Ka Ọ Dị Taa

NDỊ uweojii mba India ekwuola na opekatampe mmadụ iri abụọ na ise anwụọla n’India, ka ha ńụchara mmanya na-aba n’anya nke nsi (toxic alcohol) dị na ya.   Ka ihe siri gbata kwụrụ, ndị uweojii anwụchikọọla mmadụ iri maka ire mmanya ahụ n’Uttar Pradesh bụ mpaghara kacha ekwo ekwo n’India.   Okwuputa okwu ndị uweojii, Ajab Singh gwara ndị ntaakụkọ oge ozi ji ru anyị aka sị: “Ka ọ dị ugbu a, mmadụ iri abụọ na ise anwụọla dịka e bụgara ndị ọzọ ụlọọgwụ ebe ha na-anara ọgwụgwọ. A nwụchikọọla mmadụ iri.”   E kwuru na e mechiri ebe ndị a na-ere mmanya na mba India n’ihi oke ike korona na-akpa n’ebe ahụ. Ebe puku kwuru puku mmadụ nwụrụla n’ihi ọrịa ọjọọ ahụ. Ma dịka ihe bidoro belatawa, Uttar Pradesh nabatara ka e bidokwa rebe mmanya n’akụkụ ụfọdụ site na Mee 11, ma nye ntụziaka awa a ga-eji na-ere ya.   A na-akọwa na ọtụtụ ndị mmadụ na-anwụ na mba India afọ ọbụla n’ihi mmanya na-aba n’anya dị ọnụ ala nke a na-emebe n’azụụlọ; ma bụrụkwa nke ogbenye ọnụ ntụ ga-egoteli.   E kwukwara na ụfọdụ ihe nd

ỤGBỌALA (trọọkụ) akwọriela opekata mpe ndị ọrụ (labourers) dị iri na ise n’ọnụọgụ na mba India n’ụzọ ụtụtụ Tuzdee, ebe ha na-arahụ ụra n’akụkụ ụzọ.   Dịka ndị uweojii mba ahụ siri kwu site n’aka onyeisi mpaghara ahụ ihe mere bụ Varadbhai Patel, ya bụ ihe mberede dapụtara n’akụkụ otu ime obodo na Surat dị na Gujarat. O kwuru si na dịka ụgbọala ahụ rịrị ndị ọrụ ahụ elu, o gburu mmadụ iri na abụọ ozugbo, merụọ mmadụ asatọ ahụ bụ ndị e bugara ụlọọgwụ ebe mmadụ atọ n’ime ha mechara nwụọ n’ihi ahụ ha merụrụ.   Ndị ọrụ ahụ si na steeti agbataobi ha bụ Rajasthan.   Peter kọwara na ọkwọ ụgbọala ahụ ejikwatazighi ụgbọala ya dịka ọ kụtụuru  okpete (sugar cane) bụ nke si na traktọ e bu ya wee soputa isi dịka traktọ ahụ na-abịa n’ihu ya. Ka ọ dị ugbua, ọkwọ ụgbọala ahụ so anatakwu ọgwụgwọ n’ụlọọgwụ.   Otu o sila dị, Prime Minister Narendra Modi akasiela ndị ihe metụtara obi ma kwuputa na a ga-etiri ha aka n’obi (compensation), bụ ezinaụlọ ndị ahụ nwụrụ anwụ tinyere ndị merụrụ ahụ.

ỌTỤTỤ enwe (troop of monkeys) awakpola otu onye ọrụ ahụikena mba India wee napụ ya ọbara (blood samples) nke ndị bụ ọrịa korona.   Ya bụ ihe dapụtaraka onye ọrụ ahụike (laboratory technician) na-aga n’ogige ụlọakụkwọ ahụike dịna Meerut Lucknow, isi steeti Pradesh na mba India.   Dokinta S.K Garg nkeụlọakwụkwọ ahụ kwuru sị: “Enwe napụrụ  ọbaranke mmadụ anọ na-aria korona bụ ndị nke na-anara ọgwụgwọ, were ha gbalaga. Anyịgara mịrịkwa ọbara ha ọzọ.”   Ndịisi kwuru na haamaghị ma enwe ndị ahụ efesasịrị ọbara ahụ mana ndị mmadụ bi n’okirikiri ụlọakwụkwọahụ na-atụ egwu na-ọrịa korona ga-abawanye ma ọ bụrụ na enwe ndị ahụ ejiri ọbarandị ahụ banye n’ụlọ obibi ndị mmadụ.   Garg kwuru na achọpụtabeghịma enwe ọ ga-ebute korona ma ọ bụrụ na ha na ọbara onye nwere korona metụta.   Enwe na-aga n’ihun’ike n’ike ịbata n’ụlọ obibi ndị mmadụ na India ma na-eweta nsogbu dị icheiche, nke gụnyere ịwakpo mmadụ.   Ndị na-ahụ makagburugburu na-akọwa na imebisi ebe obibi nke ụmụanụmanụ bụ ihe kpatara ụmụanụman