Ka Ọ Dị Taa

ỤBỌCHỊ ụka ka ndị otu Kraịst n’ụwa niile na-agba Isita. Ọ bụ oge e ji echeta mbilite n’ọnwụ Onyenwe anyị Jesu Kristi. Ọ bụ nnukwu emume kacha emume niile a na-eme n’ụka.   Dịka a na-eji abalị iri anọ mee emume icheta ahụhụ na ọnwụ Kraịst (lent), mgbe nke ahụ gachara, nke bụ oge ekpere na ebumọnụ, a na-abanye n’emume Isita nke bụ oge oriri na ọṅụṅụ.   Taa bụ Tọzdee dị asọ, ụbọchị e ji echeta oriri ikpeazụ Onyenweanyị na ụmụazụ ya riri. Echi bụ Ezi Fraịdee, nke bụ kpọmkwem ụbọchị e ji echeta ọnwụ ya n’obe. Ọ bụ ụbọchị ekpere na ebumọnụ n’ụzọ pụrụ iche. Ụbọchị Satọdee dị asọ, a ga-aka ụka abalị n’ụlọụka dị iche iche. Nke ahụ gachaa, abanya ụbọchị ụka bụ Isita.   Oriri ụbọchị ahụ bụ onye rikata, o rifọrọ ibe ya. Ụfọdụ na-egbu ehi, ewu, torotoro, ọkụkọ na anụ ndị ọzọ dịka aka ha onye. A na-azụkwara ụmụaka akwa ma akpụkpọụkwụ. Ndị okenye na-azụkwa nke ha. E wepukwa ihe ndị a, Isita na-abụ oge mmemme dị iche iche dịka, ịgba nkwụ, agbamakwụkwọ, ọṅụ nwa, ịkpọghe ụlọ, nzukọ wdg.   Ma ka ihe siri

ỌKAMMỤTA, olee ihe I chere kpatara akụkọ ọjọọ ụfọdụ a na-anụgbasara ụmụ na-eto eto ugbu a; ọ kachasị ndị nọ n’ụlọ akwụkwọ di elu?   Ọtụtụ nne na nnaanaghị eleru ụmụ ha anya, ọ bụ ya bụ ihe kpatara ihe niile. Nne na nna anaghịazụzi ụmụ ha n’egwu nke Chukwu. Ha na-ahapụ ụmụ ha, ha a na-eme ihe masịrị ha.Ha anaghị eje ozi ọ bụla. Ha anaghị azacha ụlọ nke ha ji atụụtaazịza. Mgbe anyị pere mpe, ọ na-abụ n’elekere anọ nke ụzọ ụtụtụ anyị agaa chutemmiri, anyị lọta anyị azachaa ụlọ, kwado gbara ọsọ gaba akwụkwọ. Anyị na-eru n’ụlọakwụkwọ tupu elekere asatọ, mana taa ụmụaka na-anọ n’ụlọ elekere asatọ a kụọgafee, ha agaghị emegharị ahụ ịga akwụkwọ. O nwekweghị ihe ha na-eme. emegharị ahụ ịga akwụkwọ. O nwekweghị ihe ha na-eme.   Ha pụzie baa nnukwu ụlọakwụkwọ ha hụ ndị ọ dị ka ọ dị ha; ha e bido mebe mpụ. Nke mbụ bụ na ike agaghịadị ha ịgụ akwụkwọ mana ha ga-achọ ka ha gafee n’ule. Ha amaghị na ọkụkọ sị naa kụghị akụ eri na-agha afọ; ihe ha ga-emezi bụ ha abaa otu nzuzo (secret cult) were na-eme