Ka Ọ Dị Taa

AKA na-achị steeti Anambra bụ Gọvanọ Chukwuma Soludo ekwuola na mbọ niile ahụ ọchịchị ya na-agba idozi na ịrụ ezi okporoụzọ bụ ịgba na mpaghara ebe dị icheiche na steeti ahụ, bụ mmezupụ̀ta otu n’ime nkwà o kwèrè ndị Anambra mgbe ọ na-azọ ọkwa ọchịchị na ụbọchị ahụ e duru ya n’iyi ọrụ.   Gọvanọ Soludo kwupụtàrà nke a oge ọ gara gbapee mmalite ọrụ okporoụzọ ụzọ na mpaghara ebe dị icheiche na steeti ahụ na nsonso a.   Okporoụzọ ndị ahụ ọ gbapere gụnyere okporoụzọ ahụ jikọtara Nanka na Isuofia dị n’okpuruọchịchị Aguata, nke ogologo ya ruru kilomita abụọ na ụma abụọ; okporoụzọ ahụ siri njikọụzọ UNIZIK Junction gaa Okpuno na Isuaniocha (dị n’Awka), nke ogologo ya ruru kilomita iri na anọ na uma iri anọ na asatọ.   Ndị ọzọ gụnyèrè okporoụzọ Ajali-Akpu-Nawfija-Ufuma-Ogbunka, nke ogologo ya ruru kilomita iri na isii na ụma anọ; okporoụzọ Ugwuagba-Mgbuka-Obosi, nke ogologo ya karịrị kilomita asaa; na okporoụzọ Ogbufo; Okpunoeze Uruagu na Umudim dị na Nnewi.   N’okwu ya oge ọ na-agbape mmalite ọr

AKA na-achị steeti Anambra bụ Gọvanọ Chukwuma Soludo etoola ndị nkụzi steeti Anambra dịka ndị ma nke ekwe na-akụ ma bụrụkwa ọkaibe na ngalaba nkụzi ha dị icheiche.   Gọvanọ Soludo kwupụtàrà nke a oge ọ na-anabata ndị nkụzi ahụ nwetere nturuùgò n’onyinye nkwanyeùgwù ahụ a na-enye ndị nkụzi kacha mee nke ọma n’ala Nigeria n’ime afọ ọbụla, bụ nke a maara dịka ‘Presidential Award’ maọbụ ‘President’s Teachers, Schools Excellence Award’.   Ọ dị ncheta na ndị nkụzi sitere ụlọakwụkwọ dị icheiche na steeti Anambra sò na ndị nwetara nturuùgò na nkwanyeùgwù ahụ na ya bụ mmemme nke afọ a, bụ nke weere ọnọdụ na nsonso a.   N’okwu ya oge ọ na-anabata ndị nkụzi ahụ n’ebe obibi Gọvanọ dị n’Amawbia, Gọvanọ Soludo kọwàrà ndị nkụzi dịka ndị bara oké uru ma dịkwa oke mkpa n’obodo ọbụla, n’ihi na a na-esi n’ụdị ndị nkụzi obodo ọbụla nwere wee mara ọdịnihu obodo ahụ. Gọvanọ Chukwuma Soludo (nke mbụ n’aka ekpe) oge ọ na-agwa ndị sonyere nà mmemme ahụ okwu   O kwukwàrà na ọrụ nkụzi bụ ọrụ e ji mmasị, ọnụ̀nụ̀o

 DỊKA otu n’ime ụzọ isi belatara ha ihe isi ike, aka na-achị steeti Anambra bụ Gọvanọ Chukwuma Soludo ekesaarala ndị ahụ nsogbu iju mmiri metụtara ihe oriri nà ihe nkwàdó dị icheiche na mpaghara okpuruọchịchị ime obodo Awka North nke steeti Anambra.   Ebe dị icheiche e kesàrà ihe nkwàdó ahụ gụnyèrè ogige ụlọ ikwuu nke ‘Agueke Primary School, Ugbenu’ (nke nwere mmadụ karịrị otu narị na iri ise ndị iju mmiri chụpụ̀rụ̀ n’ụlọ ha), ogige ‘Central School Ugbene’ (nke nwere mmadụ karịrị narị abụọ na iri ise ndị iju mmiri chụpụ̀rụ̀ n’ụlọ ha), na ogige ‘Central School Awba-Ofemili’ (nke nwere mmadụ karịrị narị ise ndị iju mmiri chụpụ̀rụ̀ n’ụlọ ha).   Ya bụ ihe nkwàdó bụkwà nke e bugaara site n’aka Onyeisioche Nchereoge n’okpuruọchịchị Awka North, bụ Maazị Emmanuel Ucheze, ma bụrụkwa nke gụnyere  ehi isii, ọtụtụ akpa osikapa, ọtụtụ akpa àgwà, ọtụtụ akpa garrị, ọtụtụ mba ji ụdị mmanụ dị icheiche e ji esi nri, yabaasị̀ nà ihe ndị ọzọ dị icheiche e ji esi nri.   Ụfọdụ ebe ndị ahụ e zigara ihe ahụ b

N’OGE ekewabeghị steeti Anambra, a na elegara ndị Anambra anya dịka ndị na adịghị aguru akwụkwọ n’isi, a na elegakwara ha anya dịka ndị ọ bụ naanị ịzụ ahịa na ịchụ ego ka ha mara ma ugbua, ezinaụlọ niile na-agba mbọ ka ụmụ ha nwoke na nwaanyị bụrụ ndị gụchara akwụkwọ ha tupu ha abaa ime ihe ọbụla. Ọzọ, n’ezie  bụ nnọ ihe ọnụ na ụmụaka ndị Anambra na enweta mmeri na nkwanye ugwu n’ogo niile ugbu a.   Ugbu a,  steeti Anambra bụ ndị kachaa eme nke ọma na ule JAMB na WAEC ọtụtụ oge malite n’afọ 2015 wee rue taa. Steeti Anambra bụ ndị nọ n’ogogo nke abụọ na ngalaba WASSCE.   N’ịga n’ihu, n’afọ 2015, onye nkuzi mgbakọ na nwepu (mathemathics) bụ Oriakụ Rose Nkemdilim nwetara mmeri dịka onye kacha  n’ule ahaziiri ndị nkuzi n’ala anyị Nigeria. N’afọ 2016, ndị Anambra nwetara mmeri na ndọrọndọrọ (debate) n’ala South Korea. Ọzọ, n’ahọ 2017, onye nkuzi na Anambra aha ya bụ Maazị Clement Okodo sitere Abagana Central School bụkwa onye kacha akuzi na Nigeria.   N’afọ 2018, ụmụnwaanyị isii sitere Regi

ANAMBRA bụ steeti e ji ịzụ ahịa wee mara. Dịka ndị Igbo, ha dị uchu ma na-agba mbọ n’ebe ọ dị ukwu.   Steeti ọbụla ị gara n’ala anyị bụ Nigeria tinyere ụwa niile, ị ga-ahụrịrị onye Anambra ka ọ nọ ebe ahụ azụ ahịa, n’ụzọ ọbụla. O doro ewu na ọkụkọ anya na Chineke ji nke a wee gọzie Anambra.   Dịka m kwuru na mbụ, ndị Anambra gbasasịrị na mba ụwa dị iche iche ebe ha na-achọ ihe afọ ga-eri. Otu ahụ ka ha nọkwa n’ugwu Awusa, mpaghara Yoruba na ọtụtụ ebe ndị ọzọ dị iche na Nigeria. A bịakwa n’ụlọ, ha nọkwa n’ahịa dị iche iche juru Anambra na-agha ike n’anwụ dịka Eke Awka, Onitsha Main Market, Nkwo Nnewi, Eke Ekwulobia tinyere ahịa ndị ọzọ.   Mgbe e kepụtara Anambra ọhụrụ, ahịa ndị a niile agbasabeghị otu ọ dị ugbu a. Ma taa, ihe dị iche adịla, nke na ọtụtụ ndị Anambra na-esi na ha na-aga ala bekee ịzụta ihe ha na-ere.   Gọọmenti chịrịla steeti Anambra kemgbe e kepụtara ya, akpaala ike dị iche iche na ahịa ndị ahụ dịgasi na ya, ọbụladị ndị dịga n’ime obodo dị iche iche. A rụrụ ma dozigharịa

ỌCHỊCHỊ steeti Anambra ekwupụtala njikere ya ịrụ ọtụtụ okporoụzọ ụzọ na mpaghara ebe dị icheiche na steeti ahụ tupu ahọ 2022 apịachie akwụkwọ.   Aka na-achị steeti ahụ bụ Gọvanọ Chukwuma Soludo kwupụtàrà nke a oge ọ na-agbape mmalite ọrụ okporoụzọ ruru iteghete n’ọnụọgụgụ na mpaghara ebe dị icheiche na steeti ahụ.   Ọrụ okporoụzọ ụzọa  bụgasị nke ọ gbapere ụbọchị Wenezdee na mpaghara Okpoko dị n’okpuruọchịchị ime obodo Ogbaru; ma bụrụkwa nke mgbakọta ogologo ya ruru kilomita 14.3.   Ha gụnyèrè: Okporoụzọ Obodoukwu—Owerri Road (5.77km), Okporoụzọ Oguagu – Ik Onuorah-Anumudu-Mgbua- Amazu-Owerri (2.97km), Okporoụzọ Edeh Road-School Road-Awalite – Ojoto-Owerri (1.48km) Okporoụzọ School Road- Umuobom Street-Ojoto Street Junction (0.58km), Okporoụzọ Umuobom Street-Ojoto Street Junction-Adazi-Ani Street-Owerri Road (0.77km), Okporoụzọ Umenweke-Umeojiakor (0.58km), Okporoụzọ Ojoto Junction-Anumudu (0.99km), Okporoụzọ Uzii Street – Mission Street (0.54km) na Okporoụzọ Anumudu Street – GMI Road

Steeti Anambra agbaala afọ iri atọ na otu, onye ntaakụkọ anyị, CHINWENDU UZOATU gbara ndị mmadụ ajuju ọnụ n’isiokwu a: Olee otu ị siri hụta Anambra kemgbe e kewapụtara ya? Olee ọfọ ị na-agọrọ Anambra? Otu a ka o siri ga:- Ọtụtụ mgbanwe abatala na Anambra – Ejike MAAZỊ Edwin Ejike – Odeakwụkwọ ọkpụtọrọkpụ ngalaba na-ahụ maka ala (Ministry of Land):- E nweela ọtụtụ mgbanwe na mmepe kemgbe e kewapụtara steeti Anambra. Oge mbụ, ọ bụ Enugu ka a nọ, ma ugbu a, ndị ọrụ nọzị Awka, ihe niile dị nso. Ọtụtụ obodo eritela uru dị iche iche site n’okike e kewapụtara steeti Anambra. Nke a wee bụrụ nnukwu ihe ọma. Mmepe na ọganihu obodo na-eweta ezigbo ihe. Ọ na-eme ka ndị mmadụ baara onwe ha uru ma tinye aka n’ime ka obodo dị mma.   Ọfọ m na-agọrọ Anambra bụ na ọ ga na-aga n’ihu. Anyị etetago n’ụra, ọdịghịzị ka ọ dị na mbụ. Ana m akpọku ndị Anambra ka ha lọta ụlọ ka anyị dozie ma mepee obodo anyị.   Ọtụtụ mgbanwe na mmepe ga-akpọ anyị ihu ma anyị tinye uchu n’ọrụ. Oge mbụ, anyị chekwubere na mmanụ ma

Ọ NA-ABỤ onye a gwara agwa, ma ọ nụghị anụ, o mee emee, ọ hụ ahụ; maka na agadi nwaanyị kachie ntị wụfèé aja, e bute ozu ya n’ofete nke ọzọ.   O wee bụrụ etu ahụ ka ụlọọrụ ‘Anambra State Physical Planning Board’ (ANSPPB) siri wee kụtuo ụfọdụ ụlọ a rụrụ n’ebe iwu akwdòghị n’Akwu Edoji, Uruagu, dị n’okpuruọchịchị Nnewi North nke steeti Anambra.   Ha bụ ụlọ bụ nke a rụchiri n’ebe okporoụzọ siri gaa, bụzị nke na-egbochi ndị mmadụ ịgafe ebe ahụ ma na-egbochikwa mmepe ọzọ ịbàtà mpaghara ahụ, n’agbànyeghị nnukwu obosara ala efu dị na mpaghara ahụ.   Ụlọ ahụ a kụtùrù gụnyere uloelu, ụlọala ụfọdụ, ọnụzọ ama, aja ngwuru na ụfọdụ ụlọ ahịa, bụ nke ndị nwe ha rụgasịrị n’ebe ekwesighị ekwesi na n’ebe ụzọ gara. A hụkwara ákàrà ịdọ aka na ntị e jiri uhie mmee mmee wee degasịa n’ụlọ ahụ, nke gosiri na gọọmenti dọrọ ndị nwe ha aka na ntị oge ha bidoro ịrụ ya, mana ha aṅaghị ntị, ma gaa n’ihu nupu isi, ma rụrụ ọrụ na-aga.   Ndị òtù ọrụ gọọmenti gara kụtusịe ụlọ ndị ahụ bụkwazị nnukwu akụrụngwa katapila w

MMADỤ isii nọrọ na nsonso a wee zute ọnwụ mberede ha n’ihe mberede okporoụzọ abụọ mere na mpaghara ebe dị icheiche n’ime steeti Anambra.   Onye na-ahụ maka mgbasaozi n’isi ụlọọrụ Federal Road Safety Corps (FRSC) ngalaba steeti Anambra bụ RC Margaret Onabe, bụ ya kwupụtàrà nkea n’ozi ọ kụpụ̀ụ̀rụ̀ ndị ntaakụkọ na steeti ahụ.   Dịka o siri kọwaa, otu n’ime ihe mberede okporoụzọ ahụ bụ nke dapụtara na mpaghara Enugwu-Agidi nke okporoụzọ ochie ahụ siri Awka gaa Onitsha, ma bụrụkwa nke mere oge o jiri ihe dịka nkeji iri abụọ gata elekere asaa nke abalị ụbọchị ụka.   O kwuru na ya bụ ihe mberede okporoụzọ dapụtara n’etiti nnukwu ụgbọala gwongworo (enweghị akara) na obere ụgbọala Lexus RX330 Jeep (nwere ákàrà KJA182HS), ma kọwakwa na mmadụ ise, nke gụnyere nwaanyị na nwa ọhụrụ ya na mmadụ atọ ndị ọzọ, nwụ̀rụ̀ n’ihe mberede okporoụzọ ahụ.   Ọ gara n’ihu kwuo na ndị ọnọmgbeomere kọwàrà na nwoke ahụ na-anyà ụgbọala gwongworo ahụ nọ̀ n’óké ọsọ, wee jirikwa ọsọ ahụ gbakwúnyéré ụgbọala Lexus ahụ ebe

Ọ NA-ABỤ a kpụchaa Diji, a kpụnyeghị ya ogbe ji n’aka, ọ dị ka a kpụzughị ya òkè.   N’ịgbaso nke a, aka na-achị steeti Anambra, bụ Gọvanọ Chukwuma Soludo nọrọ ụbọchị Tuzdee wee duo mmadụ iri abụọ na otu ahụ a kpọlitere n’ọkwa ọhụrụ dịka ndịisioche nchereoge n’okpuruọchịchị iri abụọ na otu e nwere na steeti Anambra n’iyi ọrụ maka ịmalite ọrụ n’ozuzuoke.   Ya bụ mmemme idu n’iyi ọrụ bụ nke weere ọnọdụ n’obi gọọmentị dị n’Awka bụ isi obodo steeti ahụ, ma bụrụkwa nke dọtàrà ụfọdụ ndị ọzọ selitere isi n’ọchịchị steeti ahụ.   Ndị ahụ e duru n’iyi ọrụ na okpuruọchịchị ha gụnyèrè: Chibueze Ofobuike (okpuruọchịchị Aguata), Anselm Onuora (okpuruọchịchị Anambra East), Felix Ikechi (okpuruọchịchị Anambra West), Gerald Ozo (okpuruọchịchị Anaocha), Emmanuel Ucheze okpuruọchịchị Awka North), ThankGod Aniago (okpuruọchịchị Awka South), Livinus Onyenwe (okpuruọchịchị Ayamelum), Augustine Nonyelum (okpuruọchịchị Dunukofia), James Obi (okpuruọchịchị Ekwusigo) Chucks Igboanua (okpuruọchịchị Idemili North)

ÀGBÀ nke ahọ 2022 nke asọmpi ajụọazaa ihe ọmụmụ Sayensị maka ụmụakwụkwọ steeti Anambra abịala na njedobe n’Awka n’ụzọ pụrụ iche.   Ya bụ asọmpi bụ nke a na-achịkọ̀ba site na njikọaka òtù a maara dịka ‘Dr. Chinedu Umeadi Foundation’, na ụlọọrụ ‘Post Primary School Service Commission (PPSSC) Awka’, ma bụrụkwa nke weere ọnọdụ na nsonso a n’ogige ụlọezumezu isi ụlọọrụ ‘Anambra State Universal Basic Education Board (ASUBEB)’ dị n’Awka bụ isi obodo steeti Anambra.   N’okwu ya n’ebe ahụ, onye ji ọkwa ‘Director, Science and Technology Department, PPSSC Awka’, bụ Lady Ebele Okudo kọwàrà na ótù n’ime ebumnobi mmemme ahụ bụ iji kpalie ụmụakwụkwọ nọ na ngalaba ihe ọmụmụ Sayensị maọbụ ndị nwere mmasị na ya, ka ha wee ghọta ma nwee ike isonyesi ike na mgbanwe dị icheiche na-ewere ọnọdụ na ngalaba ahụ, ma bụrụkwa ndị ga-agbanyesi mgbọrọgwụ ike na ngalaba ahụ, mekwa nke ọma n’agụmakwụkwọ ha.   Ọ kọwàkwàrà na nke ahụ dabara nke ọma n’ezi agbambọ ahụ ọchịchị nọ ugbua na steeti ahụ na-agba n’ịkwalite ọnọ

ỤMỤ mmadụ ji anya ha gbara ekeresimesi n’ahịa Nkwọ Ụga dị n’obodo Uga, n’okpuruọchịchị ime obodo Aguata nke Steeti Anambra na nsonso a, oge ndị obodo ahụ jikọrọ aka wee nwụchie otu n’ime ndị ojiegbe na-eyi ndị mmadụ égwù na mpaghara ahụ, ma gbàá ya ọtọ.   Akụkọ kọrọ na ndị ojiegbe ahụ bù ụgbọala wụ̀cháá n’ahịa ahụ, wee malite ọrụ ozigbo, bido ịwakpo ndị mmadụ, bidokwa ịgbalisi egbe elu iji chụsàsịa ndị nọ ebe ahụ, ọbụladị dịka ha napụrụkwa ụfọdụ ndị na-agba Ọkada ọgbatumtum ha.   Otu onye ọnọmgbeomere kwuru na ozigbo ụfọdụ ndị ojiegbe ahụ buru ọgbatumtum ahụ ha zutere wee gbafuo, dịka ndị ntorobịa na-apụ̀ta ịwakpo ha; onye nke na-anya ụgbọala ha ahụ bụzị̀ onye e kweere ọnya site n’iji ígwè wee dochisie okporoụzọ ebe ụgbọala ya ga-esi pụọ, o wee tọ ebe ahụ, nke mezịrị ka ọ matuo n’ike, ma chọọ ka o tinye isi n’ọhịa dị nso n’ebe ahụ, ụmụokorobịa ahụ wee nwụchikọọ ya ozigbo.   Ọtụtụ ihe ngosi vidio e mèkwàrà n’ebe ahụ bụkwazị nke gbasàgoro ka mkpụrụ ụkpaka ugbua n’usoro nzikọrịtaozi ọgbar

 NDỊ ntorobịa ruru narị ise nọrọ na nsonso a wee nweta ọzụzụ maka ịbụ ndị kwụụrụ onwe ha na steeti Anambra.   Ya bụ mmemme inye ọzụzụ bụ nke a chịkọbara n’okpuru atụmatụ ‘Anambra COVID-19 Action Recovery and Economic Stimulus (AN-CARES)’ site n’aka ngalaba ‘Anambra State Cash Transfer Unit’ nke steeti Anambra, ma bụrụkwa nke e mere site na njikọaka ụlọọrụ na-ahụ maka ọnọdụ akụnụba na amụma ego ọrụ (Ministry of Economic Planning and Budget) na ụlọọrụ na-ahụ maka ihe metụtara ụmụnwaanyị na ọdịmma ọhaneze n’Anambra (Ministry of Women and Social Welfare).   Ọzụzụ ahụ were mkpụrụ ụbọchị anọ bụ nke a chịkọtara n’obodo Isuanịọcha dị n’okpuruọchịchị obodo Awka North.   Atụmatụ ‘Anambra COVID-19 Action Recovery and Economic Stimulus (AN-CARES)’ bụ otu n’ime atụmatụ nkwàdo dị n’okpuru atụmatụ ‘Nigeria COVID-19 Action Recovery and Economic Stimulus (N-CARES)’, bụkwa nke na-enweta nkwàdo site n’aka ụlọ ọba ego mba ụwa (World Bank), ma bụrụkwa nke a na-ekesà nkwàdo ya n’ime steeti dị icheiche dị n’

GỌỌMENTI steeti Anambra emeela ka o doo anya na nkụtusi ụlọ ahụ a malitere ime na nsonso a n’ime steeti ahụ bụ maka ọdịmma steeti ahụ na ụmụafọ ya, ma kwuo na ọ bụghị maka iji megide mmadụ ọbụla, dịka ụfọdụ si ahụta ya.   Ọ bụ aka na-achị steeti ahụ bụ Gọvanọ Chukwuma Soludo kwpụtara nke a n’okwu ọ gwara ndị ntaakụkọ n’ebe obibi Gọvanọ dị n’Amawbịa, bụkwa ebe ọ nọrọ kwuo na ọchịchị steeti ahụ wàtàrà ọgọdọ ma dịkwa ezi njikere ịkwàlite ezi ọnọdụ mmepe steeti ahụ na ime Anambra ka ọ bụrụ Ìhè nke ala Nigeria n’eziokwu.   O kwuru na ụlọ ahụ gọọmenti bidoro ịkụtusi n’Onitsha na nsonso a bụ iji weghàchite atụmatụ ewumewu nke Onitsha, ya na iji sụghesie ọwammiri dị icheiche sụchisiri asụchi na gburugburu ebe ahụ n’ihi etu ndị mmadụ siri rụchisie ụlọ n’ọwammiri nà ebe ndị ọzọ ekwesighị ekwesi.   Gọvanọ Soludo kọwàkwara na gọọmenti buru ụzọ nye ndị nwe ụlọ ahụ a na-akụtusi ozi ma dọọ ha aka na ntị kemgbe ọtụtụ ọnwa olenole gara aga, gwa ha ka ha jiri aka ha wepụ ụlọ ha n’ọwàmmiri, mana ha añagh

NDỊ òtù na ndị nnọchiteanya mba ụwa dị icheiche n’ala Nigeria nọrọ na nsonso a wee wụ̀chaa na steeti Anambra maka ịmara ka ọnọdụ siri gbata kwụrụ, na ịchọ ụzọ mmekọrịta na njikọaka ha na gọọmenti steeti ahụ, dịka o siri metụta ngalaba ebe ha nwere ike inye aka maọbụ itinye akụnụba.   Njem ahụ bụ nke e jiri nzukọ pụrụ iche wee malite n’ebe obibi Gọvanọ dị n’Amawbia, nke mgbe e mechàzierè ya, aka na-achị steeti ahụ bụ Gọvanọ Chukwuma Soludo, wee dugharịa ha na mpaghara ebe dị icheiche na steeti ahụ, maka na a ọ na-adị mma a na-egosi nwata awọ n’ikpo okwute, a na-arụba ya aka.   Ka ha na-enwe mkparịtaụka banyere njem ahụ ha bịara nà ebumnobi ha, Gọvanọ Soludo gwara ndị ahụ na e nwegasịrị ọtụtụ ngabala dị icheiche na ohere ọma jupụtara na steeti ahụ, ebe ndị oji ego achụ ego nwere ike itinye ego ha, ma nwekwa ọtụtụ ohere njikọaka dị icheiche jupụtara na gọọmenti ya, ọbụladị dịka ọ kọtàkwàrà ha ebe dị icheiche steeti ahụ nwere mkpà ma chọkwa enyemaka.   Ọ gakwara n’ihu kpọpụtasikwa ọtụtụ ih

…Kpọọ gọọmenti oku nkwàdó A KPỌKUOLA gọọmenti s n’ogoogo dị icheiche ka ha nyere ndị anyarị aka n’ihe dị icheiche ha na-agabiga, ya na iji hụ na mbọ dị icheiche ha na-agba iji gbochie ọrịa kansa ime ha mị̀tàrà mkpụrụ a tụrụ anya.   Onyeisioche òtù ahụ jikọtara ndị ọrụsị na steeti Anambra, bụ Ọkaiwu Chuks Ezewuzie bụ ya kpọrọ oku a n’okwu ya na mmemme imerube Ụbọchị Ndị Anyarị na Mba Ụwa, nke ahọ 2022, bụkwa nke weere ọnọdụ n’ogige ‘Dora Akunyili Women Development Centre’ dị n’Awka, bụ isi obodo steeti Anambra.   N’okwu ya na mmemme ahụ, nke isiokwu ya bụ ‘Ijikọta Aka Iji Mee Ka A Nụ Onu Anyị’, Ọkaiwu Ezewuzie gbarụrụ ihu banyere etu ụfọdụ gọọmenti n’ebe dị icheiche si eleghara ndị anyarị anya, ya na ihe dị icheiche ha na-agabiga; ma kpọọ òkù ka e belata nke ahụ, maka na ndị anyarị bụkwa mmadụ Chukwu kere eke n’ụdị nke ha ka ha bụ.   Ọ gwara ọtụtụ ndị anyarị bịara mmemme ahụ ka ha ghara imechi ọnụ ha maọbụ gba nkịtị, kama ka ha mee ka ụwa nụ olu ha, iji mee ka e nwee mgbanwe n’etu ndị m

GỌỌMENTI steeti Anambra ewelitekwuola aka n’agha ahụ ọ na-ebu megide ndị omekome nà ndị ọzọ na-eme mpụ dị icheiche na steeti, dịka ọ wakporo, kụtuo ma bibie otu n’ime ebe nzuzo ndị ntọ na steeti ahụ.   Mwakpo ahụ na ịkwatu ebe nzuzo ahụ bụ nke ndị ọrụ nchekwa dị icheiche jikọtara aka ọnụ wee mee n’Oba, dị n’okpuruọchịchị ime obodo Idemmili South nke steeti ahụ, bụ ebe ha kwaturu otu ụlọ ala ebe ndị omempụ ahụ jiri mere ebe nzuzo na ebe ha na-edebesi ụfọdụ ndị mmadụ ha tọ̀tàrà.   Tupu a kwatuo ụlọ ahụ, ndị ọrụ nchekwa ahụ bu ụzọ wakpo ụlọ ahụ, bụkwa ebe ha jidere ụfọdụ ndị omekome ahụ na ndị ọzọ a na-enyo enyo na ha na ha na-arụkọ. Ihe dị icheiche e nwetekwara n’ebe ahụ gụnyere ụdị mma dị icheiche, egbe, okwu arụsị, anwụrụ̀ ike, ụdị ekwentị dị icheiche, ọkụ, ego, ọgwụ a gwọrọ agwọ, mgbọ egbe a gbabeghị agba, m̀kpà, na ụfọdụ ihe ndị ọzọ.   Ndị omempụ ahụ ka e kwuru na ọ bụ ha kpara ọtụtụ mkpamkpa a kpagasịrị n’akụkụ ebe dị icheiche na steeti ahụ Anambra na nsonso a, nke gụnyere ọrụ ịtọ̀r

GỌỌMENTI steeti Anambra, n’ụbọchị ụka, sonyèèrè mba ụwa wee merùbé mmemme ụbọchị gburugburu na mba ụwa, nke ahọ 2022.   Mmemme ahụ, nke wééré ọnọdụ n’Awka bụ isi obodo steeti Anambra, bụkwa nke a nọrọ na ya wee gbapee atụmatụ ịkụ ọtụtụ osisi ruru otu nde n’ime steeti ahụ, nke ọ bụkwa aka na-achị steeti ahụ, bụ Ọkammụta Chukwuma Soludo gbapere.   Gọvanọ Soludo, n’okwu ya, ka ọ na-agbape atụmatụ ịkụ osisi ahụ, nke e mere n’ebe obibi Gọvanọ dị n’Amawbia, kwùrù na mmemme ahụ bụ nke ebumnobi ya bụ iji gbàá ezinaụlọ ọbụla nọ n’Anambra ume ime ka ha kwàlité ọdịmma gburugburu site n’ịkụ osisi na gburugburu ha dị icheiche. O mèkwàrà ka a mara na ọchịchị ya na-agbasi mbọ ike iguzobe ezi ọnọdụ gburugburu na obodo bụ ị̀gbà na steeti ahụ.   Dị ka o si kwuo, gburugburu so n’ihe mbụ kwesiri ka a kpachapụrụ anya nke ọma, maka na ọ na-enwe mmetụta pụrụ iche na ndụ mmadụ ma ọ bụrụ na e lekọtaghị ya anya nke ọma maọbụ meso ya etu o kwesiri.   Ka ọ na-akpọpụta oke idei mmiri, mbize na ihe ndị ọzọ dịka ụfọ

…Ige ntị bụ isi mmekọ mmadụ na ibe ya – Kọmịshọna Nwosu ỤBỌCHỊ ụka ka e mere emume Ụbọchị Mgbasaozi n’ụwa niile. Ọ bụ ụbọchị a na-ewepụta afọ ọbụla maka ihe gbasara mgbasaozi na ụzọ a ga-esi me ka ọ na-aga werewere.  Ahọ ọbụla, Poopu na-ezi ozi gbasara ya. Na mmemme ahụ nke afọ a, Poopu Francis kpọkuru ndị mmadụ ka ha nwee mmụọ ige ntị, bụ nke o kwuru na ọ dị oke mkpa, ná mgbasaozi.   N’ozi ahụ, Poopu rụtụrụ aka na ụwa ejichazịghị ige ntị kpọrọ ihe, ma kọwaa ige ntị dịka ihe bara nnukwu uru maka inwe ezi nghọta.   Na steeti Anambra, ndị otu ahụ jikọtara ndị ntaakụkọ, Nigerian Union of Journalists (NUJ), kara ụka ma tụọ mmamma n’obi Chukwu, St Patrick’s Cathedral, Awka.  N’okwuchukwu ya, Bishọp ụka Katọlik na dayọsis Awka, Most Rev. Paulinus Ezeokafor gbadòrò ụkwụ n’isiokwu ahụ bụ Ige Ntị wee kọwaa na ọ bụ site n’ige ntị ka e si enwe ezi nghọta, ma kpọkuo ndị mmadụ ka ha jiri ige ntị kpọrọ ihe.  N’otu aka ahụkwa, Kọmishọna na-ahụ maka Mgbasaozi na steeti Anambra, Maazị Paul Nwosu kọwàkw

KỌMISHỌNA ọhụrụ na-ahụ maka Mgbasaozi na steeti Anambra, bụ  Paul Nwosu awụchaala n’ụlọọrụ Anambra Newspapers and Printing Corporation (ANPC), bụ ndị na-ebipụta akwụkwọ akụkọ National Light, Ka Ọ Dị Taa, SportslightXTRA na Homeland. Ọ bịara njem ahụ iji chọpụta etu ọrụ si aga ebe ahụ, ma marakwa ndị na-arụ ọrụ ebe ahụ.  Onyeisi ANPC, Sir Chuka Nnabuife na ndị ọrụ ya nabatara Kọmishọna ahụ nke ọma. Dịka ọ na-edugharị ya na ngalaba dị icheiche n’ụlọọrụ ahụ, Nnabuife mèrè ka ọ mara banyere mbọ niile ụlọọrụ ahụ na-agba, n’agbanyeghị ihe icheakamgba dị icheiche ha nwere; ma kpọkuo gọọment steeti nke Ọkammụta Soludo nọ n’isi ya ka ọ gbatara ha ọsọ enyemaka.  Ọ gara n’ihu kọwaa na kemgbe ọ malitere ọrụ dịka Onyeisi ANPC, na ha na Minịstrị na-ahụ maka mgbasaozi nọ n’ezi mmekọrịta, bụ ndị gọọmenti ga-esi n’aka ha haziere ha ọnọdụ.   Dịka o siri kwu, ihe ha chọrọ n’aka gọọment gụnyere inye aka mezie ụfọdụ akọrọngwa ndị e ji arụ ọrụ, mebiri emebi bụ ndị ụlọọrụ ahụ apụghị idozi; ma bụrụ ihe ndị ga