EFCC ejidela mmadụ 15 maka 'Yahoo Yahoo' n'Edo

  




 

Izunna Okafor dere akuko a


ONYE kpọọ onwe ya oke, buusu esu ya ọnụ; maka na agadi nwaanyị kachie ntị wụ̀ọ́ aja, e bute ozu ya n'ofe nke ọzọ.

  N'ịgbaso nke a, ụlọọrụ ahụ na-ahụ maka ibu agha megide igwù ojoro na ịmazụ ego ọhaneze n'ala Nigeria, bụ ụlọọrụ 'Economic and Financial Crimes Commission (EFCC)' anwụchiela mmadụ iri na ise a na-enyo enyo na ha bụ ndị na-egwu ojoro site n'usoro nzikọrịtaozi ọgbara ọhụrụ ịntanetị, bụ ndị a maara dịka ndị 'Yahoo Yahoo'.

  Dịka ozi a kụpụrụ na nsonso a site n'akara nzikọrịtaozi ọgbaraọhụrụ Twitter ụlọọrụ EFCC na nsonso a siri kọwaa, mmadụ iri na ise ahụ bụchà ndị ntorobịa, ma bụrụ ndị a nwụchiri n'ebe nzuzo ha nọ arụ ọrụ igwu ojoro ha dị na Benin, bụ isi obodo steeti Edo.

  Ụlọọrụ ahụ nyèkwàrà aha ndị ahụ dịka: Lucky Igbinosa, Godwin Destiny, Sylvanus God'sgift, Davidson Enabulele, Anuge Michael, Favour Uwaifo, Osemwingie Osarenmwinda, Prince Chukwuka na Liroy Nwanochie.

  Ndị ọzọ gụnyèrè: Uwaifo Osamudiamen, Christopher Dickson, Ehis Samson, Wisdom Peter, Akenuwa Kelvin na Godstime Okolie.

  Ozi ahụ kwukwara na ihe enwetesiri n'aka ndị ahụ gunyèrè otu ụgbọala Mercedes Benz C350, otu ụgbọala Lexus ES 300, otu ụgbọala Lexus ES 300, na ọtụtụ ekwentị, tinyere ọtụtụ ihe ndị ọzọ.

  Ozi ahụ a kụpụrụ na-akọwakwa na nnyocha e megoro na-egosi na ndị ahụ bụ ndị na-etinye aka n'ụdị igwu ojoro ịntanetị dị icheiche, bụkwa nke ha sitere na ya wee na-anapụ̀sị ọtụtụ  ụmụ mmadụ ego, okachasị ndị ọcha na ndị ọzọ bi na mba ofesi.

  Ya bụ ozi kọ̀wàkwàrà na a ga-akpụpụ ndị ahụ ụlọikpe ebe a ga-eji usoro iwu wee lee ha ọrụ, ma ọ bụrụ na e mechaa nnyocha miri emi banyere ihe ahụ e mere.

Comments

Post a Comment

Popular posts from this blog

Soludo agbapeela ọrụ okporoụzọ n'Ihiala na Aguata, kpọọ òkù ka a kwàdó APGA

Image
Izunna Okafor dere akuko a DỊKA nhọpụta izugbe ala Nigeria bịarugoro nso, aka na-achị steeti Anambra bụ Gọvanọ Chukwuma Soludo akpọọla òkù ka a kwàdó ma tụnyere ndị dị icheiche ji aha otu ndọrọndọrọ 'All Progressive Grand Alliance (APGA)' were azọ ọkwa n'ogoogo dị icheiche nà ná mpaghara ebe dị icheiche n'ala Nigeria gbaa gburugburu.   Gọvanọ Soludo kwupụtàrà nke a na nsonso oge ọ gara ịgbapesi na ileta ka ọrụ okporoụzọ dị icheiche si aga na mpaghara okpuruọchịchị Ihiala na okpuruọchịchị Aguata, bụkwa ebe ọ nọrọ wee sonye n'achụmta nkwàdó ndị dị icheiche ji aha otu ndọrọndọrọ APGA were azọ ọkwa na mpaghara ebe ndị ahụ.   N'okwu ya n'ebe dị icheiche ọ gara, ya bụ aka na-achị ọra kwèrè ndị Anambra nkwà na ọchịchị ya agaghị ada mbà ịrụ ezi okporoụzọ na steeti ahụ, iwete ezi ọnọdụ mmepe, na ịrụnyesi ihe dị icheiche ga-enye aka ịkwàlite ọnọdụ mmepe steeti ahụ.   Ebe dị icheiche Gọvanọ Soludo gàrà njem ịgbape na ileta ọrụ okporoụzọ ahụ gụnyèrè okporoụzọ S
Read more

Onyeisi ụlọọrụ NAFDAC sị na Indomie dị na Naịjirịa dị mma maka oriri

Image
  ỤLỌỌRỤ National Agency for Food and Drug Administration and Control (NAFDAC) ekwuola na akụkọ na-efegharị n'ikuku na ha amachiela Indomie Instant Noodles abụghị eziokwu.  Ụlọọrụ NAFDAC kwuru nke a n'ụbọchị Mọnde si n'aka onyeisi ụlọọrụ ha bụ Mojisola Adeyeye, sị na o nweghị mgbe ha machịrị ya bụ ngwa ahịa a Indomie na Naịjirịa. N'ọnụ Adeyeye, “NAFDAC amachịghị ya bụ ngwa ahịa Indomie Instant Noodles arụpụtara na Naịjirịa. NAFDAC edebanyela aha ọtụtụ ndị ụlọọrụ ndị ọzọ dịka Indomie noodles ndị hs binyere aka sị na ha dị mma maka oriri.  Ngwa ahịa noodles si mba Taiwan na Maleshịa ụlọọrụ Nafdac rụrụ aka maka mmachi enweghị ihe gbasara ha na ndị na-arụpụta ya na Naịjirịa.” Okwu a dịịrị ndị na-egoro ahịa ezigbo mkpa maka na akụkọ ụgha dị icheiche gụnyere na ụlọọrụ Nafdac amachiela ya bụ ngwa ahịa a.  Akụkọ ndị a gbajuru ebe niile malitere kamgbe ya bụ ethylene oxide, na-ebute ọrịa kansa a hụrụ n'ime ihe e ji esi Indomie nke ọkụkọ na mba Taiwan, na Maleshịa n'aka n
Read more

Ndị Odozi Obodo emeela ụka nne n'Awka

Image
Izunna Okafor dere akuko a A KPỌKUOLA ma dụọ ụmụnwaanyị ọdụ ka ha nọgidesie ike n'ezi omume, dị ike ma na-ekpesikwa ekpere ike oge niile iji guzogide ihe ọbụla chọrọ itisà udo na ọganiru nke ezinụlọ ha.   Onyeisi nchụaja nke ụlọụka 'Christ Holy Church International' dị n'Awka (nke e ji Odozi Obodo wee mara) bụ Ụkọchukwu David Achukwu nyere ndụmọdụ a n'okwuchukwu ya na mmemme ụka nne nke afọ 2023 nke ụka ahụ mere.   N'okwuchukwu ya na mmemme ahụ, Venerebụl Achukwu dụrụ ha ọdụ ka ha dị ike, ma n'ekpere, ma n'ịrụ ọrụ dịịrị ha dịka nne n'ezinụlọ, maka na ọ bụ ihe doro anya na ihe mkpọbiụkwụ na ihe iche aka mgba nwere ike ịdapụta na mgbe na mgbe.   Ọ dụkwazịrị ha ọdụ ka ha tụkwàsị Ibi   na Chineke ma na-ekwesikwara Chineke ntụkwasịobi, n'agbanyèghị ihe dị icheiche ha nwere ike izute n'ime alụmdinanwunye ha.   Dịka ọ na-akatọ̀ akparamagwa ụfọdụ ụmụnwoke na-eti nwunye ha ihe maọbụ na-emekpa ha ahụ n'otu ụzọ maọbụ nke ọzọ; ọ gwakwara ụm
Read more