Ka Ọ Dị Taa

Gọọmenti steeti Anambra nọrọ na nsonso wee bagide n’ọrụ ịkụtùsì ụlọahịa, ọdụ ahịa nà ihe ndị ọzọ dị icheiche a rụrụ n’ebe ekwesighị ekwesi na steeti ahụ, ka ọ dọchara aka na ntị ọtụtụ oge bànyere nke ahụ.   Ụfọdụ n’ime ihe ndị ahụ a kụtùrù bụ nke a rụnyere n’okpuru ebe eriri ọkụ latiriki (bụ ‘High Tension Wire’ n’asụsụ bekee) siri gaa; ebe ndị ọzọ bụkwa ndị a rụchiri n’elu ọwà mmiri, bụ ebe idè mmiri si agafè, nà n’ebe ndị ọzọ ekwesighị ekwesi n’akụkụ okporoụzọ.   Atụmatụ ọrụ ịkụtùsi ihe ndị ahụ bụ nke a bàgidere na mpaghara ‘Club Road’ bụ nke a ma n’oge mbụ dịka ‘Abakaliki Street’ dị n’Akwa bụ isi obodo steeti ahụ, ma bụrụkwa nke ọ bụ ụlọọrụ ‘Awka Capital Territory Development Authority (ACTDA)’ nọ n’isi ya, site na njikọaka ndị ọrụ nchekwa dị iche iche.   N’okwu ọ gwara ndị nta akụkọ banyere nke ahụ, onyeisi ụlọọrụ ACTDA oge ahụ, bụ Maazị Amaechi Okwuosa kwuru na ha adọọla ndị ahụ aka na ntị ọtụtụ ugboro megide udi ihe dị otu ahụ, n’ihi ọtụtụ ihe égwù na ihe ize ndụ dị na ya; mana ha

OTU jikọtara ụfọdụ ndị e ji okwu ha agba izu na mpaghara ala Ịgbo, nke gụnyere ndị eze ọdịnala na ndịisi ụka dị icheiche etinyela olu nke ha n’òkù ahụ a na-akpọ ka gọọmenti etiti tọhapụ onyeisi òtù ‘Indigenous People of Biafra (IPoB)’, Maazị Nnamdi Kanu, bụ onye a kpọchiri n’ogige ụlọọrụ ‘Department of State Service (DSS)’.   Ndị otu a kpọrọ òkù a site n’ozi ha kụpụ̀ụ̀rụ̀ ndị ntaakụkọ na nsonso a, bụkwa nke ha siri na ya wee gwa Onyeisiala Nigeria, bụ Muhammadu Buhari ka ọ tọhapụ nwa amadi ahụ n’enyeghị ya ọnọdụ ọbụla.   Ha gàkwàrà n’ihu kwuo na nkabi ahụ ụlọikpe mkpagharị nyere na nsonso a banyere okwu Maazị Kanu ekwesigo iwete okwu ahụ na njedobe, ma ya bụ okwu ka na-agakwa n’ihu na-amụta ụmụ ma na-etokwu ogologo.   Dịka ndị òtù ahụ siri kọwaa, ịtọhàpụ̀ Maazi Kanu ga-enye aka n’iweghachi udo tọrọ atọ na ezi ọnọdụ nchekwa na mpaghara ndịda-ọwụwa anyanwụ ala Nigeria, ma belata nsogbu dị icheiche na-adapụ̀takarị na mpaghara ahụ.   Ha kwupụtàrà na ụlọikpe mkpegharị ahụ, nke Ọkaikpe Hanat

GỌỌMENTI ala Nigeria ekwuola na ya  akpachaala nkatà na-echezị mkpụrụ akwụ n’ihe gbasara ọrụ Àkwà Mmiri Naija nke Abụọ (2nd Niger Bridge) ọ na-arụ n’Ohimiri Naịja dị n’Onitsha, n’ime steeti Anambra.   Minista na-ahụ maka ọrụ nà ewumewu ụlọ n’ala Nigeria, bụ Maazị Babatunde Fashola bụ ya kwupụtara nke a ụbọchị Wenezdee n’okwu ọ gwara ndị ntaakụkọ n’Abuja, bụkwazị nke ọ nọrọ na ya kọwaa na a ga-abape ya ka ụgbọala bido ịgba mgbe adịghị anya.   Dịka o siri kọwaa, naanị ihe ji ịgbape àkwàmmiri ahụ ugbua bụ okporoụzọ e si aga na ya, bụ nke a ka kwụsịgodiri ọrụ na ya n’ihi nsogbu iju mmiri na-enye na mpaghara ebe ahụ.   O kwukwàrà na ndị mmadụ nwèrè ike iji ụkwụ wee gafee n’àkwà mmiri ahụ ugbua n’enweghị nsogbu ọbụla, ma kọwaa nà naanị ihe ji ịgbape ya bụ akwammiri ugbua bụ okporoụzọ ahụ ogologo ya dị kilomita anọ, nke jikọrọ akwammiri ahụ na mpaghara Asaba.   Ka ọ na-etò ọchịchị Onyeisiala Muhammadu Buhari maka ọrụ ọma dị icheiche rụgoro na mpaghara ebe dị icheiche n’ala Nigeria, Maazị Fash

AHỊA mbugharị, nke bekee kpọrọ ‘hawking’ abụrụla egwu e ji ugbua n’ala anyị. Ọtụtụ ndị mmadụ bagidere nke a iji wee mara ma ihe ọ ga-aka mma n’ihi na a sị n’afọ ekweghị ụkwụ zuo ike.   Ahịa mbugharị pụtara mmadụ ibu ahịa na-agaharị agaharị, ebe ụfọdụ na-akpọsa ahịa n’akụkọ ụzọ. Abịa n’ebe ndị na-agaharị agaharị nọ, ụfọdụ na-akwa ya n’ihe ọkwụkwa ma na-akpọku ọha na eze ka ha zụrụ ahịa. Nke a mere na ị ga na-anụ ka ha na eti mkpu na-asị “ọkpa dị ọkụ; oroma ụtọ n’ebe a; goonụ ọka na ube; oyoyo raịsị wdg.   Ma okenye ma ụmụaka na-azụ ụdị ahịa a. Mgbe ụfọdụ ka a na-ahụ ụmụaka ka ha na-ebughari ahịa ebe ụmụaka ibe ha nọ n’ụlọakwụkwọ. Nke a wee bụrụ ihe jọgburu onwe ya n’ihi na ihe niile nwere oge. Mgbe ụfọdụkwa, ụmụaka erubeghị ogo ịzụ ụdị ahịa a ka a na-ahapụkwa ha a na-azụ ya. Ọtụtụ ụmụaka ụmụagbọghọ esila n’ụzọ dị otu a tụta ime mkpuke n’ihi na ụmụnwoke ndị omekome na-esite n’ụzọ aghụghọ n’ụdị na ha na-azụrụ ha ahịa wee mebie ha.   Ọ bụ eziokwu na uru dị n’ahịa mbugharị, ma ọghọm dị na y

A KPỌKUOLA ma dụọ ndị na-anyà ụgbọala ka ha kwụsị ịgba oke ọsọ, ma zèére ihe ọbụla nwere ike ibute Ihe mberede okporoụzọ, ọkachasị n’ime ọnwa mbà a a banyègòrò.   Aka na-achị steeti Anambra bụ Gọvanọ Chukwuma Soludo so na ndị kpọrọ òkù a nà mmemme otu ụbọchị a chịkọ̀bara site n’aka ndị ụlọọrụ ahụ na-ahụ maka nchekwa okporoụzọ, bụ ụlọọrụ Federal Road Safety Corps (FRSC) (ngalaba steeti Anambra). Ya bụ mmemme a kpọrọ Mmemme Mgbape Atụmatụ Nchekwa Okporoụzọ Maka Ọnwa Mbà, bụ̀ nke weere ọnọdụ n’Awka bụ isi obodo steeti Anambra, ma bụrụkwa nke dọtara ọtụtụ ndị e ji okwu ha agba izu.   N’okwu ya n’ebe ahụ, Gọvanọ Soludo, nke onye nochitere anya ya na mmemme ahụ bụ Kọmishọna na-ahụ maka njem okporoụzọ, bụ Oriakụ Patricia Igwebuike dọrọ ndị na-anyà ụgbọala aka ná ntị ka ha na-erube isi n’ozuzuoke nye iwu na-achị okporoụzọ, iji hụ na e belatara oke ihe mberede na ‘agbakata akwụrụ’ a na-enwekarị n’okporoụzọ n’ime ọnwa mbà.   Banyere ọnọdụ okporoụzọ, o kwuru na ọchịchị ya ga-arụ ọrụ okporoụzọ kar

Ọ na-abụ nwa nnụ̀nụ̀ mechie ọnụ ya,  agụụ egbughị ya, akpana afụ̀chie ya ike.   Ka ọ dị taa, ụfọdụ ụmụaka ụmụnwaanyị na steeti Yobe akwaala arịrị banyere otu e si amanye ha ka ha lụọ di maọbụ lụọ nwoke ọbụla e duteere ha, dịka otu n’ime ụzọ isi kwụbìlata ụgwọ nne na nna ha ji, n’ihi ihe isi ike.  Ụmụaka ụmụnwaanyị a kwupụtàrà nke a ụbọchị Tuzdee n’Abuja na mmemme a chịkọ̀bara iji merùbe emume ncheta ụbọchị Nwata Nwaanyị ná Mba Ụwa (International Day of the Girl Child) nke afọ 2022, bụ nke a chịkọ̀bara n’ebe ahụ site n’aka òtù ‘Save the Children International (SCI)’.   N’okwu ya na mmemme ahụ, otu nwatakịrị nwaanyị sitere steeti Yobe, bụ Khadija Badamasi kọwàrà na ọ bụ steeti ahụ (Yobe) kachara nwee ọnụọgụgụ ụmụaka ụmụnwaanyị lụrụ di n’erughị eru na mpaghara ọwụwa anyanwụ mgbago ugwu ala Nigeria.   Ka ọ na-akpọpụ̀ta ahụmahụ ya dịka nwata nwaanyị si na mpaghara ahụ, o mèrè ka a mara na ndị be ha na-agbaziri ego were kọọ ọrụ ugbo n’ihi ihe isi ike. Kaosiladị, ọ sị na ọ na-abụ oge owuwe ih

AKA na-achị steeti Anambra bụ Gọvanọ Chukwuma Soludo etoola ndị nkụzi steeti Anambra dịka ndị ma nke ekwe na-akụ ma bụrụkwa ọkaibe na ngalaba nkụzi ha dị icheiche.   Gọvanọ Soludo kwupụtàrà nke a oge ọ na-anabata ndị nkụzi ahụ nwetere nturuùgò n’onyinye nkwanyeùgwù ahụ a na-enye ndị nkụzi kacha mee nke ọma n’ala Nigeria n’ime afọ ọbụla, bụ nke a maara dịka ‘Presidential Award’ maọbụ ‘President’s Teachers, Schools Excellence Award’.   Ọ dị ncheta na ndị nkụzi sitere ụlọakwụkwọ dị icheiche na steeti Anambra sò na ndị nwetara nturuùgò na nkwanyeùgwù ahụ na ya bụ mmemme nke afọ a, bụ nke weere ọnọdụ na nsonso a.   N’okwu ya oge ọ na-anabata ndị nkụzi ahụ n’ebe obibi Gọvanọ dị n’Amawbia, Gọvanọ Soludo kọwàrà ndị nkụzi dịka ndị bara oké uru ma dịkwa oke mkpa n’obodo ọbụla, n’ihi na a na-esi n’ụdị ndị nkụzi obodo ọbụla nwere wee mara ọdịnihu obodo ahụ. Gọvanọ Chukwuma Soludo (nke mbụ n’aka ekpe) oge ọ na-agwa ndị sonyere nà mmemme ahụ okwu   O kwukwàrà na ọrụ nkụzi bụ ọrụ e ji mmasị, ọnụ̀nụ̀o

 DỊKA otu n’ime ụzọ isi belatara ha ihe isi ike, aka na-achị steeti Anambra bụ Gọvanọ Chukwuma Soludo ekesaarala ndị ahụ nsogbu iju mmiri metụtara ihe oriri nà ihe nkwàdó dị icheiche na mpaghara okpuruọchịchị ime obodo Awka North nke steeti Anambra.   Ebe dị icheiche e kesàrà ihe nkwàdó ahụ gụnyèrè ogige ụlọ ikwuu nke ‘Agueke Primary School, Ugbenu’ (nke nwere mmadụ karịrị otu narị na iri ise ndị iju mmiri chụpụ̀rụ̀ n’ụlọ ha), ogige ‘Central School Ugbene’ (nke nwere mmadụ karịrị narị abụọ na iri ise ndị iju mmiri chụpụ̀rụ̀ n’ụlọ ha), na ogige ‘Central School Awba-Ofemili’ (nke nwere mmadụ karịrị narị ise ndị iju mmiri chụpụ̀rụ̀ n’ụlọ ha).   Ya bụ ihe nkwàdó bụkwà nke e bugaara site n’aka Onyeisioche Nchereoge n’okpuruọchịchị Awka North, bụ Maazị Emmanuel Ucheze, ma bụrụkwa nke gụnyere  ehi isii, ọtụtụ akpa osikapa, ọtụtụ akpa àgwà, ọtụtụ akpa garrị, ọtụtụ mba ji ụdị mmanụ dị icheiche e ji esi nri, yabaasị̀ nà ihe ndị ọzọ dị icheiche e ji esi nri.   Ụfọdụ ebe ndị ahụ e zigara ihe ahụ b

Ọha mmụọ na ọha mmadụ ma ụbọchị a mụrụ dike. Ọ na-abụkwa oke ọkụkọ kwaa akwa, ndị mbụ na ndị ègèdè anụ olu ya.      Ọ kpọtụrụ akpọtụ ma zụọ azụọ na nsonso a, dịka nwa amadi ahụ jibụrụ ọkwa dịka Kọmishọna na-ahụ maka Mgbasaozi na Omenala n’ime steeti Anambra n’oge mbụ, bụ Chiifu Maja Umeh merùbèrè emume ncheta ọgbụgba afọ iri isii na abụọ o jiri bịa ụwa.   Ya bụ mmemme dara ụda bụ nke weere ọnọdụ n’Awka bụ isi obodo steeti Anambra, ma bụrụkwa nke dọtara ọtụtụ ndị e ji okwu ha agba izu n’ime steeti ahụ, nke gụnyèrè Osote Gọvanọ steeti Anambra, bụ Dọkịta Onyekachukwu Ibezim; Ọkaokwu ụlọ omeiwu steeti Anambra, Rt. Hon. Uchenna Okafor; Kọmishọna na-ahụ maka gburugburu, bụ Injinia Felix Odimegwu.   Ndị ọzọ gụnyèrè Kọmishọna na-ahụ maka mgbasaozi, Maazị Paul Nwosu; Kọmishọna na-ahụ maka ọchịchị ime obodo na echichi ọdịnala, Maazị Tonycollins Nwabunwanne; onyeisi ụlọọrụ ‘Anambra Newspapers and Printing Corporation’, Sir Chuka Nnabuife; onye ndụmọdụ pụrụ iche nye Gọvanọ Soludo n’ihe gbasara ime

ỤKWỤ na-aga warawara, anya na-aga warawara na-ahụ ya.   O wee bụrụ otu ahụ ka ndị uweojii n’ime steeti Ekiti siri nwụchikọọ otu nwoke gbara afọ iri ato na atọ maka izu ego  onyinye n’otu ụlọụka ma buru ya larie.   Nwoke ahụ, bụ Maazị Akindele Olufemi, ka e kwuru na o zuru ego ruru narị puku naịra isii na iri abụọ na uma otu narị naịra na iri na ise (N620,115) n’otu ụlọụka a maara dịka ‘Christ Apostolic Church’s Campground’ dị na mpaghara Ikeji Arakeji nke steeti Osun ma bụrụzie ya na-ala na steeti Ekiti, tupu aka ndị uweojii wee kpàrá ya na mpaghara Igbara Odo Ekiti.   Dịka onye na-ahụ maka mmekọrịta ọhaneze na ndị uweojii n’ime steeti Ekiti bụ DSP Sunday Abutu Siri kọwaa, ọ bụ oge ndị uweojii nọ n’ogologo ụzọ awara-awara Igbara-Odo-Akure na-akwụsị ma na-enyocha ụgbọala na ndị nọ n’ime ya ka ha hụrụ Olufemi ka o kò àkpà ụmụakwụkwọ n’azụ, nke mezịrị ka ha kpọ̀ghee ya iji mara ihe dị n’ime ya.   Kaosiladị, ọ sị na mgbe ndị uweojii kpọ̀ghere akpa ahụ, na ha hụrụ ụdị ego dị icheiche n’ime

UDU mmiri bụ oge mara mma n’ihi na Chineke hụrụ ihe o kere bụ mmadụ n’anya wee hazie oge ọ bụla na mgbe ya. Udu mmiri bụ oge ihe nile a kụrụ n’ubi ji eto ma na-emekwa nke ọma. N’ezie oge mmiri na-amalite, ahịhịa nile na-enweta ndụ ọhụrụ, ma mmadụ ma osisi dị n’ọhịa na-ańụrị ọńụ n’ihi mmiri ma o bidosie. N’oge mmiri ozuzo, osisi na ahihia nile na amalite rube akwụkwọ ọhụrụ.   Ala n’onwe ya na enwetakwa ndụ n’ihi na ọ na-adịkwa nro maka ịkọ ihe na ị kụnye mkpụrụ dị iche iche. N’oge mmiri ozuzo, ebe nile n’ajụ oyi. Mmadu nile na-alahụ ụla nke ọma. Ọ dị ọtụtụ uru a na-enweta n’oge udu mmiri . Na mbụ, ọ bụ oge e ji akọnye ihe n’ala dịka ji, akpụ, ọka, nduku, jioko, unelle, ọkanwajata, ose, ọkọrọ na akwụkwọ nri dị iche iche. Ọ dịkwa ọtụtụ ihe ọzọ a na-akọ n’oge udu mmiri ohere agaghị ekwe ka e depụta na ebe a.   Oge mmiri ozụzo bụ oge e ji enwe ụbara ihe oriri n’ala ọ bụla. Malite na ọnwa isii nke afọ ọ bụla, ọka na-ejụpụta ahia nile ma ube eji ata ya na kwa akioyibo. A na-enwe ubara mkpụrụ

ỤLỌỌRỤ ahụ na-ahụ maka ibu agha megide ịñụ, ịkpọ, ire maọbụ ịtụ mgbere ọgwụike n’ala Nigeria, bụ ụlọọrụ ‘National Drug Law Enforcement Agency (NDLEA)’ ejidela otu nnukwu ọgaranya a na-enyo ènyó na o jiri ịtụ mgbere ọgwụike mere aka ọrụ.   Onye na-ahụ maka mgbasaozi n’isi ụlọọrụ NDLEA, bụ Maazị Femi Babafemi bụ ya kwupụtara nke a site n’ozi ọ kụpụ̀ụ̀rụ̀ ndị ntaakụkọ a nsonso a.   Dịka o siri kọwaa, nwoke ahụ, bụ Maazị Ugochukwu Nsofor Chukwukadibia bụ onye e nwètèrè mkpụrụ ọgwụike Tramadol ruru 13,451,466 n’ọnụọgụgụ n’aka ya, bụ nke arọ ya ruru 225mg, ma bụrụkwa nke ọnụ ahịa ya ruru ijeri naịra asatọ na ụma narị asatọ na isii (N8,860,000,000) ma e ree ya eree.   O mere ka a mara na ọ bụ n’ụlọ nwoke ahụ dị n’ebe a maara nke ọma na mpaghara Victoria Garden City nke Lekki, dị na steeti Lagos ka e jidere ya bụ nwoke, bụ ebe a hụrụ o debesiri ọgwụike ahụ, nke o tinyesiri n’ìgbé, wee debesie ha ka ngwaahịa.   Ọ kọwàrà na nwoke ahụ gbara ahọ iri anọ na ise bụ̀ nwaafọ Ihiala dị na steeti Anambr

NWANYỊ ọ bụla na-ekpe ekpere ka o nwee di. Ọ nwee di, ọ yọba Chukwu ka ọ nye ya nwa. Ọ nwee nwa, ihe so ya bụ ị nye nwa ahụ ara. Ara ahụ ọ na-enye nwa a mụrụ ọhụrụ bụkwa obi ụtọ ya na Chukwu zara ekpere ya ma bụrụkwa ihe n’enye nwa a mụrụ ọhụrụ ike na ume ito eto.   Mgbe nwanyị na-enye nwa ya ara,ọ na-enwe obi ụtọ na ya abụrụgo nne. Ọ bụkwa ara ahụ nwa na-amị na-eweta ezi mmekọrịta n’etiti nne na nwa . N’ezie, ọ bụ nke a mere o ji dị ka nne na nwa  ọ na-aka adị mma. Mgbe nwa na-amị ara nne ya, ị ga-ahụ ka o si ele nne ya anya n’iru, nakwa obi ụtọ nwa ahụ na-enwe  oge ọ na-amị ara nne ya.   N’abali ole na ole a mụsịrị nwa, o nwere ụdị mmiri ara na-ebu ụzọ apụta, nke na-acha edo edo.Mmiri ara dị otu a bụ nke na-enye nwa a mụrụ ọhụrụ ezi ihe ga-eme ka ọ na-eto nke ọma na-enwe ahụ ike zuru oke. Tupu nne enye nwa a mụrụ ọhụrụ ara, o kwesiri ka o buru ụzọ sachasịa ọnụ ara ya nke ọma.   Nwanyị ọbụla na-enye nwa ara kwesiri ị na-erịju afọ, ka nwa ahụ wee nwee ihe ọ ga-amịta. Ọ bụrụ na nne erij

NWA puru eze abụghịzị nwata, maka na ọ na-abụ ihe gbàá afọ, ọ gbanye mgbọrọgwụ.   N’abalị mbụ nke ọnwa Ọktoba afọ a ka ala Nigeria merùberè mmemme ncheta ọgbụgba afọ iri isii na abụọ o jiri nwere onwe ya pụọ n’aka ọchịchị ndị ọcha, n’afọ 1960.   Ala Nigeria, dịka akụkọ ntọala ya siri dị, bụ ala dị na mpaghara ọdịda anyanwụ Africa, ma bụrụkwa nke ndị bi n’ime ya bibụ ichèiche, wee ruo mgbe ndị ọcha bàtàrà n’afọ 1901 ịchị ndị bi na mpaghara ahụ. Tupu oge ahụ, ndị ahụ na-azagasị aha dị icheiche, nọọrọ onwe ha ma nwekwa ndị ọchịchị nke ha, wee ruo mgbe ahụ ndị ọcha bịara. Ndị ọcha kèkọtàra ebe ahụ niile ka ọ dịzie mpaghara abụọ —mpaghara mgbago ugwu na mpaghara ndịdà anyanwụ.   Ka o ruru n’afọ 1914, ha chịkọrọ mpaghara abụọ ahụ ọnụ ka ha bụrụzie otu mbà; ha wee kpọọ aha ya ‘Nigeria’. Nke a bụ nke e mere site n’aka Gọvanọ mbụ chịrị ala ahụ, bụ Maazị Lord Lugard.   Ka nke ahụ gachara, ụfọdụ ndị ọzọ jiri ọkwa ọchịchị ahụ bụcha ndị ọcha, wee ruo oge ala Nigeria nwèère onwe ya pụọ n’aka ọchịchị

Pòkòpòkò ka ọ na-ézè N’anya Chukwu na n’anya mmadụ Ihe dị mma na anya gbàrà Ị hụkwàrà anụ na mma Ehi Igbo ka ọ bụ. Lekene ụyọkọtọ ara ya Na àkpàkwùrù amụ ndị bụ óké Ìtè afọ ya, na àpàtà ụkwụ ya Ihe ndị a niile bụcha anụ anụ Ehi Igbo ka ọ bụ. Ọ naghị achọ nwoke okwu Nke o ji achọ nwaanyị Ọ naghị ebíbì ihe a kọrọ n’úgbō Ma ya fọdụzie ịràkọ mmadụ na onye nwe ya Ehi Igbo ka ọ bụ. Ehi Igbo anaghị eri óké egō Mana úrù ya kàrịrị nke ndi ọzọ Ịzụ ya anaghị ewèta ihe arụ Maka na onye nwe ya ñụjùrù mmiri ara afọ Ehi Igbo ka ọ bụ. Ehi Igbo na-amụ nwa juru eju Ụmụ ya na-etokwa ọsọọsọ Ehi Igbo na-agba óké anụ Anụ ya bụkwa ezigbo ihe ụtọ Ehi Igbo ka ọ bụ Ehi Igbo anaghị anwụ hịam Dịka nke ndị ngō Ọ bụghị ọrịa niile na-atụkwa ya Maka na onye nwe ya ma ihe o jìrì zụọ ya Ehi Igbo ka ọ bụ Ehi Igbo achọghị AK47 Ehi Igbo achọghịkwa RUGA Maka na agbụgbọ dị ya ahụ mma Ehi Igbo bụ anụ ụlọ Ehi Igbo ka ọ bụ Ehi Igbo na mmadụ anaghị akwàkọ iko Maka na nke ahụ bụ ihe arụ Ehi Igbo anaghị àwá isi Okwu na ụka abụghị

OTU nwoke na-eme njem ezùtela ọnwụ mberede ya n’ihe mberede okporoụzọ dapụtara n’ime steeti Anambra na nsonso a.   Dịka ozi a kụpụ̀rụ̀ site n’aka onye na-ahụ maka mgbasaozi n’ụlọọrụ ‘Federal Road Safety Corps (FRSC)’ n’ime steeti Anambra, bụ RC Margaret Onabe siri kọwaa, ya bụ ihe mberede okporoụzọ dapụtara n’etiti ụgbọala Toyota bọọsụ̀ nwéré ákàrà ‘BRA107XA’ nà nnukwu ụgbọala gwongworo nwéré ákàrà ‘NSH394ZF’.   Ọ gàkwàrà n’ihu kwuo na ya bụ ihe mberede okporoụzọ dapụtara na mpaghara njikọ ụzọ Ngọzika Estate dị n’Awka bụ isi obodo steeti Anambra, n’ogologo ụzọ awara-awara ahụ siri Enugu gaa Onitsha.   Bànyere ihe kpatara ya bụ ihe mberede okporoụzọ, RC Onabe kwùrù na ọ bụ mmadụ isi n’aka nke ya bàá n’aka onye ọzọ kpatara ya bụ ihe mberede okporoụzọ jiri dapụta. Ọ sị na onye na-anyà ụgbọala gwongworo ahụ hapụrụ aka nke ya, chọọ ka ọ gbàghárịa gbaa n’aka nke onye ọzọ, o wee dànyere ụgbọala bọọsụ̀ ahụ na-agara onwe ya, wee kpọrìkọọ ya.   Ya bụ onye mgbasaozi FRSC kọwàkwàrà na otu onye n’i

ANYAMMIRi zòrò ka mmiri na nsonso a n’obodo Nzam dị n’okpuruọchịchị ime obodo Anambra West nke steeti Anambra, dịka iju mmiri gbàgbùrù mmadụ isii bụ ndị otu ezinụlọ n’ime ụlọ ha.    Nke a bụ nke dapụtara ka ọ gachara ihe dị ka abalị olenole ọtụtụ mmadụ jiri nwụọ oge ụgbọ mmiri kpùrù n’okpuruọchịchị ime obodo Ogbaru dịkwa na steeti ahụ, oge o bu ụfọdụ ndị mmadụ iju mmiri ahụ tokpòrò wee na-aga ebe ọzọ.   Dịka ihe vidio na-efegharị ugbua n’usoro nzikọrịtaozi ọgbaraọhụrụ siri kwuo, iju mmiri ahụ gbàgbùrù ndị ahụ n’ime ụlọ ha ka ha mèchàrà nkwadobe maka ikwapụ̀ n’ụlọ ahụ, tupu iju mmiri ahụ wee too, zachakọrọ ha ma gbagbuo ha. Otu onye ọnọmgbeomere kọwàrà na mmadụ isii ahụ gụnyèrè otu nwaanyị, ụmụ ya anọ na otu nwanne ya nwanyị.    Vidio ahụ gòsìkwàrà ka ndị ntorobịa ahụ na-ebupụ̀tasịkwa ozu ndị ahụ n’ụlọ ha ebe iju mmiri gbàgbùsiri ha, ebe ọtụtụ ndị mmadụ nọkwa ebe ahụ na-ebe akwa maka ajọ ọdachi ahụ nà mkpamkpa ndị ọzọ iju mmiri ahụ na-akpa n’obodo ahụ na ụfọdụ ebe ndị ọzọ n’ime steeti a

Ọ BỤ oge jupụtàrà n’aṅụ̀rị dịka ụlọakwụkwọ ‘Queen of the Rosary College’ dị n’Onitsha, n’ime steeti Anambra merùbere emume ncheta ọgbụgba afọ iri asatọ ya bụ ụlọakwụkwọ jiri malite.     Mmemme ahụ bụ nke weere ọnọdụ na nsonso, ma bụrụkwa nke a chịkọ̀bara site n’aka òtù jikọtara ndị gụrụ akwụkwọ n’ụlọakwụkwọ ahụ. Ya bụ oke mmemme dọtàkwàrà ọtụtụ ndị sitere ebe dị icheiche nà ndị e ji okwu ha agba izu n’ọchịchị steeti ahụ.    A nọkwàrà ụbọchị ahụ wee gbapee nnukwu ụlọ ebe obibi ndị na-arụ ọrụ n’ụlọakwụkwọ ahụ ga na-ebi, bụ nke a rụrụ site n’aka òtù ahụ jikọtara ndị òtù gụchara akwụkwọ n’ebe ahụ.    N’okwuchukwu ya n’ebe ahụ, Ashbisọp nke Onitsha, bụ Ashbisọp Valerian Okeke, gbàrà akaebe na ụlọakwụkwọ ahụ agaala n’ihu n’ịbụ ebe a maara dịka ebe a na-azụpụ̀ta mmadụ, ma n’amihe, n’ọgụgụisi, nà n’ezi akparamagwa, kemgbe afọ iri asatọ gara aga e jiri guzobe ya.     Dịka ọ na-adụ ụmụakwụkwọ na-agụ n’ụlọakwụkwọ ahụ ọdụ ka ha na-agụsi akwụkwọ ha ike ma na-agbasòkwa ezi akparamagwa ahụ e jiri mar

AKA na-achị steeti Anambra bụ Gọvanọ Chukwuma Soludo ekwela nkwà na ọchịchị ya ga-aga n’ihu ịrụ ezi okporoụzọ na steeti ahụ, iwete ezi ọnọdụ mmepe, na ịrụnyesi ihe dị icheiche ga-enye aka ịkwàlite ọnọdụ mmepe steeti ahụ. Gọvanọ Soludo kwuru nke a n’okwu ya oge ọ gara njem nleta ịhụ ka ọnọdụ siri gbata kwụrụ n’ụfọdụ okporoụzọ dịgasị n’ime ime obodo, bụkwa ebe ọ nọrọ wee gbapee ọrụ n’ụfọdụ okporoụzọ ahụ.  Dịka ozi a kụpụ̀rụ̀ site n’aka odeakwụkwọ mgbasaozi ya bụ Maazị Christian Aburime siri kọwaa, ebe dị icheiche Gọvanọ Soludo gàrà njem ahụ gụnyèrè Okpuno dị n’okpuruọchịchị Awka South, Isuaniocha dị n’okpuruọchịchị Awka North, na Nnewi dị n’okpuruọchịchị Nnewi North.      N’okwu ya n’ebe ahụ, Gọvanọ Soludo kọwàrà na ebumnobi o jiri bịa njem nleta ahụ bụ ka o jiri anya ya hụ ka ọnọdụ siri dị ebe ahụ, mara ka ha bụ okporoụzọ siri mebidobe, na otu a ga-esi wee rụgharịa ha. O mèrè ka a mara na obi anaghị atọ gọọmenti ụtọ banyere ihe nhịahụ na ntaramahụhụ mmadụ na-agabiga n’okporoụzọ ụfọdụ dị

ONYE ọ na-eme omume-omume na-ebe obube-obube, maka na ọ na-abụ nnụnụ mechie ọnụ ya agụụ egbughị ya, akpala afụchie ya ikè.   Ụmụafọ obodo dị icheiche dị n’okpuruọchịchị ime obodo Ayamelum akwaala arịrị banyere mkpamkpa dị icheiche iju mmiri na-akpa na mpaghara ahụ, nà ụzọ dị icheiche nke ahụ si emetụta ha.   Ọ dị ncheta na nnukwu iju mmiri wara na mpaghara ebe dị icheiche na steeti Anambra na nsonso a, nke obodo dịgasị n’okpuruọchịchị Ayamelum, Ogbaru, Anambra West so na ya. Ya bụ iju mmiri bụkwa nke tokpòrò ụlọ obibi, ụlọakwụkwọ, ugbo ebe a kọrọ ihe, na ọtụtụ ebe ndị ọzọ na mpaghara ahụ.   N’ihi ajọ ọnọdụ, mmetụta ọjọọ na ihe ụfụ dị icheiche ọ na-ewetara ha, ụmụafọ obodo dịgasị n’Ayamelum akpọkuola gọọmenti steeti ahụ, gọọmenti etiti, nà òtù mba ụwa dị icheiche ka ha gbatara ha ọsọ enyemaka.   N’okwu ọ gwara ndị ntaakụkọ, onyeisi ọchịchị obodo Anaku dị n’Ayamelum, bụ Maazị Paul Nwuba kọwàrà na ya bụ iju mmiri bụ nke na-awa kwà afọ ọbụla, ma kpọọ òkù ka a chọọ ihe a ga-eme banyere ya b

AKA ndị uweojii akparala mmadụ abụọ n’ime steeti Anambra maka ịtụ ndị ọrụ nchekwa okwute n’ime steeti ahụ ebe ha bịara ọrụ ịgbanyụ ọkụ.   Dịka onyeisi ụlọọrụ nsọnyụọkụ steeti Anambra bụ Maazị Martin Agbili siri kọwaa n’ozi ọ kụpụ̀ụ̀rụ̀ ndị ntaakụkọ n’Awka na nsonso, ya bụ ihe mere na Nkwelle-Ezunaka dị n’okpuruọchịchị ime obodo Oyi, bụ ebe nnukwu ọkụ ọgbụgba dapụtara na nsonso a oge nnukwu ụgbọala bu mmanụ ọkụ dàrà, tiwaa, wee binwuru ọkụ.   O kwuru na ụlọọrụ ya nwètèrè ozi banyere ọkụ ọgbụgba ahụ oge ọ fọdụrụ ihe dị ka nkeji abụọ ka ọ kụọ elekere iri na otu nke ụtụtụ, nke mezịrị ka o ziga ndị ọrụ ya nà ụgbọala nsọnyụọkụ ozigbo n’ebe ahụ iji gbanyụọ ya bụ ọkụ.   Kaosiladị, o kwukwàzị̀rị̀ na ọ tụ̀rụ̀ ya n’anya ma rie ya ọnụ oge ndị obodo ahụ malitere ibuso ndị ọrụ ya agha nà ịtụ ha okwute oge ha bịaruru n’ebe ahụ ịgbanyụ ọkụ ahụ.   Ọ sị na ndị omekome ahụ na-atụkwa okwute n’ụgbọala nsọnyụọkụ ahụ ndị ọrụ ya buru bịa n’ebe ahụ, nke mezịrị ha jiri gbàghárịá ma laghachi azụ, gazie nọrọ n’eb

ỌCHỊCHỊ steeti Anambra ekwenwòólá nkwà ịga n’ihu na-agbatara ndị ahụ iju mmiri chụpụ̀rụ̀ n’ụlọ ha na mpaghara ebe dị icheiche na steeti ahụ ọsọ enyemaka, ma na-enyekwa ha nkwàdó zuru okè.   Osote Gọvanọ steeti Anambra bụ Dọkịta Onyekachukwu Ibezim bụ ya kwupụtara nke a oge ọ gara njem nleta n’ogige ebe dị icheiche e wubere maka ndị iju mmiri chụpụ̀rụ̀ n’ụlọ ha. Ogige ebe ndị ahụ ọ gara gụnyèrè ‘Crowther Memorial Primary School, Onitsha’, tinyéré ogige ndị ọzọ dị n’Odaekpe na Atani’ e wubere maka ndị iju mmiri metụtara n’okpuruọchịchị Ogbaru na Anambra West.   N’okwu ya n’ebe ahụ, Dọkịta Ibezim chètààrà ndị ahụ ajọ ọnọdụ ahụ dabidoro nà gọọmenti steeti ahụ bù ọdịmma ha n’obi, nke mezịrị o ji agbasi mbọ ike ịhụ na o nweghị ihe ọbụla kọrọ ha n’ogige ebe ahụ ha nọ.   Ka ọ na-agwa ha na ajọ ọdachi ahụ bụ ihe dị ka chi siri kèé ya; o mèkwàrà ka ha mara na Gọvanọ Chukwuma Soludo azọpụla ụkwụ ịchọ ụzọ kacha mma a ga-esi gbochie ajọ ọnọdụ ahụ ka ọ gharazie ịdapụta kwà afọ dịka o si eme, maka na

GỌỌMENTI steeti Anambra ebidola ọrụ n’ùjú n’okporoụzọ ahụ siri Nkpor gaa Umuoji, bụ nke debere ime na ọnụ ka ntọọọ n’oge mbụ.   Ya bụ ọrụ okporoụzọ bụ nke ọ bụ alaka ụlọọrụ na-ahụ maka ndozi okporoụzọ n’ime okpuru isi ụlọọrụ na-ahụ maka ọrụ na steeti Anambra, bụ ụlọọrụ ‘Anambra State Road Maintenance Agency ARMA’ na-ahụ maka ya.   Ka ya bụ ọrụ malitegoro n’ùjú ugbua bido n’ikpụ̀chàsị̀ okporoụzọ ahụ, ịgba aja n’elu ya, ịwụ ya okwute, na ịrụ ọwà mmiri n’akụkụ ya abụọ, a hụkwazị̀rị̀ okwute na aja ebe ahụ, ebe ụdị katapila dị icheiche nà tipa nọkwàzị̀ n’ọrụ ebe ahụ.   N’okwu ọ gwara ndị ntaakụkọ banyere ya bụ ọrụ, onyeisi ụlọọrụ ‘Anambra State Road Maintenance Agency’ bụ Injinia Azuka Egwuatu kọwàrà na mbido ahụ bụ nke e mere site na ntụziaka Ọchịora steeti ahụ, bụ Gọvanọ Chukwuma Soludo, onye o kwuru na ọ bụ ya gwara ha malite ọrụ ebe ahụ ozigbo, oge ọ nụchara akụkọ banyere ihe ndị mmadụ na-agabiga n’okporoụzọ ahụ.   Ọ kọwàrà na ụzọ ahụ bụ nke obosara ya dị kilomita iri abụọ, ma kwuo na h

…Kpọọ òkù nkwalite ọnọdụ akụnụba AKA na-achị steeti Anambra bụ Gọvanọ Chukwuma Soludo eguzobela òtù nlekọta ọhụrụ maka ụlọọrụ Anambra State Investment, Promotion and Protection Agency (ANSIPPA).   Mmemme iguzobe ndị òtù ahụ bụ nke weere ọnọdụ n’ebe obibi Gọvanọ dị n’Amawbia, ma bụrụkwa nke a nọrọ na ya wee guzobe onyeisioche oba ego ‘Fidelity Bank Plc’, bụ Mustafa Chike Obi dịka onyeisi òtù ahụ, ebe Maazị Chinedu Onyuike bụ odeakwụkwọ ya bụ òtù.   Ụfọdụ ọzọ so n’otu ahụ gụnyèrè onyeisi ụlọọrụ ANSIPPA, Maazị Mark Okoye, Ọkammụta Sylvia Ifemeje, Maazị Ifeatu Onejeme, Ọkammụta Offornze Amucheazi na Oriakụ Chiamaka Nnake. Ndị ọzọ gụnyèrè Maazị Obinna Ngonadi, Maazị Sammy Chidoka, Maazị Christian Udechukwu, Dọkịta Marcel Offormata, na Dọkịta Emeka Okeke.   N’okwu ya oge ọ na-eguzobe ndị òtù ahụ, Gọvanọ Soludo kọwàrà ụlọọrụ ANSIPPA dịka ụlọọrụ dị oké mkpa nwekwa ọtụtụ ọrụ dị oké mkpa ọ ga-arụ n’ịkwàlite ọnọdụ akụnụba steeti ahụ, ọkachasị dịka o siri metụta iwete ezi ọnọdụ azụmahịa bụ ịgba, ị

Montgomery County Fire And Rescue Service The Monterey Bay Aquarium presents free on-line courses and family-friendly science activities for grades PreK via 12 that encourage a way of surprise and connection to the natural world while instructing important science ideas. Internet and cellphone reductions for current Frontier prospects. Recipients of many program-based companies or based on income eligibility; More information. COVID-19 Vaccines are now available by appointment atMyTurn.ca.gov and by walk-in! In addition, the state itself is organising extra vaccination sites, via OptumServe, together with one at Ayala Park in Bloomington and one on the Yucaipa Community Center. Senior residents thinking about scheduling appointments at both of those websites should use a devoted OptumServe appointment site located here. Teachers and other educators who are presently providing in-person instruction are being vaccinated with preparations made by way http://mexico-dating.com/relaciones-se