Ndị ndu ọhụrụ NUJ, Anambra akpọtụrụla onyeisi ANPC
. ..Hibe amụma ime afa Nnabuife ka ọ dị ọkpụtọrọkpụ NDỊ ndu ọhụrụ a họpụtara ka ha kpara ụgbọ Nigeria Union of Jounalist (NUJ), ngalaba steeti Anambra na-aga n’ihu nke Dọkịnta Odogwu Emeka Odogwu nọ n’isi ya awụchaala n’ụlọọrụ Anambra Newspapers and Printing Corporation (ANPC), Awka, bụ ndị na-ebipụta akwụkwọ akụkọ National Light, Ka Ọ Dị Taa, Sports LightXTRA na Homeland, maka ụkpa ekele na oku ịkwado ha na-aga n’ihu. Onyeisi ANPC, Sir Chuka Nnabuife na ndị ọrụ ya nabatara ha nkeọma. N’okwu ya, Dọkịnta Odogwu gosipụtara afọ ojuju ya na ndị ọrụ ya nwere banyere nkwado ụlọọrụ ANPC nyere ha mgbe e mere nhọpụta ahụ nke ha ji turu ugo. O kwuru sị na ọ dị ihe ise ha ji bagide njem ahụ. Ya mere o kwuru sị: “Anyị bịara ebe a taa ikele ụnụ otu ụnụ si nye anyị nkwado oge a họpụtara anyị, n’akpaghị oke ọbụla. Anyị na-akpọkwa oku ka ụnụ nọgide n’akwado ọchịchị ọhụrụ nke NUJ.” Ọ gara nihu jaa Nnabuife ike maka ọrụ ọma ya n’ụlọọrụ ANPC nke gụnyere ihibe ọmarịcha ụlọọrụ ICT, agadaga ụlọezumez