okwu ya n’oge a na-ahafe ihe ndina ndị ahụ na ekwenti ga, osote onyeisioche òtù ahụ, Ọkammụta Umar Danbatta kwuru na amụma ahụ dabara n’ezi mmekọrịta otu ahụ ‘Corporate Social Responsibility’ (CSR).   Ọ gara n’ihu kwuo na ndị ntorobịa abụghị sọọsọ na ha ga-arụ oke ọrụ n’iwulite obodo mana ha ga-atụnyekwa ụtụ na mmepe obodo na ịkwalitekwa ezi mmekọrịta n’obodo.   O kwuru na otu ahụ dịka ọrụ ha siri dị, na akwalite ndị ntorobịa site n’ụzọ dị iche iche.   Danbatta onye nke onyeisi na-ahụ maka ọdị mma ọha na eze (Director for Public Affairs), Dọkịnta Ikechukwu Adinde nọchitere anya ya kpọkuru ndị ahụ ji otu afọ efe ala Nigeria ka ha bụrụ anya NCC ji ahụ ụzọ n’ebe e zigara ha ịrụ ọrụ, ka ha gbasaa ozi ihe ha mụtara

ỤLỌỌRỤ na-ahụ maka iji otu afọ efe ala Nigeria The National Youth Service Corps (NYSC) ekwuputela na a chụọla ihe karịrị ndị ọrụ ha ọkwa ha dị elu (senior staff) karịrị iri atọ n’ọnụọgụ maka ịda iwu dị iche iche gụnyere amaghị eme na nnupuisi.   Onyeisi ụlọọrụ ahụ (Director-General) nke NYSC Shuaib Ibrahim kwuru na e mere nke ahụ iji hụ na e nwere usoro iwu bụ ịgba (discipline).   Ọ kọwara na ọchụchụ a chụrụ ndị ahụ bụ site na mpụtara nke ndị a hanyere ka ha mee nnyocha (disciplinary committee) wetara ma bụrụ nke otu bọọdụ na-ahụ maka NYSC (national governing board) haziri (ratified) ka ọnwa Maachị dị n’abalị asatọ n’afọ a bụ 2021.   Ọ kwuru sị: “NYSC sokwa n’ ndị nọ n’ụwa (society), ebe ọ bụla e nwere ndị ọma, ndi dị njọ na ndị jọrọ njọ na-anọ ya, mana imirikiti ndị ọrụ anyi bu ndị ọma, na-agba mbọ, ma na-erube isi. Mana n’ime, anyi nwekwara ufọdụ ndị ojọọ, ụfọdụ n’ime ha abụrụla ndị e nyere ntaramahụhụ, ebe ufọdụ bụzi ndị a gbaara ugbọ nwa mkpị, w.d.g. Anyi mere ya ụbọchị Monde abali

N’IJI gaa n’ihu n’agha ahụ ọ na-ebu megide mgbasà ọrịa ịba ọchananya n’ime steeti Anambra, ọchịchị steeti ahụ eburula atụmatụ ịgba na ikesà ọgwụ ọrịa ịba ọchananya wee gaa n’ogige ụlọikwuu ebe ahụ ndị ji otu ahọ efe ala nna ha na-anata ọzụzụ n’ime steeti ahụ.   Atụmatụ nkesà na ịgba ọgwụ ahụ bụ nke ọ bụ ụlọọrụ ‘Anambra State Primary Health Development Agency’ nọ n’isi ya, ma bụrụkwa nke e sitere na ya wee gbaa imirikiti ndị ahụ ji otu ahọ efe ala nna ha ọgwụ ahụ n’ụlọikwuu ahụ dị n’Ụmụawụlụ/Mbaukwu, n’okpuru ọchịchị ime obodo Awka South, bụ ndị àgbà nke B, nkeji A1 na-anara ọzụzụ n’ebe ahụ ugbua.   N’okwu ọ gwara ndị ahụ ji otu ahọ efe ala nna ha n’ebe ahụ, onyeisi ụlọọrụ ‘Anambra state Primary Health Development Agency’ bụ Dọkịta Chioma Ezenyimulu mere ka a mara na atụmatụ ịgba ọgwụ mgbochi ahụ bụ otu n’ime atụmatụ Gọvanọ Willie Obianọ ji n’aka, iji busoo ọrịa ịba ọchananya na ọrịa ndị ọzọ na-efè èfè agha n’ime steeti ahụ, ma mekwa ka ụmụafọ steeti ahụ nwee ma nọrọ ezi ọnọdụ ahụike bụ

Ọ BỤ ihe oke mmemme ka mmadụ iri na abụọ ji otu afọ efe alaNigeria na steeti Anambra lụrụ dinanwunye. Ya mere, National Youths ServiceCorps (NYSC) na steeti Anambra ńụrịrị ọńụ maka ọdịghị mfe ndị ji otu afọ efeala anyị ịlụ onwe ha.   Ndị ahụ lụrụdinanwunye bụ ndị otu 2019 ‘Batch C’ na ụfọdụ ndị ọzọ si ebe ọzọ bata na steetiahụ (redeployed) kọwara na ha zutere mkpịsị ngụ ha na-efu efu oge ha nọ n’ogige(orientation camp) maọbụ oge ha na-eme nnyocha (documentation) tupu ha gaa ebeha ga-anọzị wee fee ala Nigeria dịka ha pụtara n’ogige ọzụzụ ahụ.   Ndị ahụ lụrụdinanwunye gụnyere: Eze Obinna na Oluchi Peace, Henry Nwachoko na Charles Ruth,Oluchukwu Davies na Ahedo Etiosa.   Ndị ọzọ bụ NsoforObianuju na Ohale Nkemakolam, Ogburie Collins na Nwokearu Chinyeremaka, BernardFaith Amarachi na Okafor Chukwudi.   Otu onyeisi(coordinator) NYSC na steeti ahụ Maazị Kehinde Aremu, onye kwuru okwu na mmemmeahụ kọwara ya bụ ihe dịka ọ pụrụ iche, na o nwebeghị ụdị ahụ na mbụ n’ebe otuahụ nọ.   O kwuru si na

CHRISTIAN Association of Nigeria (CAN) akatọọla National Youth Service Corps (NYSC) maka ịchụ mmadụ abụọ ji otu afọ efe ala Nigeria bụ ndị nke nọ ọzụzụ (orientation course) nke afọ 2019 (Batch C Stream 1) na steeti Ebonyi maka ha jụrụ iyi ịba/tụrọụza (shorts and trousers). Mmadụ abụọ ahụ jụrụ iyi  ha n’ihi na dịka ha siri kwu na o megidere okwukwe ha, na kama ka ha yie peteri (skirt) bụ nke ha kwuru na ọ bụ akwa ụmụnwaanyị. Onye okwupụta okwu NYSC na steeti ahụ, Ngozi Ukwuoma n’okwu ọ gwara ndị nta akụkọ kọwara na ọ bụ onyeisi (camp director0), Oriaku Isu Josephine na ndị otu ọrụ ya mgbe ha na-eme ngahari nnyocha jidere mmadụ abụọ ahụ ka ha yi akwa ọcha n’elụ (T-shirt) na peteri ọcha (skirt). O nyere aha ndị ahụ ji otu afọ efe ala anyị dịka Okafor Love Obianuju na Odji Oritsetsolaye. Ka a gbachara mbọ ịkọwara ha ka ha ghọta ma sọpụrụ iwu na-achị ogige ahụ na NYSC ma ha ekweghị, a kpọpụrụ ha ụlọikpe (camp court) ebe a nọrọ wee ma ha ikpe. Ka nke ahụ gachara, a chụpụrụ ha n’ogige ahụ. Ot

A KPỌKUOLA ma dụọ ndị ahụ ji ótù ahọ efe ala nna anyị ka ha gbaa mbọ mụta asụsụ ndị obodo dị iche iche ha nọ were ejere ala nna ha ozi. Ọ bụ onye enyemaka pụrụ iche nyéré nye onyeisi nlekọta ụlọ ọrụ ahụ na-ahụ maka ndị ahụ ji ótù ahọ efe ala nna anyị na steeti Delta, bụ maazị Chuks Odega kpọrọ oku a na nkuzi o nyèrè ndị ahụ n’ogige ụlọ ikwuu ha dị n’Issele-Uku, n’okpuru ọchịchị Anịọcha North nke steeti ahụ. O mere ka a mara na mmadụ  ịghọta, ịma asụ na ịma ede asụsụ ndị obodo e zigara ya dị óké mkpà, maka na NNE ahụ ga-enyere onye ahụ aka n’ụzọ pụrụ iche ịkwàlite ịdị n’otu na mmekọrịta ya na ndị obodo ahụ, ọ kachasị ndị e zigara n’ime-ime obodo. Ya bụ ezi nwaafọ Anịọma gara n’ihu kụziere  ndị ahụ ụfọdụ ihe dị oke mkpà na ha ga-ama n’asụsụ Igbo, nke gụnyere otuṅe si ekele ekele, ihe a na-akpọ okwu Igbo dị iche-iche, ọnụ ọgụgụ Igbo na ihe ndị ọzọ, ma kpọkuo ha ka ha wère òhèrè ahụ ha nwèrè ịbụ ndị e zitere na steeti ahụ ífè ala nna ha wee mụta asụsụ ha n’ihi úrù na ihuọma dị iche-iche, n

DỊKA a sị na ọ na-aka mma ịgbanahị ihe izè ndụ, karịa ízè ndụ n’ihu ọnwụ, isi ọchịchị òtù ahụ na-elekọta ndị ahụ ji otu ahọ éfè ala nna anyị, bụ nke a maara na bekee dịka ụlọ ọrụ ‘National Youth Service Corp’ ngalaba steeti Delta emeela ka a mara na ha agaghịzị ezìga onye ọbụla ji otu ahọ efe ala nna anyị gaa na mpaghara ebe ahụ ogbu mmiri dị. Nke a bụ nke e mere ka a mara site n’ọnụ òsòtè onyeisi nchịkọta na-ahụ maka izipù na izìgà ndị ahụ gaa n’ebe ha ga-anọ wee fèé ala nna ha, bụ oriakụ Ngọzị Akụagbaọgụ, n’ọgbakọ nkuzi a chịkọbààrà ndị ahụ n’ogige ụlọ ikwúù ebe ha na anata ọzụzụ, dị n’Issele-Uku, n’okpuru ọchịchị Anịọcha North. Oriakụ Ngọzi mere ka a mara na ọ bụ ihe na-echu ha ụra oge ọbụla ịhụ na ndị ahụ ji otu ahọ efe ala nna anyị na steeti ahụ nwèrè ezi ọnọdụ obibi ndụ, ma nọrọkwa n’ahụ dị mma oge niile, ọbụnadị dịka o  kwurù na gọọmenti steeti ahụ na-enyekwa ndị ahụ ego mmachi akpa dị puku Naịra ise kwà ọnwa ọbụla, tinyéré nke gọọmenti etiti na-akwụ ha. Ọ gara n’ihu kwuo na ọ b

A TỤỌLA otu nwata akwụkwọ nke nọ n’ogo ikpeazụ na mahadum ma na-akwado maka njem ife ala Nigeria (NYSC) mkpọrọ ọnwa anọ. Ọ bụ Justice Ibrahim Watilat nke ụlọikpe ukwu dị n’Abeokuta ‘Judicial Division’ tụrụ ya bụ nwoke Soyombo Omogbolaham Ridwan mkpọrọ maka igwu ojoro n’ụdị usoro mgbasa ozi ọnya nwudude (internet fraudster). Mgbe ọ na-agụpụta ikpe ya onye ọkaikpe ahụ kwuru na mkpọrọ ọnwa anọ ahụ malitere dịba ire ka ọnwa Febụwarị dị n’abalị iri na atọ n’afọ a bụ ụbọchị a nwụchịkọrọ ya bụ onye omekome. Ụlọikpe ahụ nyekwara iwu na site n’aka ‘Federal Republic of Nigeria’ na Soyombo ga-akwụchịgha James R. Dunford na Cara Melton bụ ndị o megidere ego USD $700. Ọ ga-ahapụwaziri gọọmentị Nigeria akọrọngwa ya ndị a: ‘Apple Macbook Air laptop, Iphone X mobile phone na Wifi Router’. Akọrọngwa ndị ahụ bụ ndị o ji alụ ọlụ ọjọọ , ma bụrụkwa ndị a natara ya oge a nwụchịkọrọ ya.