Achbishọp Okeke adụọla ndị ụka ka ha kwe ka Mụọ Nsọ na-edu ha
ONYE ji ọkwa Metropolitan Achbishọp nke ‘Onitsha Ecclesiastical Province’, bụ ‘His Grace, Most Reverend’ Valerian Okeke akpọkuola ma dụọ ndị ụka ọdụ ka ha nyefèé onwe ha, kwe ka mụọ Chukwu na-edu ha, ma bụrụkwa ezi ndị agha nke Kraịst. Ya bụ Achbishọp kpọrọ òkù a n’okwuchukwu ya n’ụlọụka ‘St. Charles Lwanga Catholic Church’ dị n’Okpoko, n’okpuruọchịchị ime obodo Ogbaru na steeti Anambra oge ọ gara njem nleta n’ebe ahụ. N’okwuchukwu ya n’ebe ahụ, Achbishọp Okeke, onye okwuchukwu ya gbadoro ụkwụ n’isiokwu na-asị “Kwe ka Mụọ Nsọ biri n’ime gị”, kọwàrà na Mụọ Nsọ enweghị mmalite na njedobe, n’ihi na Chineke enweghị mmalite na njedobe. Ọ dụrụ ha ọdụ ka ha onye ọbụla n’ime ha nabata Mụọ Nsọ ma na-ebikwa ezi ndụ ga-eme ka Mụọ Nsọ ahụ nọgide n’ime ya mgbe niile, ọbụladị dịka o chètààrà ha na Chineke bụ ụzọ, eziokwu na ndụ, ma nyekwazie ha ndụmọdụ ka ha bụrụ ezi ndị agha nke Kraịst ga-egùzosi ike ma jigidesie okwukwe ha ike dịka ezi ndị otu Kraịst. O jikwazịrị ohere ahụ kelee onyeisi nc