Ụbọchị ụmụaka: Ụmụakwụkwọ Vivy Kids School, Awka, emeela njem nleta n'ụlọọrụ ANPC
ỤBỌCHỊ ụmụaka nke e mere n’izuụka gara aga, ma bụrụ nke a na-eme afọ ọbụla dịka otu mba ụwa siri hazi ya, gara dịka o kwesịrị. Ọ bụ oke ụbọchị maka ụmụaka. Ya mere, nnukwu emume ahụ dara ụda n’ụwa niile, nke steeti niile dị n’ala Nigeria sonyere na ya. Ụlọakwụkwọ dị iche kpọrọ ụmụakwụkwọ ha ga njem nleta n’ebe dị iche iche, ebe ha nọrọ legharịa anya ma mụta ihe dị iche maka na Igbo kwuru okwu sị na anọghị otu ebe ekiri mmọnwụ. N’otu aka ahụ, ụmụakwụkwọ Vivy Kids School, Awka, wụchara n’ụlọọrụ Anambra Newspapers and Printing Corporation (ANPC), Awka, bụ ndị na-ebipụta akwụkwọ akụkọ National Light, Ka Ọ Dị Taa na SportsLightXTRA, maka mmụta na nlere anya. Ha dị ndị nkuzi abụọ na ụmụakwụkwọ iri atọ chapụrụ achapụ were bịa. Onyeisi ngalaba azụmahịa (advertorial), Oriakụ Ngozi Agusiobo, n’aha Onyeisi (MD/CEO) ụlọọrụ ANPC, Chiifu Chuka Nnabuife, nabatara ha nke ọma tinyere ndị ọrụ ANPC ndị ọzọ. O kelere ha maka njem ha bịara ma nyekwa aka ime ka ha mụta ihe dịka o kwesịrị. Emeka Chiaghanam,