Ka Ọ Dị Taa

MKPU akwa dara na nsonso a na steeti Ebonyi na Enugu, dịka ndị Fulani na-achị ehi wakpòkwàrà steeti abụọ ahụ ọzọ, ma gbuo mmadụ ruru iri abụọ na abụọ n’ọnụgụgụ.   Dịka akụkọ siri kọọ, ọ bụ n’ụbọchị Mọnde ka ndị Fulani ahụ na-achị ehi wakpòrò obodo Obeagụ dị n’okpuru ọchịchị ime obodo Ishielu, nke steeti Ebonyi, ma gbuo mmadụ iri na isi n’ebe ahụ, bụ ndị nọ n’agbata ahọ iri na asatọ na ahọ iri ise na isii.   Ọgbatumtum iri na ụgbọala nke ndị ahụ e gburu egbu ka e kwuru na ndị Fulani ahụ mụnyekwara ha ọkụ, ha wee gbarikọọ, ghọrọ ntụ.   N’okwu ya banyere mwakpo ahụ na ogbugbu e gburu ndị ahụ, otu onye n’ime ndị ahụ ndị Fulani gara eso gbuo ụbọchị ahụ, mana Chineke zọpụtara ya, bụ Oriakụ Ngozi Odoabuchi kọwara ya bụ atụmatụ ndị Fulani ahụ dịka nke na-eyi égwù na nke jọgburu onwe ya.   Dịka o siri kọwaa, ya na otu nwaanyị nọ n’Ọkada oge o si n’ụlọọrụ ya na-ala be ya, ha wee hụ mmadụ asaa yi ákwà ojii, nke anọ n’ime ha nọ n’okporoụzọ, ebe atọ ndị ọzọ na-abaye n’ime ọhịa.   Oge ha rutere ebe

IHE mberede okporoụzọ nke dapụtara na Mgbowo dị n’okpuru ọchịchị Awgu na steeti Enugu egbuola mmadụ iri abụọ na otu.   Onyeisi (sector commander) nke ụlọọrụ Federal Road Safety Corps na steeti Enugu bụ Maazị Ogbonna Kalu n’okwu ọ gwara ndịntaakụkọ kọwara na ihe mberede ahụ dapụtara n’etiti nnukwu ụgbọala (trailer) na bọọsụ bu ụmụakwụkwọ.   Onye kọmander ahụ kwara arịrị na ihe butere ihe mberede ahụ bụ ịgba waawaawa na elerughị anya nke ọma ka a na-akwọ ụgbọala.   Kalu kwuru sị: “Mmadụ iri abụọ na otu abụrụla ndị nwụrụ anwụ ebe ndị mmadụ karịrị iri ise nọ n’ụgbọala bọọsụ ụmụakwụkwọ ahụ.   Ndị ahụ nwụrụ anwụ abụchaghị sọ ụmụakwụkwọ, ọ metụtakwara ụfọdụ ndị nọ n’akụkụ ụzọ arọ ọrụ. Site n’ozi anyị nwetara, ihe kpatara ihe mberede ahụ bụ ịkwọ ụgbọala aghara aghara.”   Ihe mberede ahụ ka e kwuru na ọ kpọtụrụ oge nnukwu ụgbọala nke otu ụlọọrụ (construction firm) nwe ma bụrụ ndị nọ ọrụ n’okporoụzọ (Oji River-Awgu Federal Road) ejikwataghị onwe ya wee dakpoo bọọsụ ụlọakwụkwọ bu ihe karịrị ụmụak