Ka Ọ Dị Taa

OZI e nwetara site n’aka Akwa Ibom State University na-akọwa na a gbaarala ndị nkuzi iri na anọ ụgbọ nwa mkpi n’ọrụ maka ịkwasa ụmụakwụkwọ iko.   Ọ bụ eziokwu na ekwuputaghị aha ndị nkuzi ahụ, onyeisi (Vice Chancellor) mahadum ahụ nke steeti nwe, Ọkammụta Nse Essien kwuru na mahadum ahụ ga-aga n’ihu ịchụpụ ndị anaghị eme nke ọma ebe ahụ.   N’okwu ya mgbe ọ kpọtụụrụ òtù ndị ntaakụkọ ,Nigeria Union of Journalists (NUJ) nke kansụl steeti Akwa Ibom, Ọkammụta Essien kọwara na 38 n’ime ihe ọmụmụ 42 mahadum ahụ na-eme enwetela ikikere zuu ezu (accreditation) site n’aka National University Commission (NUC).   Ọkammụta Essien, onye ga-eme otu afọ n’ọrụ dịka onyeisi mahadum ahụ n’Ọgọstụ 3, gakwara n’ihu kwuo na ihe niile adigo otu o kwesịrị iji malite mgbasaozi redio nke mahadum ahụ.   Ọkammụta ahụ bụ onye jibu ọkwa dịka kọmishọna na-ahụ maka mmụta kwere nkwa ezi mmekọrịta n’etiti NUJ na AKSU.   N’okwu nke ya, onyeisioche NUJ, ‘Comrade’ Amos Etuk toro onyeisi ụlọakwụkwọ ahụ maka ịkpọturu ndịntaa

 AKA ndị uweojii steeti Akwa Ibom akparala onye arụrụala mara nwaanyị elu n’ike, gbuo ya. Iniobong Umoren, onye gụrụ ihe ọmụmụ ‘Philosophy’ ma turu ugo na mahadum ‘University of Uyo’ ka e kwuru na nwoke ahụ gburu ya kpọrọ ya oku maka ajụjụ iji nweta ọrụ ‘job interview’.   Okwuputa okwu ndị uweojii steeti ahụ, Odiko Macdon nyere aha onye kpara arụ ahụ dịka Uduak Akpan.   E kwuru na ọ bụ onye dị na mbụ ama ụmụnwaanyị elu n’ike; dịka ọ machara nwaanyị ahụ elu n’ike, o gburu ya ma lie ya n’ili emighị  emi (shallow grave) n’ụlọ nna ya, nke bụ ebe ọ nọrọ gbu ya.   O kwuru sị na 30/04/2021, ka kọmandị ahụ nwetara mkpesa maka ofufu nke nwaanyị ahụ furu. N’ihi nke ahụ, ndị ọrụ Anti-Kidnapping Squad ha nke CSP Inengiye Igosi nọ n’isi ya, tinyere mbọ nke DPO Uruan na SP Samuel Ezeugo nwụchikọrọ onye ahụ kpara arụ, onye nke kwuputara na ya ji ụzọ aghụghọ were rata nwaanyị ahụ n’ụlọ ya n’ụdị na ọ ga-enye ya ọrụ; ma n’ikpeazụ ọ mara ya elu n’ike ma merụọ ya ahụ nke butere ọnwụ ya.   MacDon gara n’ih

OKE mmiri ozizo nke kpatara iju mmiri (flood), emebiela ụlọ ọnụọgụya ruru otu narị, ma chụpụ ihe ruru narị mmadụ atọ n’ụlọ n’okpuru ọchịchị Eketdị na steeti Akwa Ibom.   Maazị Ubong Markonye bi n’Edem Udom dị n’Eket, oge ọ na-ekwuputa ka o siri me kwuru na yaataala ahụhụ site n’iju mmiri n’ebe ahụ kemgbe afọ asatọ.   O kwuru sị; “Ijummiri nke taa dị egwu n’ebe m nọ. Anọ m n’ụlọ na-akwado ịga ụka oge mmiribidoro batawa n’ụlọ m. Dịka m na-agwa ụnụ ugbu a, atụfuola ọtụtụ ihe m ji birin’ụlọ dịka akwụkwọ, eletrọniki, akwa, laptọọpụ na ọtụtụ ngwongwo m ndị ọzọ.”   Mark gara n’ihu kwuona ya bụ ọdachị etinyela ọtụtụ ndị bi ebe ahụ, tinyere ndị nwe ụlọ ahịa (shops)na nsogbu. O kwuru na ngwongwo gburu nde kwuru nde naịra alaala n’iyi n’ihi ijummiri na-eto n’Eket.   Otu o sila dị, ọ kpọkurugọọmenti ha ka ọ gbata ọsọ enyemaka.

NDỊ uweojii steeti Akwa Ibom anwụchikọọla otu nwoke aha ya bụ Idorenyin Essien bụ onye dị afọ iri atọ na ise maka ịmụnye nwa ya nwoke dị afọ asaa ọkụ na ndụ. Nwoke ahụ ka e kwuru na ọ mụnyere nwa ya ọkụ n’ihi na o zuuru narị naira ise (N500) nke onye agbataobi ha. Ozi sitere n’aka onye na-ahụ maka ọdị mma ndị mmadụ na ndị uweojii na steeti ahụ ‘Police Public Relation Officer’ (PPRO) bụ Odiko Mac-Don kwuru sị na a nwụchịkọọla Essien n’eziokwu. Ọ kọwara na ya bụ ọdachị dapụtara n’Afia Nsit nke dị n’okpuru ọchịchị Eket. O kwuru na a ga-ewepu ya bụ okwu n’ụlọikpe. Otu nwoke ọnụ ruru n’okwu n’obodo ahụ, onye so n’ọchịchị obodo Effiong Okon kwuru sị na nwa Essien zuuru narị naira ise onye agbataobi ya iji goro nri; na oge nna ya lọtara ọ kwughachiri nwoke ahụ ụgwọ ego ahụ ma baara nwa ya nwoke mba. Okon gara n’ihu sị, “Ka o mechara nke ahụ, o zipuru nwa ya ahụ ka ọ ga-gotere ya mmanụ ọkụ kerozin. Nwata ahụ jiri ọsọ ga-gote kerozin n’amaghị na ọ bụ ihe a ga-eji gbu ya. Nna ya kpọpụrụ ya n’ụlọ

ỤZỤ tụrụ nnọọ n’obodo Uruk Usung dị n’okpuru ọchịchị Obot Akara nke steeti Akwa Ibom, dịka ndị ntorobịa iwe juru obi jidere mmadụ atọ bụ ndị a na-enyo enyo na ha bụ ndị ohi, tie ha gwoo gwoo ma sunye ha ọkụ na ndụ, ha wee ree pịata ka akwụkwọ ụkpaka. Mmadụ atọ ahụ e suru ọkụ na ndụ ka e kwuru na o tèéla ha jiri yibe ndị bi na mpaghara ahụ egwù, ma na-ezu ha kpataa, wee ruo ụbọchị ahụ mụọ kere ha bụrụ ha ọnụ, ndị ntorobịa ahụ wee nwụchikọọ ha na ndụ, oge ha gachara obere ‘ọlụ’ na mpaghara ahụ. Nke a na-eme dịka ọ gachara mkpụrụ ụbọchị ole na ole e jiri suo otu onye ohi ọzọ gbara afọ iri atọ ọkụ n’Urua Ekpa dị n’Uyo n’otu steeti ahụ, bụ onye e kwuru na o zuru ọgbatumtum mmadụ ma chọọ ka ọ larie. Mmadụ atọ a kpọchara ka ewu bụ ndị e kwuru na ha ga-anọ n’agbata afọ iri abụọ na abụọ wee ruo n’afọ iri atọ. Oge a kpọtụụrụ ya, onye okwuputa okwu ndị uwe ojii na steeti ahụ, bụ DSP MacDon Odiko, kwuru na ya ka na-aña ntị ka ya nata ozi site n’aka onye ‘Divisional Police Officer’ nke mpaghara ebe