Ka Ọ Dị Taa

NDỊ ọrụ National Drug Law Enforcement Agency (NDLEA) anwụchikọọla otu nwoke aha ya bụ Basiru Ibrahim onye nke a kọwara na ọ bụ ‘onye ọrụ nchekwa adịgboroja’, maka isi mba Benin Republic na-ebubata ọgwụ na Nigeria. Okwuputa okwu NDLEA bụ Femi Babafemi kwuputara nke a n’izuụka gara aga.   Ibrahim onye nke kọwara onwe ya ka onye ọrụ dị elu na ‘law enforcement agency’ kọmandị Sokoto bụ onye nke a nwụchikọrọ na steeti Kebbi dịka a chọpụtara na o ji ‘skunk’.   Babafemi kwuru na a nwụchikọrọ Ibrahim onye nke gbara afọ iri atọ na asatọ n’ebe nnyocha ụgbọala na-aga n’okporoụzọ (checkpoint) ka o ji ụgbọala ya buru ọgwụ ndị ahụ.   Ozi ahụ tinyere ọtụtụ ihe ndị ọzọ kwuru sị: “Onye a na-enyo enyo na ọ bụ onye ọrụ nchekwa adịgboroja Basiru Ibrahim, onye nke ọrụ ya bụ ibufete ọgwu ọjọọ na Benin Republic site Lagos ruo steeti Sokoto ka a nwụchikọrọ ka o bu skunk dị 280-kilogram na Diazepam na steeti Northwest.”   Mgbe a na-agba ya ajụjụ, nwoke ahụ a nwụchikọrọ kwuputara na ya dịla na mbụ bufetere otu