CAN akatọọla mwakpo a wakporo ndị ụka RCCG n'Ogun


 

 Chinwendu Uzoatu dere akụkọ ndị a

ÒTÙ Christian Association of Nigeria (CAN)  akatọọla mwakpo nke a wakporo ndị ụka Redeemed Christian Church of God (RCCG) n'Abule-Ori nke dị n'okpuru ọchịchị Obafemi Owode na steeti Ogun.

  CAN n'ozi ya kasiri òtù ụka ahụ obi banyere ogbugbu e gburu pastọ ha, tinyere ndị a tọọrọ atọrọ ndị nke o kwuru na ha nọọrọ onwe ha na-ekpere chi ha dịka onye ọbụla nwere ohere ime.

  Onyeisioche CAN, Achịbishọp Daniel Okoh, n'ozi ahụ toro ndị ọrụ nchekwa maka oke mbọ ha gbara ma kpọọ oku ka a hụ na a nwụchịkọrọ ndị kpara arụ ahụ.

  Ọ gara n'ihu kasikwaa ndị ụka RCCG tinyere ndị Salvation Army obi, banyere ihe mberede okporoụzọ mere nsonso a, bụ nke pastọ iri na abụọ, otu nwa e ku n'aka na ọkwọụgbọala tufuru ndụ ha n'okirikiri Benin City nke steeti Edo. Achịbishọp Okoh kwuru na ya bụ ọnọdụ ọjọọ nke butere ọnwụ ụmụodibo Chineke wutere ndị ndu CAN.

  O kwuru: “Nke a bụ nnukwu ihe otiti n'ebe ndị ụka Christ nọ na Nigeria, tinyere ndị ala anyị niile n'Oyo. Anyị kwudoro ndị Salvation Army n'ekpere n'oge oke ihe mgbu a, na-arịọ ka Chineke kasie ha obi ma belata ihe mgbu ha. Anyị na-akpọku gọọmenti ka ha nyochaa ihe mberede ahụ, iji gbochie ụdị ya imekwa ọzọ.”

  CAN kpọkuru ndị ọrụ nchekwa dị iche iche ka ha tinyewanye anya n'ebe a na-ekpe ekpere n'ọgbakọ ndị ụka iji weta ezi nchekwa.

  O kpere ekpere otu a: “Ka ndị mmadụ ghara inwe obi ịjụ oyi n'ihi ihe ndị a merenụ, ka ha gaa n'ihu na-elegide Chineke anya maka enyemaka. Uche anyị na ekpere anyị na-agara ezinaụlọ na ụka o metutara.”

 

Comments

Post a Comment

Popular posts from this blog

Soludo agbapuorola ndị ọrụoyibo Anambra mmiri ji ike si n'anyaanwụ arụ ọrụ

Image
Onyeisi ọrụ oyibo steeti Anambra, Okaiwu Theodora Igwegbe (nke anọ n'aka nri); Kọmishọna na-ahụ maka Ọkụ na Mmiri, Injinia Julius Chukwuemeka (nke atọ n'aka ekpe); Kọmishọna na-ahụ maka Omenala na Njem Nlegharịanya, Maazị Don Onyenji (nke abụọ n'aka nri) na ụfọdụ ndị ọzọ sonyere na mmemme ahụ.      Izunna Okafor Dere Akuko a ONYEISI ọrụ oyibo na Steeti Anambra bụ Ọkaiwu Theodora Igwegbe etoola aka na-achị steeti ahụ bụ Ọkammụta Charles Chukwuma Soludo maka ntụnye ya n'ịkwalite ọdịmma ndị ọrụ obodo na ọnọdụ obibindụ ha na steeti ahụ.   Ọkaiwu Igwegbe nyere ekele a mgbe ọ gara ileta ebe ọchịchị steeti ahụ dozigharịrị akụrụngwa mmiri anaghị arụzị ọrụ ma rụgharịkwa ya ọ bụrụzie nke ga-eji ike si n'anyaanwụ arụ ọrụ, n'ebe obibi ndị ọrụ oyibo steeti ahụ dị n'Iyiagu, Awka, bụ isi obodo steeti Anambra.   Ya bụ njem nleta ọrụ bụ nke Ọkaiwu Igwegbe mere site njikọaka Kọmishọna na-ahụ maka Ọkụ na Mmiri na steeti Anambra, bụ Maazị Julius Chukwuemeka, bụ onye ụlọọr
Read more

Ezinaụlọ

EZINAỤLỌ bụ ewumewu nwere nnukwu ọnọdụ na ndụ ndị Igbo. Ọ bụ n’ezinaụlọ ka mmekọrịta mmadụ na ibe ya na-amalite. Nwa ọ bụla a mụnyere n’ezinaụlọ ọ bụla na-esite na ya mụta ihe gbasara mmekọrịta mmadụ na ibe ya tupu ọ pụta n’obodo.   Nghọta ndị Igbo gbasara ezinaụlọ dị iche na nke ndị ọcha. Ndị ọcha ghọtara ezinaụlọ dịka nna, nne na ụmụ ha, ma n’ebe ndị Igbo nọ, ezinaụlọ bụ nke metụtara ka ha ra biri n’otu ngwuru ma ọ bụ karịa. O metụtara nne, nna, ụmụ, ụmụnne, ikwunibe, ndị ọgọ w.d.g.   E nwere ụdị ezinaụlọ atọ. Ha bụ ndị a: Ezinaụlọ otu mkpuke, Ezinaụlọ ụbara mkpuke na Ezinaụlọ mbasa.   Ezinaụlọ otu mkpuke pụtara ezinaụlọ e nwere nanị otu usoekwu. N’ebea ka e nwere nanị nne, nna, ụmụ na mmadụ ole na ole binyeere ha dịka odibo ma ọ bụ ohu. Ọ na-ahia ahụ I nweta ụdi ezinaụlọ a n’etiti ndị Igbo.N’etiti ndị ocha ka a na-enwekar ụdị ezinaụlọ a.   Ezinaụlọ ụbara mkpuke bụ ebe  nwoke nwe ụlọ na-alụ karịa otu nwanyị, ya bụ ebe nwoke na-alụ igwe nwanyị. Ihe e ji amata nke a bụ ụbara usoekwu, t
Read more

Soludo agbapeela ọrụ okporoụzọ n'Ihiala na Aguata, kpọọ òkù ka a kwàdó APGA

Image
Izunna Okafor dere akuko a DỊKA nhọpụta izugbe ala Nigeria bịarugoro nso, aka na-achị steeti Anambra bụ Gọvanọ Chukwuma Soludo akpọọla òkù ka a kwàdó ma tụnyere ndị dị icheiche ji aha otu ndọrọndọrọ 'All Progressive Grand Alliance (APGA)' were azọ ọkwa n'ogoogo dị icheiche nà ná mpaghara ebe dị icheiche n'ala Nigeria gbaa gburugburu.   Gọvanọ Soludo kwupụtàrà nke a na nsonso oge ọ gara ịgbapesi na ileta ka ọrụ okporoụzọ dị icheiche si aga na mpaghara okpuruọchịchị Ihiala na okpuruọchịchị Aguata, bụkwa ebe ọ nọrọ wee sonye n'achụmta nkwàdó ndị dị icheiche ji aha otu ndọrọndọrọ APGA were azọ ọkwa na mpaghara ebe ndị ahụ.   N'okwu ya n'ebe dị icheiche ọ gara, ya bụ aka na-achị ọra kwèrè ndị Anambra nkwà na ọchịchị ya agaghị ada mbà ịrụ ezi okporoụzọ na steeti ahụ, iwete ezi ọnọdụ mmepe, na ịrụnyesi ihe dị icheiche ga-enye aka ịkwàlite ọnọdụ mmepe steeti ahụ.   Ebe dị icheiche Gọvanọ Soludo gàrà njem ịgbape na ileta ọrụ okporoụzọ ahụ gụnyèrè okporoụzọ S
Read more