Ka Ọ Dị Taa

Ọ BỤ nnukwu mmemme jupụtàrà n’obi aṅụrị, dịka òtù jikọtara ndị ntaakụkọ n’ime steeti Anambra, bụ nke a maara na bekee dịka ‘Nigeria Union of Journalists (NUJ)’ gbakọ̀tara wee pịachie akwụkwọ maka afọ 2022.   Nnukwu mmemme ahụ bụ nke weere ọnọdụ n’isi ụlọọrụ ndị ntaakụkọ ahụ dị n’Awka ụbọchị Wenezdee, ma bụrụkwa nke imirikiti ndị òtù ahụ, ụmụakwụkwọ, na ndị e ji okwu ha agba izu na ngalaba dị icheiche sonyere nà ya.   N’ozi nnọọ ya n’ebe ahụ, onyeisi NUJ n’ime steeti Anambra bụ Dọkịta Odogwu Emeka Odogwu fọ̀rọ̀ ekele n’ụkpa wee bunye ndị òtù ahụ maka ọmarịcha nkwàdó dị icheiche ha nyèrè ọchịchị ya n’ime afọ a, n’ihi na ọ bụ n’ime afọ a ka ọ banyere n’ọkwa dịka onyeisi òtù ahụ.   Ọ kpọpụtasịrị̀ ụfọdụ ihe dị icheiche ya na ndị òtù ya mepụtagoro, ma kelekwazie ndị mmadụ na ndị òtù dị icheiche nyere ha na ndị NUJ Anambra nkwàdó n’otu ụzọ maọbụ nke ọzọ, ọbụna dịka o kwupụtàrà olileanya o nwere na afọ na-abịa abịa ga-amakarị nke a.   Ọ dụ̀kwàzị̀rị̀ ụmụakwụkwọ sonyere nà mmemme ahụ ọdụ ka ha d

Ọ BỤ nnọọ oriri ịhụnanya mgbe ndị ụka katọlik dayọsis Awka na Ekwulobia mere oriri/nnọkọrịta maka ncheta Ekeremesi nye ndị okenye fada nọzi ezumike nka.   Emume ahụ nke e ji aja maasị dị asọ wee malite kpọkọtara ọtụtụ ndị fada, sista na ndị ụka, ma bụrụ nke a kara ụka ya na St Thomas Aquinas Parish, G.R.A, Awka.   E mere oriri ịkụ ngazi n’eze tinyere ihe ngosi dị iche iche n’ogige ndị okenye fada, Diocesan Welfare Home, Awka.   Onye nọrọ n’isi emume bụ His Eminence, Peter Cardinal Okpaleke (bishopụ dayọsis Ekwulobia) kelere Chineke maka ndụ o nyere ndị okenye fada ahụ.   N’okwuchukwu, Bishọpụ dayọsis Awka, Most Rev. Paulinus Ezeokafor kpọkuru ndị otu Kristi ka ha kwadoo mkpuruobi ha maka ọbịbịa ime mmụọ nke Dinwenu Jesu Kristi, ka ha nọrọ n’ọkwa dị asọ maka emume Ekeresimesi. “Azụ nọ na mmiri anaghị asị na mmiri emetụghị ya. Anyị nọ ebe a maka ndị okenye fada. Ọ bụ anyị ga-enyere ha aka maka ọ bụ mmiri na-enyere ncha aka ịgba ụfụfụ. Gosinụ ha ịhụnanya.”   Mgbe ọ na-agụpụta ozi ekele ya

ỤWA gbáá gburugburu nà-èmérùbe emume ncheta ụbọchị nlekọta ahụike zuru ụwa ọnụ (International Health Coverage Day) n’abalị iri na abụọ nke ọnwa Disemba afọ ọbụla.   Ya bụ ụbọchị nà-échètara anyị ihe ndị dịgasị óké mkpa na ndụ mmadụ, nke gụnyere ezi ọnọdụ ahụike. Ọbụladị atụmatụ nke atọ nke òtù mba ‘United Nations’ maka afọ 2030, nke a maara dịka “United Nations 2030 Agenda, Sustainable Development Goals (SDG) 3” na-ekwu maka “Idịmma na Ezi Ọnọdụ Ahụike” (Wellness and Good Health). Ebumnobi nke a bụ iji hụ na onye ọbụla nwèrè ikike na ohere inweta ezi nlekọta ahụike oge ọbụla na n’ebe ọbụla. Kaosiladị, ọnọdụ á na-ahụ anya, ọkachasị n’obodo ndị ka na-emepe emepe, nà-ègósi na ọnọdụ ahụike amachaghị kwụrụ, nà inweta ọgwụgwọ dị̀ óké ọnụ ahịa, nà akụrụngwa nlekọta ahụike ézùchàghị òkè, nà atụmatụ nchekwa ahụike (a mààrà dịka “health insurance”) nọ̀kwà n’ogoogo dị ala nke ukwuu.   Ọrịa COVID-19 nà ụdị ya ahụ pụtara ọhụrụ a mààrà dịka ‘Omicron’ nà-ègósi, n’ebe o doro anya, obodo ndị ji ọnọdụ a

  N’ihi nke a, gọọmenti steeti Anambra adụọla ndị mmanwụ na ndị na-eti mmanwụ na mpaghara ebe dị icheiche na steeti ahụ ka ha gharakwa ịkwụchisi okporoụzọ maọbụ mee ihe ọbụla ga-ewete agbakata akwụrụ na mpaghara ebe ọbụla, ọkachasị n’ime oge mmemme ekeresimesi a na afọ ọhụrụ a a na-achọ ịgba.   Kọmishọna na-ahụ maka mgbasaozi n’ime steeti Anambra, bụ Maazị Paul Nwosu bụ ya kwupụtara nke a site n’ozi ọ kụpụ̀ụ̀rụ̀ ndị ntaakụkọ ụbọchị Wenezdee n’Awka bụ isi obodo steeti ahụ.   Dịka o siri kọwaa, gọọmenti steeti ahụ na-agbasi mbọ ike iji hụ na e nwere ije awele n’okporoụzọ dị icheiche na steeti ahụ ma gharakwa inwe oké agbakata akwụrụ ahụ a na-adị enwekarị n’oge mmemme.   Ọ sịkwazị na ọ bụ iji mmezupụ̀ta nke ahụ ka gọọmenti ji akpọkù ndị mmanwụ na ndị na-eti mmanwụ n’ime steeti ahụ ka ha na-eme ya n’obo mmanwụ, n’ama egwuregwu obodo, maọbụ n’ebe ndị ọzọ dị icheiche e wepụtara maka ime nke ahụ.   O kwuru na a chọpụtara na ndị mmanwụ na ndị na-eti mmanwụ so ná ndị na-Ewetekarị agbakata akwụr

Ọ KPỌTỤRỤ akpọtụ ma zụọ azụọ na nsonso a n’obodo Omor dị n’okpuruọchịchị ime obodo Ayamelum nke steeti Anambra, dịka eze ọdịnala obodo ahụ bụ Igwe Oranu Chidume mèrè emume ịgba ọfala ya n’ụzọ pụrụ iche, bụkwa nke o jiri merùbe afọ ise o jiri banye n’ọkwa dịka eze ọdịnala obodo ahụ.   Ya bụ oke mmemme bụ nke weere ọnọdụ n’òbí eze ọdịnala ahụ, ma bụrụkwa nke dọtara ọtụtụ ụmụafọ obodo ahụ, ndị òtù dị icheiche, ndị ichie na ọtụtụ ndị ọzọ sikwa ebe dị icheiche wee bịa isonye na ya.   N’okwu ya n’ebe ahụ, Igwe Chidume kwupụtàrà obi ụtọ ya, ma nyekwa Chineke ekele maka ọrụ ọma dị icheiche o ji ya arụ n’obodo ahụ kemgbe afọ olenole gara aga, ma kelekwazie ụmụafọ obodo ahụ maka ezi nkwàdo ha na ekpere ha nyegara ọchịchị ya, ọbụladị dịka ọ kpọkuru ha ka ha gaa n’ihu ime nke ahụ.   O mere ka a mara na obodo ahụ bụ ndị na-akọsi ọrụ ugbo ike, bụkwa nke e jiri mara ha n’ụwa gbaa gburugburu, tinyere omenala na ọdịnala dị icheiche e jiri mara ha, nke ha sikwa na ha wee na-akwalite ọnatarachi na njirim

ONYEISIOCHE na ndị òtù bọọdụ (board members) Local Government Service Commission (LGSC), abịala njem n’ụlọọrụ Local Government Staff Pension Board, (LGSPB), Awka.   Odeakwụkwọ ụlọọrụ ahụ, Oriakụ Gloria Obiora-Ibezim nabatara ha nke ọma. Ọ kọwara ndị ọrụ ya dịka ndị gbasiri ike, ndị maara ihe ekwe na-akụ,   Tinyere ihe ndị ọzọ, o kwuru sị: “Anyị nwere ụzọ ihe abụọ anyị na-abagide ma hụ na anyị mezuru ya, ọnwa ọbụla. Nke mbụ bụ ịhụ na a nabatara ma debaa aha ndị nkuzi na ndị ọrụ nkuzi na ndị ọrụ gọọmenti ime obodo (local gọọmenti) lara ezumike nka, ka ha nwee ike malite nataba ụgwọ ọnwa ruuru ha (pension). Anyị ga-agbasịrịrị mbọ ike iji nwee ike mezuo nke ahụ. Ọnwa ọbụla anyị na-ezigara J.A.D faịịlị anyị.”   Oriakụ Obiora-Ibezim gara n’ihu kọwaa na ọbụladị oge e nwere ihe iche aka mgba COVID-19, na ha gbara mbụ rụọ ọrụ, iji gbochie nsogbu. O kwuru na ha nọ na-abịa ọrụ oge ahụ, ma gbasokwa usoro e ji ebuso COVID agha. Ọ rịọkwara maka nkwado ha banyere mkpa dị iche iche ha nwere.   N’okwu

 ONYEISI ndị uweojii n’ala Nigeria, bụ IGP Usman Alkali Baba nọrọ ụbọchị Wenezdee wee wụchaa na steeti Anambra maka ịgbape ogige ndị uweojii a rụrụ ọhụrụ n’Amawbia dị n’okpuruọchịchị ime obodo Awka South nke steeti ahụ.   Ya bụ Onyeisi uweojii, oge ọ wụchàrà na steeti ahụ, bùrù ụzọ gaa kpọtụrụ aka na-achị steeti Anambra, bụ Gọvanọ Chukwuma Charles Soludo n’ebe obibi ya dị n’Amawbia, bụkwa ebe ọ nọrọ wee tòó ya maka nkwàdó dị icheiche ọ na-enye ndị uweojii na steeti ahụ iji rụọ ọrụ ha nke ọma, ọkachasị dịka o siri metụta ibu agha megide ndị omekome na steeti ahụ.   N’okwu ya oge ọ na-agbape ogige ọhụrụ ahụ, IGP Akali kwùrù na ebumnobi e jiri rụọ ya bụ iji kwalite arụmọrụ ndị uweojii ahụ ma nyekwa ha ezi ọnọdụ na ebe obibi dị mma maka ịrụ ọrụ ha, tinyéré ebe ha ga na-ezu ike ma ha rụchaa ọrụ.   Banyere ajọ ọnọdụ nchekwa steeti ahụ, ya bụ Onyeisi ndị uweojii kọwàrà na ajọ ọnọdụ nchekwa bụ ihe zuru ụwa ọnụ, ma gbarụọ ihu banyere atụmatụ ndị òtù ‘Indigenous People of Biafra (IPOB)’ na mpagh

OTU nwoke zutèrè ọnwụ mberede ya na nsonso a na steeti Anambra, dịka ihe mberede dị óké egwu dapụtara n’okporoụzọ dị na steeti ahụ.   Onye na-ahụ maka ịkụziri ọha mmadụ ihe ha kwesiri ịma n’ụlọọrụ ‘Federal Road Safety Corps (FRSC)’ na steeti Anambra, bụ Margaret Onobe, bụ ya kwupụtara nke a n’ozi ọ kụpụụrụ ndị nta akụkọ na nsonso a banyere ya bụ ajọ ọdachi.   O kwuru na ihe mberede okporoụzọ ahụ dapụtara ụbọchị Wenezdee na mpaghara Nteje, n’ogologo ụzọ awara-awara ahụ siri Enugu gaa Onitsha.   Ọ kọwara na ọ bụ ụgbọala bọọsụ Mitsubishi (nwéré akàrà GDD 488 XB) e ji ebu ndị njem nwèrè ihe mberede okporoụzọ ahụ, ma mee ka a mara na ya bụ ihe mberede metụtara mmadụ ruru iri na asaa n’ọnụọgụgụ.   O kwuru na ihe kpatara ihe mberede okporoụzọ ahụ gụnyèrè ịgba oke ọsọ na mgbọwa nke ụkwụ ụgbọala oge onye ọkwọ ụgbọala ahụ no, n’ihi na ya bụ ụkwụ ụgbọala emeela ochie.   O kwuru na ndị ọrụ ha bughasịrị ihe ndị dachisiri ụzọ n’ebe ahụ, buru ndị ahụ ya bụ ihe mberede okporoụzọ metụtara wee gaa otu ụ

IHE karịrị mmadụ iri abụọ anwụọla n’ihi ọrịa otoro (cholera) nke dapụtara n’Ekureku dị n’okpuru ọchịchị Abi, na steeti Cross River.   Ekureku nke ogbe iri na abụọ mejupụtara dị n’agbata steeti Ebonyi, ma bụrụ ndị e ji ọrụugbo mara.   A chọpụtara na Ekureku nwere ihe iche aka mgba, ezi mmiri ọǹụǹụ tinyere enweghị ezi ihe nlekọta ahụike na nsonso a.   Ndị bi nso n’obodo ahụ gwara ndị ntaakụkọ na a chọpụtara ọrịa otoro ahụ oge ọtụtụ ndị obodo ahụ malitere nyụba ọnyụnyụ ọnyụnyụ na ọgbụgbọ dị egwu.    E kwuru na mbụ, e chee na ọ bụ ọrịa nke ha na-ahụtakari n’oge ọkọchị, ma mechaa chọpụta na nke a na-agbasa n’ike n’ike ma na-egbu ndị ọrịa ahụ dakwasara nkeje olemole ha malitere nwụba nsị mmiri mmiri.   Otu n’ime ndị okenye e nwere n’obodo ahụ, gwara ndị ntaakụkọ na ọrịa ọjọọ ahụ egbuọla mmadụ karịrị iri abụọ n’ọnụọgụ.   O kwuru na ha agbaala mbọ ime ka ndị ọ dị n’aka gbata osọ enyemaka. Ndị gụnyere ụmụ ha na-arụgasi ọrụ na ngalaba ahụike, ka ha lọta ụlọ leruo anya, mara ihe ha ga-eme iji kwụ

OTU nwoke bụ nwaafọ ala Nigeria, bụ Maazị Nnamdi Augustine Samuel àbụ́rụ́la onye a nwụchikọrọ na mba ofesi maka itinye aka n’ihe gbasara ibu na ịtụ mgbere ọgwụike dị icheiche.   Ya bụ nwoke bụ onye e jidere n’ime izuụka a ma bụrụkwa onye e nwetere ọgwụike gburu ego ruru nde naịra iri na asatọ (₦18m) n’aka ya.   Ọgwụike dị icheiche e nwetegasịrị n’aka ya gụnyèrè mephedrone ike arọ ya ruru gram 61g, ọgwụike methamphetamine (bụ mkpụrụ mmiri) arọ ya ruru gram otu narị gram na iri ise na anọ (154g of methamphetamine), tinyéré ihe ndị ọzọ.   Dịka akụkọ siri kọọ, nwoke ahụ (gbara afọ iri atọ na isii) bụ onye a nwụchikọrọ na mpaghara ụzọ Dockyard dị na Mumbai nke mba India site n’aka òtù ndị uweojii a maara dịka ‘Mumbai Police Anti-Narcotics Cell’.   N’okwu ya banyere njide ahụ e jidere nwoke ahụ, Osote Onyeisi ndị uweojii ‘Mumbai Police Anti-Narcotics Cell’ bụ Maazị Prakash Jadhav kwùrù na e jidebụọla nwoke ahụ mgbe gara aga n’afọ 2018 maka itinye aka na mwakpo a wakpòrò ndị uweojii.   Dịka o

NDỊ ọrụ oyibo na steeti Anambra nọ̀rọ̀ ụbọchị Tuzdee wee tiwaa mkpu ọṅụ, dịka aka na-achị steeti ahụ bụ Gọvanọ Chukwuma Charles Soludo kwupụtàrà ihe dị icheiche ọ ga-eme iji kwàlite ọdịmma ha na arụmọrụ ha.   Nke a bụ isi sekpụ ntị na mmemme imerùbè Ụbọchị Ndị Ọrụ Oyibo nke afọ 2022, bụ nke weere ọnọdụ n’isi ụlọọrụ oyibo steeti ahụ, bụ ‘Jerome Udorji Secretariat’ dị n’Awka bụ isi obodo steeti Anambra.   Ya bụ mmemme omenafọ bụ nke dọtara ọtụtụ ndị ọrụ oyibo sitere ngalaba dị icheiche n’Anambra, tinyéré ndị ọchịchị na ọtụtụ ndị ọzọ e ji okwu ha agba izu na ngalaba dị icheiche steeti ahụ.   N’okwu ya na mmemme ahụ, Gọvanọ Soludo kwupụtàrà na ọchịchị ya ga-eji puku naịra iri na ise wee gbaara ndị ọrụ niile nọ na steeti ahụ ekeresimesi n’otu n’otu iji sị ha daalụ maka ọrụ ha n’afọ a.   Dịka a ga-asị na nke ahụ ezughị̀, ya bụ Gọvanọ nọkwàrà ebe ahụ wee kwe nkwà na ọ ga-atụkwàsara onye ọrụ oyibo ọbụla n’ime steeti ahụ pasenti iri n’elu ụgwọ ọnwa ya, malite n’ọnwa Jenụwarị afọ na-abịa abịa.  

DỊKA oge mmemme ekeresimesi na-akpụdòbe nso n’ike n’ike, aka na-achị steeti Anambra, bụ Gọvanọ Chukwuma Charles Soludo ekwela ụmụafọ steeti ahụ nkwà ezi nchekwa ndụ na akụnụba, iji hụ na ya bụ oge mmemme gàrà siriri-werere n’enweghị akụkọ ọjọọ ọbụla so ya.   Odeakwụkwọ mgbasaozi nye Gọvanọ Soludo, bụ Maazị Christian Aburime, bụ ya kwupụtara nke a site n’ozi ọ kụpụ̀ụ̀rụ̀ ndị ntaakụkọ steeti ahụ na nsonso a, nke o sikwara na ya mee ka a mara na égwù ọbụla adịghị n’Anambra, maka onye ọbụla chọrọ ibata ụlọ, ma ndị nke nọ anọ.   Ọ gwara ụmụafọ steeti ahụ ka ha gharakwa itinye uchu n’ihe dị icheiche ndị mmadụ na-akọ iji tinye ha ụjọ n’ahụ maọbụ iji mee ka ha ghara ibata ụlọ; n’ihi na nke ahụ bụ ihe ụfọdụ kpacha anya eme iji mee ka obi lọọ ha mmiri.   O mere ka a mara na ọchịchị steeti ahụ wàtàrà ọgọdọ ịnọgidesi ike n’agha ahụ ọ na-ebu megide mpụ na arụrụala na aka ọrụ ndị omekome n’ime steeti ahụ, ruo mgbe e kpochapụ̀rụ̀ ha. Ọ sịkwa na gọọmenti na ụlọọrụ nchekwa dị icheiche na steeti ahụ na-

 EMUME Ekeresimesi bụ oke emume nke a na-amalite ime ihe gbasara ya, izuụka olemole tupu e rie ya. Nke a mere na ọ kpọtụrụ akpọtụ ụbọchị ụka ka a nọ n’ụlọụka St Thomas Aquinas Catholic Church, G.R.A, Awka, wee gụọ ihe ọgụgụ sitere n’akwụkwọ nsọ, ugboro iteghete, nke a na-eme ya na abụ otito Ekeresimesi (nine lesson and carol).   Ndị ukwe (choir) si n’ụlọụka dị iche iche wee bịa tinyere ọtụtụ ndị fada, sista na ndị ọnụ ruru n’okwu; ebe ndị otu Kraist juru ma were ọǹụ na-ebuli aha Chineke elu, n’ebe ọ dị ukwuu.   Ndị gụrụ ihe ọgụgụ site na nke mbụ wee ruo na nke iteghete bụ: Rev Sista Christiana Mariette Nnadozie, Sir Jerry Obodo, Nwaada Stephanie Agusiobo, Sir J.A Ezeuchu, Njinia Obinna Nnolue, Dọkịnta (Oriakụ) Afugbuem, Nwaada Uju Ntomchukwu, Hon. Paully Onyeka na Fada Clement Igwegbe.   Ndị òtù ukwu bụrụ abụ sitere n’ụlọụka dị iche iche gụnyere St Cecilia nke ụlọụka St Thomas Aquinas, Awka, (ndị kpọrọ oku), St Marys, Awka, Divine Mercy Chaplaincy, Chukwuemeka Odumegwu Ojukwu Teaching

ỤWA gbáá gburugburu nà-èmérùbe emume ncheta ụbọchị nlekọta ahụike zuru ụwa ọnụ (International Health Coverage Day) n’abalị iri na abụọ nke ọnwa Disemba afọ ọbụla.   Ya bụ ụbọchị nà-échètara anyị ihe ndị dịgasị óké mkpa na ndụ mmadụ, nke gụnyere ezi ọnọdụ ahụike. Ọbụladị atụmatụ nke atọ nke òtù mba ‘United Nations’ maka afọ 2030, nke a maara dịka “United Nations 2030 Agenda, Sustainable Development Goals (SDG) 3” na-ekwu maka “Idịmma na Ezi Ọnọdụ Ahụike” (Wellness and Good Health). Ebumnobi nke a bụ iji hụ na onye ọbụla nwèrè ikike na ohere inweta ezi nlekọta ahụike oge ọbụla na n’ebe ọbụla. Kaosiladị, ọnọdụ á na-ahụ anya, ọkachasị n’obodo ndị ka na-emepe emepe, nà-ègósi na ọnọdụ ahụike amachaghị kwụrụ, nà inweta ọgwụgwọ dị̀ óké ọnụ ahịa, nà akụrụngwa nlekọta ahụike ézùchàghị òkè, nà atụmatụ nchekwa ahụike (a mààrà dịka “health insurance”) nọ̀kwà n’ogoogo dị ala nke ukwuu.   Ọrịa COVID-19 nà ụdị ya ahụ pụtara ọhụrụ a mààrà dịka ‘Omicron’ nà-ègósi, n’ebe o doro anya, obodo ndị ji ọnọdụ a

BISHỌP ụka Angịlịkan na Dayọsiisi Aguata, bụ Bishọp Samuel Ezeofor adụọla ndị ụka na ndị ọrụ ụka ọdụ ka ha na-ekwesiri Chineke ntụkwasịaobi oge niile, ma na-agụkwa akwụkwọ nsọ oge niile iji mara ma na-eme ọchịchọ obi Chineke.   Bishọp Ezeofor nyere ndụmọdụ a n’okwu ya n’ofufenrò ichi ndị ụkọchukwu ọhụrụ na dayọsis ahụ, bụ nke weere ọnọdụ n’ụlọuka ‘St. John the Divine Church’ dị n’Oko, n’okpuruọchịchị ime obodo Orumba North nke steeti Anambra, bụ ebe ọ nọrọ wee chie ụfọdụ ụkọchukwu, mee ụfọdụ dikin, ma mekwa otu onye ashdikin na dayọsis ahụ.   Ndị ahụ o buliri n’ọkwa ọhụrụ ahụ dịka ụkọchukwu ụbọchị ahụ gụnyèrè Ụkọchukwu Nnaekwe Nwachukwu, Ụkọchukwu Onuorah Nwabunike, Ụkọchukwu Chibuzor Anene, Ụkọchukwu Chika Ezeobi, Ụkọchukwu Silas Ezeokafor, na Ụkọchukwu Ikem Stephen.   A nọkwàrà ebe ahụ wee bulie Decency Chine n’ọkwa dịka Ashdikin; ma bulie Chijioke Anyachor n’ọkwa dịka Dikin.   N’okwu ya oge ọ na-echi ndị ahụ echichi ọhụrụ ahụ, Bishọp Ezeofor chètààrà ha na ọrụ ka elu na-esokwa ọkwa

OGE emume Ekeresimesi atụnyela n’ụkwụ. Elu na ala na-adazị katakata. Onye elu na-akwadobe, onye ala na-akwadobe.   Ka ihe siri gbata kwụrụ, ọtụtụ ndị mmadụ kwuru na ọnọdụ ala anyị adịghị mma mere na ha amaghị otu ha si akwado, ebe ụfọdụ kwuru na ha ga-eriri oriri ahụ n’ebe ọ dị ukwuu, n’agbanyeghị otu ọnọdụ siri dị.   Oriakụ Mba kwuru: Ekeresimesi afọ a ga-aga nke ọma n’agbanyeghị otu ọnọdụ ala anyị siri gbata kwụrụ. Chukwu ga-eweta ihe a ga-eji rie oke oriri a, ma osikapa, anụ, azụ na ihe ndị ọzọ. Onye ọbụla dị ndụ ma nọrọ n’ezi ahụike agbaala Ekeresimesi maka na onweghị ihe karịrị ndụ, ihe ndị ọzọ bụ jara. Chineke si anyị buru ụzọ chọọ alaeze, ọ ga-enye anyị ihe ndị ọzọ. Ya mere, anyị na-akwado nke ọma. Mụ na ezinaụlọ m agaghị ala obodo anyị n’afọ a, n’ihi ụkọ ego. Ma otu o sila dị, anyị ga-anọ n’Awka wee kwee oyooyoo ma nwee ọǹụ zuru oke maka Ekeresimesi. Nwaada Chinaza n’akụkụ nke ya sị: Anyị na-eme emume imechi afọ (Christmas party) n’izuụka a. Aha ụlọakwụkwọ anyị bụ St Thomas Aqu

ỌCHỊCHỊ steeti Anambra agaala njem nleta n’ebe ọzọ ọkụ ọgbụgba dapụtara na steeti ahụ na nsonso a ka ọ gachara ihe erughị izuụka abụọ ajọ ọkụ ọgbụgba jiri dapụta ma gbarikọọ ọtụtụ ngwaahịa n’Onitsha.   Osote aka na-achị steeti Anambra bụ Dọkịta Onyekachukwu Ibezim bụ ya gara njem nleta ahụ n’aha gọọmenti steeti ahụ n’ebe ahụ ya bụ ihe mere, nke gụnyere ahịa Ọgbọ Osisi dị n’Onitsha, na Umudioka, Obunese dị n’Awka, bụ ebe ọkụ gbarikọrọ ọtụtụ ngwaahịa na nsonso a.   N’okwu ya n’ebe ahụ, Dọkịta Ibezim gbarụ̀rụ̀ ihu banyere etu ajọ ọkụ ọgbụgba si adapụtasị aghara aghara na mpaghara ebe dị icheiche na steeti ahụ, ma kọwaa na nke ahụ na-echuzị gọọmenti steeti ahụ ụra nke ukwuu ugbua.   Ọ kọwara na ebumnobi njem nleta ahụ bụ ka o jiri anya ya hụ ka ọnọdụ siri gbata kwụrụ n’ebe ahụ, dịka o siri metụta ọnụọgụgụ ihe ya bụ ọkụ bibiri. O kwuru na nke ahụ ga-enyekwara gọọmenti aka ịmà amụma banyere usoro kacha mma a ga-esi gbochie ụdị ọdachi dị otu ahụ ịdapụta ọzọ n’ọdịnihu na steeti ahụ.   Kaosilad

AKA na-achị steeti Anambra, bụ Gọvanọ Charles Chukwuma Soludo, ebinyela aka n’akwụkwọ ámụmà ego ọrụ steeti ahụ maka afọ 2022, nke mgbàkọta ya dị narị ijeri abụọ na puku isii (₦260,000,000,000).   Ya bụ ámụmà ego ọrụ, bụ nke Gọvanọ Soludo binyere aka na ya na mmemme pụrụ iche weere ọnọdụ n’ebe obibi Gọvanọ dị n’Amawbia.   N’okwu ya oge ọ na-ebinye aka n’ámumà ego ahụ, Gọvanọ Soludo tòrò ndị ụlọ omeiwu maka ịdị uchu ha, etu ha si eme ọmarịcha iwu na-enye aka n’ịkwàlite mmepe na ọganihu obodo, ya na etu ha si anọchite anya ụmụafọ steeti ahụ nke ọma n’ụlọ omeiwu steeti Anambra. O mèkwàrà ka a mara na e nwere ezi mmekọrịta siri ike n’etiti ọchịchị ya na ndị omeiwu steeti ahụ na ngalaba ọchịchị ụlọọrụ gọọmenti ndị ọzọ.   Ọ gara n’ihu kwupụta ezi njikere na mkpebi ọchịchị ya dị iji ego ndị Anambra wee rụọ ọrụ nke ọma ma kwàlité mmepe obodo na ọdịmma ụmụafọ steeti ahụ.   Ya bụ mmemme dọtàkwàrà ọtụtụ ndị dị icheiche e ji okwu ha agba izu na steeti ahụ, ma ndị isi ọchịchị steeti ahụ, nke gụnyere

Ọ BỤRỤ na a gụghị ebule amụ, ọ gaghị akwụsị ịkụ mgbịrịgba aga iro ogologo.   Ka ọ dị taa, a nwụchiela otu agadi nwoke gbara afo iri asaa na atọ maka ịtụba nwata nwaanyị gbara naanị afọ iri na atọ ime n’Anambra.   Nwoke ahụ, bụ Maazị Sunday Muoghalu ka e kwuru na nwatakịrị nwaanyị ahụ bi be ya dịka otu n’ime ndị na-ejere ya ozi n’ụlọ be ya dị na mpaghara Agu-Oye-Umudioka, dị n’Awka bụ isi obodo steeti ahụ.   Dịka akụkọ siri kọọ, ọ bụ Kọmishọna na-ahụ maka ihe metụtara ụmụnwaanyị na ọdịmma ọhaneze, bụ Oriakụ Ify Obinabo zọpụtàrà nwatakịrị nwaanyị ahụ n’ụlọ ahụike ‘St. Benedict Hospital, Adazi-Nnukwu’ oge ọ gara njem nleta n’ebe ahụ. Ọ kpọrọzịkwara ya bụ nwatakịrị nwaanyị wee gaa ebe a ga-anọ lekọta ya na nwa ya anya nke ọma.   N’okwu ya banyere nke ahụ, Kọmishọna Obinabo gbarụ̀rụ̀ ihu banyere ụdị arụrụala dị etu ahụ, ma katọ̀ọ́ ya kpamkpam dịka nke jọgburu onwe ya. O kèlèrè ndị dị icheiche nyere aka wee tinye ma gbasaa ozi banyere ihe ahụ n’usoro nzikọrịtaozi ọgbaraọhụrụ, o wee ruo ya na

Ọ NA-ABỤ onye a gwara agwa, ma ọ nụghị anụ, o mee emee, ọ hụ ahụ; maka na agadi nwaanyị kachie ntị wụfèé aja, e bute ozu ya n’ofete nke ọzọ.   O wee bụrụ etu ahụ ka ụlọọrụ ‘Awka Capital Territory Development Authority (ACTDA)’ siri wee kụtuo ụfọdụ ihe dị icheiche a rụrụ n’ebe iwu akwdòghị na mpaghara ebe dị icheiche na gburugburu Awka bụ isi obodo steeti Anambra na nsonso a.   Ya bụ ọrụ ịkụtùsì ụlọ bụ nke ụlọọrụ ACTDA bagidere site na njikọaka ụfọdụ ụlọọrụ ndị ọzọ dị icheiche, nke gụnyere ndị uweojii, ụlọọrụ ‘Nigerian Civil Defence Corps (NCDC)’, ‘Anambra State Joint Enforcement Team (ANJET)’, na ụlọọrụ ‘Operation Clean and Healthy Anambra (OCHA Brigade)’.   Ụfọdụ ihe dị icheiche a kụtusiri ụbọchị ahụ gụnyere ụlọ ndị e kwuru na a rụrụ n’usoro/ụzọ iwu akwadoghị, ndị ọzọ a rụchiri n’ebe okporoụzọ si aga, na nke ụfọdụ ndị mmadụ na-arụ n’ala abụghị nke ha. ACTDA nọkwàrà otu ụbọchị ahụ wee kàá akara nkụtù n’ụfọdụ ụlọ ndị ọzọ a rụrụ ebe ekwesighị ekwesi, ma gwakwa ndị nọ na ha ha kwapụ̀ maka