Ka Ọ Dị Taa

Ọ BỤ emume ọńụ na ịtụrụ Chineke mmamma dịka Fada Longinus Uchenna Egbeonu mere emume icheta iri afọ abụọ na ise o chiri ụkọchukwu (silver jubilee).   Ọ bụ na Satọdee ọnwa Ọktoba dị n’abalị iteghete ka a nọ n’ụlọụka St Michael’s Parish Umueze-Uga, nke dị n’okpuru ọchịchị Aguata na steeti Anambra wee mee oke mmemme ahụ.   Fada Egbeonu kelee Chineke onye debere ya ndụ, onye mere ka mmemme ahụ were ọnọdụ n’ozuzu oke. O kwuru sị: “Ekele dịrị Chineke, onye ji ji, jide mma, onye ọ wanyere o rie. Otito niile, mbuli elu na ịja mma bụrụ nke ya n’aha Onywenweanyị Jesu Kristi.”   O kelere Bishọp dayọsis Ekwulobia bụ Most Rev Peter Okpaleke tinyere ndị Bishọp niile ọ gafere n’okpuru ha, ndị gụnyere Archbishọp Albert Obiefuna na Bishọp Simon Akafor bụ onye chiri ya ụkọchukwu.   Ọ gara n’ihu kelee ndị Fada niile kuziiri ma gbaziere ya, tinyere ndị zụrụ ya na ndị niile nyeere ya aka ịza oku Chineke kpọrọ ya.   Mgbe ọ na-ekwu okwuchukwu n’aja maasị dị asọ, Fada John Umeojiakor kọwara Fada Egbeonu dịka

ỤKỌCHUKWU parish nke St Michael’s Catholic Church Umueze-Uga, dayọsis Ekwulobia, n’okpuru ọchịchị Aguata, steeti Anambra, Fada Longinus Uchenna Egbeonu ga-anọ ụbọchị Satọdee ọnwa Ọktoba ga-adị n’abalị iteghete n’afọ a bụ 2021 mee emume icheta afọ iri abụọ na ise o jiri chi ụkọchukwu.   Emume ahụ ga-eji aja maasị elekere iri na otu nke ụtụtụ (11:00 am) wee malite. Fada (Ichie) Boniface Ezeoke bụ onye ga-ele ọbịa na mmemme ahụ.   Ndị tinyere aka n’ozi a gụnyere Nze Cyriacus Umeugo, odeakwụkwọ P.P.C; Fada Celestine Okekeofojebe, onyenhazi; Fada Emma Nwafor, vika parish; Fada Emmanuel Udechukwu, ụkọchukwu parish St Patrick’s Ibughubu-Umuchu; Broda Nicholas Egbeonu, Umuchu.   Most Rev Simon Akwali Okafor chiri Fada Egbeonu, nwaafọ Umuchu-Alanso ụkọchukwu n’Awka ka ọnwa Ogọstụ dị n’abalị iri na asaa, n’afọ 1996.   Taa, ụwa ji ọńụ agba ama n’isi ya, maka ọrụ ọma niile ọ na-arụ n’ugbo (vineyard) Chineke.