Ka Ọ Dị Taa

Ọ NA-ADỊ mma mmadụ gụrụ gụrụ gụrụ, o kelee ihe na-ejere ya ozi na ihe ọ na-ejere ozi.   N’ịgbasò nke a, ndị ụka ‘Anglican Church of Redemption’ dị n’Awka bụ isi obodo steeti Anambra nọrọ ụbọchị ụka gara aga wee jiri ọñụ na ite egwu ọñụ wee bịa n’ihu Chineke ịtụrụ Ya mmamma maka onyinye ndụ, ezi ahụike na ihe ndị ọzọ o jirii gọzie ha.   Ya bụ ụka owuwe ihe ubi bụ mmemme omenafọ ụlọụka ahụ na-eme, ma bụrụkwa nke ha ji achịkọta ụka ịtụ mmamma ndị ọzọ dịkwa ka ya a na-eme n’afọ ọbụla.   N’okwuchukwu ya n’ofufenro ahụ nke afọ a, nke isiokwu ya bụ ‘Iwuru Chineke’ (Building for the Lord) Ụkọchukwu Paul Umeokoli, nke ụlọụka St. Thomas Anglican Church, Ebenebe, onye bụkwa Ashdikin nke Awba-Ofemili Ashdikinri, kọwàrà iwuru Chineke ụlọ dịka nnukwu ohere ọma, nke na ọ bụghị onye ọbụla nwèrè ya; ma dụọ ndị ụka ka ha jiri ya bụ oh ere kpọrọ ihe oge ọbụla ọ bịara ha.   Ka ọ na-akọwa mkpa ọ dị mmadụ inye Chineke ekele oge niile màkà mmesoọma ya niile, nchekwa ya na ngọzi Ya n’ime oge ọjọọ a agụụ na nk

Ọ KPỌTỤ̀RỤ̀ akpọtụ ma zụọ azụọ n’ụlọụka ‘Anglican Church of Redemption, Awka (ACORA)’ dị n’Awka ụbọchị ụka gara aga, dịka ụlọuka ahụ merùbèrè mmemme pụrụ iche a kpọrọ Zamar, bụ nkè ndị mmadụ nọrọ na ya wee jiri ọṅụ na ite egwu ọṅụ wee too ma chee onwe ha n’ihu Chineke n’ụzọ pụrụ iche.   Ya bụ mmemme bụ nke were ogologo áwà ise zuru ezu, ma bụrụkwa nke a nọrọ na ya bụọ abụ ofùfè na abụ otuto dị icheiche site n’aka ndị ọbụabụ mmadụ iri ise pụrụ iche, ndị otiegwu ụlọụka ahụ na ndị ọzọ a kpọrọ siri ebe dị icheiche wee bịa.   Mmemme ahụ bụkwa nke e jiri wee malite mmemme pụrụ iche ụlọụka ahụ na-achịkọ̀ba ugbua, nke isi okwu ya bụ “Ebube nke Obe” (The Glory of the Cross), bụkwazị nke a ga-emegide wee ruo ụbọchị ụka na-abịa abịa.   N’okwuchukwu ya na mmemme ahụ, Pastọ Uche Ucheonye kọwàrà obe dịka ihe omimi nke ike ndị ụka, ma kọwakwa na mmadụ ịbụ onye otu Kraịst na-amalite na nghọta ya banyere ihe obe pụtàrà na ndụ ya dịka onye otu Kraịst, maka na ọ bụ n’ebe ahụ ka Kraịst onwe ya nwụrụ.   Pa

Ọ KPỌTỤ̀RỤ̀ akpọtụ n’ụlọuka ‘Anglican Church of Redemption’ dị n’Awka bụ isi obodo steeti Anambra ụbọchị ụka, dịka ndị ụlọụka ahụ jiri obiụtọ na wee mụ̀ọ́ ma nabata ukwe njirimara ọhụrụ nke ụlọụka ahụ.   Ukwe ahụ, nke a kpọrọ “Redemption Ground” bụ nke mbụ na mbụ ụlọụka ahụ nwegoro kemgbe ntọala ya, ma bụrụkwa nke ọ bụ Ọ̀kàmmụta Alvan-Ikoku Nwamara nke Mahadum Nnamdi Azikiwe dị n’Awka, dere ya, wepụta ya, ma kụziere ya ndị mmadụ ụbọchị ụka gara aga.   Ọkammụta Nwamara, ónyé kọwara ma gụpụtakwara ederede nke ukwe ahụ, kụzikwààrà ndị mmadụ etu e si agụ ya dịka egwu, bụ́kwá nke ndị ọbụabụ na ndị otiegwu nke ụlọuka jiri olu ọma na ngwaegwu wee hazie, o wee tọọ ka mmanụañụ.   N’okwu ya banyere ukwe ahụ, onyeisi nchụaja n’ụlọụka ahụ, bụ, Ven. Dkt. Obiora Alokwu fọrọ ekele n’ụkpa wee bunye nwa amadi ahụ dere ya bụ ukwe, bụ Ọ̀kàmmụta Nwamara, nà ndị ọbụabụ na ndị otiegwu ụlọuka ahụ, nàkwà ndị ọzọ nyere aka n’otu ụzọ maọbụ nke ọzọ n’iwepụ̀ta ya bụ ọmarịcha ukwe njirimara.   Dịka ọ na-enyekwu nk