Ka Ọ Dị Taa

Aka na-achị steeti Anambra, Gọvanọ Chukwuma Soludo (nke mbụ n'aka ekpe) na ndị ọzọ, oge ọ na-anabata ihe onyinye ụmụakwụkwọ ahụ nyere ya na mmemme ahụ   Izunna Okafor dere akụkọ ndị a   AKA na-achị steeti Anambra, bụ Gọvanọ Chukwuma Soludo ekwuola na gọọmenti ya agaghị ada mbà n'ịkwàlitè ọdịmma ndị ntorobịa steeti ahụ, ọkachasị site n'ịkụziri ha ọrụ aka dị icheiche na inye ha nkwàdó ga-eme ka ha bụrụ ndị kwụụrụ onwe ha.   Gọvanọ Soludo kwupụtàrà nke a na mmemme imerubè ọgbụgba afọ iri abụọ na asaa nke ụlọakwụkwọ 'Holy Child Secondary School' dị n'Isuofia n'okpuruọchịchị ime Aguata nke steeti Anambra, bụ nke wééré ọnọdụ na nsonso a.   Ya bụ mmemme bụkwa nke dọtara imirikiti ndị dị icheiche e ji okwu ha agba izu na steeti ahụ nà mpụ̀ga ya, tinyekwara ụfọdụ ndị gụrụ akwụkwọ n'ebe ahụ.   N'okwu ya na mmemme ahụ, Gọvanọ Soludo nyèrè nkọwa banyere atụmatụ inye ọzụzụ nkụzi ahụ na-aga n'ihu na steeti ahụ ugbua, nke a maara dịka “One youth Two Ski

AKA na-achị steeti Anambra, bụ Ọkammụta Chukwuma Soludo akatọ̀ọ́la mwakpò ahụ ndị omekoome wakpòro isi ụlọọrụ okpuruọchịchị ime obodo ‘Nnewi South’ dị n’Ụkpọr na nsonso a, bụkwa ebe ha nọrọ wee mee mkpamkpa dị egwu.   Gọvanọ Soludo kwupụtàrà nke a oge ọ gara njem nleta n’ebe ahụ, ma bụrụkwa nke onyeisi ndị uweojii na steeti Anambra, bụ CP Echeng Echenge na ụfọdụ ndị ọzọ ọnụ na-eru n’okwu na steeti ahụ soro ya wee gaa.   Isi ụlọọrụ ‘Nnewi South’ ahụ bụ nke ndị omekoome wakporo n’ihe dịka elekere abụọ nke ụtụtụ ụbọchị Tọzdee, wee gbaa ọtụtụ ụlọ dị n’ime ebe ahụ ọkụ, ma gbagbukwa otu onyenche ha hụrụ n’ebe ahụ, tupu ha larie.   N’okwu ya n’ebe ahụ, Gọvanọ Soludo kọwàra mkpamkpa ahụ ndị omekoome ahụ kpara ebe ahụ dịka nke jọgburu onwe ya, nàkwà nnukwu ihe mwute, ọbụladị dịka ọ gbarụkwara ihu banyere etu ndị omekoome sizị awakpò ma na-eme ihe na-asụ ntị wuruwuru na mpaghara ebe dị icheiche na steeti ahụ.   O mere ka a mara na ọ bụ ihe mwute na ya bụ atụmatụ ndị ojiegbe n’ime steeti ahụ eruo