Ka Ọ Dị Taa

  Chinwendu Uzoatu dere akuko a ỤKA nne, emume ome n'afọ e mere nsonso a ka bụkwa okwu a kpụ n'ọnụ ugbu a. Ka ndị ụka Anglịkan mechara, ndị ụka Katọlik mere nke ha ụbọchị ụka gara aga.   Emume ụka nne bụ ụbọchị ndị nne ji emere ụmụ ha oriri bịambịam n'ọnụ. Oriri na ọṅụṅụ na-abụ onye richaa, o righarịa. Ndị bụ ụmụ tolite, ha na-ejikwa ohere ahụ lete nne ha, site n'inye ya onyinye dị iche iche iji kele ya maka ọrụ ọma ya niile.   Ka a na-ekwu maka ụka nne, ka a na-ajụ sị: "Olee ọrụ dịịrị ndị nne n'ezinaụlọ?"   Ọtụtụ ndị mmadụ tinyere ọnụ n'okwu, kọwaa ndị nne dịka ndị na-aghọ nkọ ka agụba n'ọrụ ezinaụlọ.   Maazị Ike: Ndị nne bụ egwu e ji n'ezinaụlọ. Ọ bụ eziokwu na ha bụ osota ide ji ụlọ n'hi na ndị nna werechaa, ha ewere; ma e wepụ ha, nsogbu ga-adị maka na o nweghị onye ga-arụ ọrụ ha na-arụ n'ezinaụlọ.   Ọ bụ nne na-ahụ na ezinaụlọ na-emekọta ihe ọnụ. Ọ bụ ya na-ahụ na onye ọbụla riri nri oge o kwesịrị. Ọ bụghị sọọsọ ụmụaka

A KPỌKUOLA ma dụọ ụmụnwaanyị ọdụ ka ha bụrụ ndị dị ike ma na-ekpesikwa ekpere ike oge niile, iji guzogide ihe ọbụla chọrọ itisà udo na ọganiru nke ezinụlọ ha.   Onyeisi nchụaja nke ụlọụka ‘Anglican Church of Redemption Parish’ dị n’Awka, bụ Venerebụụl Obiorah Alokwu n’okwuchukwu ya na mmemme ụka nne nke ahọ 2022 nke ụka Angịlịkan n’ụwa gbaa gburugburu.   N’okwuchukwu ya na mmemme ahụ, Ven. Alokwu gụpụtara ozi pụrụ iche nwunye Ashbishọọpụ ụka Angịlịkan na mpaghara Niger, bụ Oriakụ Chioma Ibezim ziteere ụmụnwaanyị ahụ na mmemme ụbọchị ha, bụ nke o sitere na ya wee dụọ ha ọdụ ka ha dị ike, ma n’ekpere, ma n’ịrụ ọrụ dịịrị ha dịka nne n’ezinụlọ, maka na ọ bụ ihe doro anya na ihe mkpọbiụkwụ na ihe iche aka mgba nwere ike ịdapụta na mgbe na mgbe.   Ọ dụkwazịrị ha ọdụ ka ha tụkwàsị na Chineke ma na-ekwesikwara Chineke ntụkwasịobi, n’agbanyèghị ihe dị icheiche ha nwere ike izute n’ime alụmdinanwunye ha.   Dịka ọ na-akatọ̀ akparamagwa ụfọdụ ụmụnwoke na-eti nwunye ha ihe maọbụ na-emekpa ha ahụ n’

NDỊ nne nke Christ Ascention Church (C.A.C) ewetala izuụka nke ndị nne ha na njedebe bụ nke ha malitere n’abalị iri na asaa rue iri abụọ na atọ nke ọnwa ise afọ 2021. Mmemme nke afọ a bụ nnọọ ọ pụrụ iche site n’otu ha siri hazie ya nakwa ụfọdụ ndị ọnụ ruru n’okwu na ngalaba ụmụnwaanyị bịara ha mmemme ahụ.   Ndị a bụkwa ụfọdụ ndị mere ka mmemme ahụ bụrụ ọ pụrụ iche, Pastọ Oriakụ Indiana Nwaokike na di ya, nwaanyị a na-eje ozi na ngalaba dị elu n’ọgbakọ C.A.C, onye nke abụọ bụ Mother Theodora Egeonu, onye nke si Owerre bịa, ndị ọzọ bụ Pastọ na Odoziakụ Jonhson Nwanya na onye isi na-ahụ maka ụmụnwaanyị n’ọgbakọ Bethel Grace Assembly, Ifite Awka nakwa ọtụtụ ndị ọzọ.   Ụmụnwaanyị C.A.C Ifite ji nọọ ọtụtụ abụ na ihe egwuregwu dị iche iche mee ka e nwee mkpọlite mmụọ n’ọgbakọ ahụ.   Onye ọbịa pụrụ iche bụ Pastọ Oriakụ Indiana bụ ya kwuru okwuchukwu site n’okwu ahụ a kpụ n’ọnụ n’izu ndị nne nke afọ a bụ nke sị: “Chineke enyewo gị ikike’ (God Almighty has given you authority and power).”   N’ok

 ỤBỌCHỊ ụka gara aga bụ ụka nne, nke so n’otu ihe e jiri mara ndị otu ‘Christ’ n’ụwa nile. A bịa na ‘Anglican Communion’, ụka anọ n’ime lent na-abụ ụka ndị nne n’ụwa nile. Ihe o jiri danye n’ime lent bụ n’ihi na n’ime lent, a na-anọ n’obubu ọnụ mana ụka anọ n’ime lent bụ ụbọchị a kpọrọ na ọnụ oyibo ‘Refreshment Sunday’ dịka ọ dị n’usoro e ji aka ụka. Ọ na- abụ ụbọchị ndị na-ebu ọnụ ji eneta onwe ha, rie nri, rijuo afọ were nwekwa ike iji were gaa n’ihu ibu ọnụ izu ụka olemaole fọdụrụ tupu na abanye izu ụka Nsọ. Ụbọchị ụka nne na- abụ oke ụbọchị e ji eri nnukwu oriri na ọñụñụ dị iche iche. Ọ na – abụ ụbọchị ndị bụ nne ji eneta ndị di ha, ụmụ ha, ikwu na ibe, agbata obi, ụmụ akwụkwọ dị iche iche, ndị ụwa na-atụ n’ọnụ, ndị nọ n’ụlọ mkpọrọ na ndị ọzọ dị iche iche. Ndị nne na-eji oge ahụ gaa nleta n’ụlọọgwụ dị iche iche. Ha na-ebu ọtụtụ ihe oriri dịka achịcha bekee, osikapa, mmanya ọñụñụ, akị oyibo na ihe oriri ndị ọzọ. Ụfọdụ na-ejikwa akwa ụmụntakiri na nke ndị okenye were gaa nleta n’ebe

Uchenwa Mba   ỤMỤ nwanyị ‘Christ Ascension Church (CAC), Awka Area’ mere mmemme ụka nne ha ụbọchị ụka. Ndị ngalaba C.A.C, Ifite Awka (‘Land of Dotan’) merubere mmemme ha n’ụzọ pụrụ iche. Ha nwere isi okwu a ‘Kpọlite Anyị Chukwu (Revive Us Lord). Ndị ngalaba ‘Land of Dotan’ malitere memmme nke ha n’abali iri na otu nke ọnwa a, wee weta ya na njedebe n’abali iri na asatọ. Mmemme a bụ nọọ nke ọtụtụ mmadụ bịara were anya ha gbaara onwe ha ekeresimesi. Ha nwere ọtụtụ ihe egwuruegwu, ihe ngosi na abụ dị iche iche ha jiri mee ka ndị mmadụ na enwe ọńụ. Isi okwu nke afọ a gbasatara ịda mba dị n’oge a na ebe ndị nke na ekpere Chukwu, ọ kachasi n’ebe ụmụnwanyị, bụ ndị na- agbasi mbọ ike n’iso Chukwu nọ. N’okwu ndụmọdụ nke onye isi ụmụnwanyị nke ọgbakọ gburugburu ụlọ ụka ahụ bụ ‘Elder Mrs’ Nyegi Madike, sịrị na ụmụnwanyị na-adazị mba n’ikpere Chukwu, na ha na-achụsozi nani mkpa nke ha, juzie oyi na nke Chukwu. Ọ sịrị na ndụmọdụ ya bụ na tupu ekwube okwu mkpọlite, na ọdidamba adigo; na ike na-agwụz