Ka Ọ Dị Taa

EGWURU ma akọchighị bù ụkọ nri, maka na ọ bụ onye gwuru kọchie na-egwute ọzọ echi.   Ka ọ dị taa, gọọmenti steeti Anambra ebutela ógbè akị oyibo ruru puku iri abụọ (20,000), bụ nke a ga-akụ akụ na steeti ahụ.   Akị oyibo ahụ bụ nke e siri mba Malaysia wee bute, ma bụrụkwa nke e buru gaa kpọnkwem n’isi ụlọọrụ na-ahụ maka ọrụ ugbo, bụ ‘Ministry of Agriculture’ na steeti ahụ, site n’aka òtù ahụ jikọtara ndị na-azụpụta, na-ahazi, ma na-erekwa akụ oyibo n’ala Nigeria, bụ ‘National Coconut Producers, Processors and Marketers Association of Nigeria (NACOPPMAN)’.   N’okwu ya oge ọ na-anabata akị oyibo ahụ n’aha gọọmenti steeti Anambra, Kọmishọna na-ahụ maka ọrụ ugbo na steeti ahụ, bụ Dọkịta Foster Ihejiofor kwùrù na ọchịchị Gọvanọ Chukwuma Soludo na-agbasi mbọ ike ma dịkwa ezi njikere ịhụ na e nwere nri gbàànyụụ na steeti ahụ.   O kwupụtakwara mkpebi ọchịchị nọ ugbua na steeti ahụ nwere ime ka ọnọdụ akụnụba steeti ahụ na ọnọdụ obibindụ ụmụafọ steeti ahụ kwụrụ chịm ma bụrụkwa ejiamaatụ; ma mekw

MMADỤ abụọ anwụọla ka ụgbọelu helikọpta abụọ nke  si n’otu ụlọakwụkwọ a na-azụ ndị na-akwọ ụgbọelu na Malaysia (Malaysian Pilot School) kụkọrịtara oge ha nọ n’ọzụzụ na-efegharị ụbọchị ụka gara aga.   Onyoonyoo nke gazuru ụwa site n’ọnyanwudude ‘internet’ gosiri otu helikọpta ebe ọ danyere n’ọhịa dị na Kula Lumpur, ebe nke ọzọ kabara ahụ daa n’ama egwuregwu ụlọakwụkwọ ahụ.   Ngalaba na-ahụ maka njem (transport ministry) na mba ahụ kọwara na helikọpta abụọ ndị ahụ si n’ọdụ ụgbọelu Subang fepụ maka ọzụzụ (training) ha na-enwe oge niile.   Minista ahụ aha ya bụ Wee Ka Siong kwuru n’ozi ya sị na ọ dị nwute na mmadụ abụọ nwụrụ na ya bụ ihe mberede.   Otu o sila dị, ọ gara n’ihu kwuo na a malitela nnyocha banyere nke ahụ. Ụgbọelu helikọpta ndị ahụ kpọriri. Ụgbọelu helikọpta ndị ahụ kpọriri.