Ka Ọ Dị Taa

NDỊ uweojii na steeti Edo ejidela ma kpọchie ndị nta abụọ maka ịgba ndị jere akwamozu égbè, ma jirikwa égbè merụsịa ha ahụ kà a ga-asị na ha bụ anụ oriri.   Ihe ọdachi a bụ nke dapụtàrà n’obodo Ama dị na mpaghara okpuru ọchịchị ime obodo ‘Esan South-East’ nke steeti Edo, ma bụrụkwa nke ndị nta ahụ sitere na ya wee merụọ mmadụ isii àhụ n’ime ndị ahụ gara akwamozu   Dịka ozi a kụpụrụ site n’aka onye na-ahụ maka mmekọrịta ọhaneze na ndị uweojii steeti ahụ, bụ SP Kontongs Bello siri kọwaa, onyeisi ndị uweojii na mpaghara ụlọọrụ uweojii ‘Agbede Division’ bụ CSP Iredia Ogiata nwètèrè ozi banyere égbè a na-agba n’obodo ahụ.   O kwuru na oge ha nwetechara ozi ahụ, na ya bụ onyeisi ndị uweojii jikọtara ndị ọrụ ya, ha wee gaba n’ebe ahụ ya bụ ihe na-eme. Ka ha ruzịrị n’ebe ahụ, ha hụtazịrị na ndị nta ahụ jiri egbe nwere ọnụ abụọ wee gbaa ma merụọ mmadụ isii ahụ n’ebe a na-akwa ozu n’obodo ahụ, bụ mmemme akwamozu otu onye, bụ Martina Rabi lagoro mmụọ.   Ọ gara n’ihu kọwaa na ndị nta ahụ sòrò ndị

ONYENKUZI (lecturer) na College of Education, Ekiadolor nkebụzi Tayo Akpat University ugbua, aha ya bụ Maazị Friday Orobator ewepụla ndụya site n’ịtụ ụdọ n’ụlọ ya.   E kwuru na ihe ojiri tụọ ụdọ bụ n’ihi na o nweghịzị ike ilekọta onwe ya na ezinaụlọ ya anyan’ihi ụkọ ego.   Ndị ọrụ na ndị laraezumike nka n’ụlọakwụkwọ ahụ ka e kwuru na ha akpọọla ganịganị ihe ruru otu ọnwaka gọọmenti steeti Edo kwụọ ha ụgwọ ọ ji ha nke gafere ọnwa iri na otu, ma onweghị ihe ha nwetara n’ihi na gọọmenti na-ekwu na o jighị ha ụgwọ ọbụla.   Dịka a hụrụ ozuOrobato ka o koro n’ụdọ nke ọ makwụnyere n’olu ya n’azụ ụlọ ya, n’ehihie ụbọchịahụ, ọtụtụ mmadụ zụkọtara n’egwu maka ya bụ ọdachị.   Orobator, nọn’agbata afọ iri ise gaba (50’s), onye otu College of Education Academic StaffUnion (COEASU) ma bụrụ onyenkuzi dị elu na ngalaba ihe ọmụmụ ‘Adult Education’.Ndị maara ya na-agba ama na ọ nọ nwa mgbe na-akwa arịrị n’ihi na ya enweghị ikeilekọta ahụike ya na ezinaụlọ ya n’ihi ụkọ ego; tinyere na ike ịrịọ ndị enyi ya