Ka Ọ Dị Taa

Izunna Okafor Ọ BỤ nnọọ ejìje tụrụ ụwa anya dịka igwe ehi nọrọ n’isi ngwụcha izu ụka gara  aga wee wụchaa n’ọdụ ụgbọ elu n’Akure na steeti Ondo, wee gbochie ụgbọ elu ọbụla ịda ada ma ọ bụ felie efelie n’ọdụ ụgbọ elu ahụ. Ya bụ mwakpo bụ nke weere ọnọdụ n’elekere iri na abụọ nke ehihe ụbọchị ahụ, ma bụrụkwa nke mezịrị ka ndị ọrụ ‘Federal Airport Authority of Nigeria’ na ndị ọrụ nchekwa ndị ọzọ dị iche iche  tinye aka n’ọrụ iji wee mee ka ohere dị, ọ kachasị maka ụgbọ elu ‘Air Peace’ bụ nke kwụ n’elu kemgbe wee na-achọ ebe ọ ga-adà. Otu onye ọnọ mgbe o mere, bụ Gọvanọ Ayodele Fayose, nke steeti Ekiti, kọwara na ọ nọ ebe ahụ na-eche ịbà ụbgọ elu na-aga Lagos, wee ruo mgbe ya bụ ihe mere. Ọ katọrọ kpam kpam otu ehi siri weghara ọnọdụ n’ọdụ ụgbọ elu, ma kwuo hooha na e nwere ụfọdụ ihe na-asọ oyi ịnụ anụ  na nti ma ọ bụ ịhụ ahụ n’anya, bụ ihe na-emegasị n’ala anyị. O kelere onyeisi ụgbọ bụ Capt. Iyang maka ịzọpụta na ịhụ na o nweghị ihe mwute ọbụla dakwasịrị ụmụ mmadụ na-eme njem site n’ọdụ

Izunna Okafor, Chinwendu Uzoatu BISHỌỌPỤ ụka katọliki na Dayọsisi Ahịara bụ bishọọpụ Peter Okpaleke agbaala alụkwaghịm n’ọrụ ụka ma chiliee aka elu na ya arụchaala. Ya bụ bishọọpụ mere ka a mara mkpebi ya ahụ site n’ozi o zigaara onyeisi ụka Katọliki n’ụwa gbaa gburu gburu bụ Pope Francis. Ọ gosiputara obi mwute ya banyere nsogbu ahụ dị na dayọsis ahụ kemgbe ihe rugoro ahọ isii,  bụ nke ọ kọwara na ọ na-ebì ndụ ime mmụọ ya aka ọjọọ. O kwuru na ọnụnọ ya na dayọsisi ahụ abaraghịzị ụlọ ụka uru ọbụla maka na ọtụtụ ndị ụkọchukwu na ọtụtụ ndị e ji okwu ha agba izu n’ụlọ ụka anaghịzị achọ iji anya wee hụ ya n’etiti ha, ma kọwaa na nke ahụ ga-eme ka ọrụ ya gharazie ịmịta mkpụrụ ọbụla. O kwuru na ịrụ ọrụ na dayọsisi ebe ndị ụkọchukwu na-agba ya mgba karịa ịbụrụ ya ndị enyemaka bụ nnọọ nke ekwesighị ekwesi n’ihi na ọ ga-adọghachi aka elekere azụ n’ebe nzọpụta mkpụrụ obi na otúto nke ime mmụọ dị. O gosiputara olile anya o nwere na nrịtu ya ga-eme ka ozi ọma na ntute malitekwa gaba nke ọma na dayọ

Chinwendu Uzoatu OKWU na Ụka N’OTU oge, otu okorobịa aha ya bụ Okwu gara na be otu agbọghọbịa aha ya bụ Ụka. Ụka bụ nwagbọghọbịa ya na ya na-adị na mma, onye ọ chọrọ ịlụ. Mgbe ọ gwara nna Ụka ije o ji maka ya bịa, nwoke a jụrụ ya aha ya, ọ zaa ya na aha ya bụ Okwu. Ị sị gịnị? Okwu Gịnị? Okwu Nnaa bịa laba maka na Okwu lụọ Ụka, ezinaụlọ ahụ ga-abụ Okwu na Ụka, mgbe ahụ, ọ bụrụ katakata, onye kwuo, ibe ya ajụ. Otu onye na-aza katikizim  Otu nwoke gara ule maka ime mmirichukwu. A na-aju ya, ọ na-aza.Ma mgbe a jụrụ ya uzo mmụọ ole dị? Nwoke a mumurie ọnụ ọchị gwa onye nkuzi ụka na nke ahụ bụ ofe nkupu .Mmụọ ndị obodo anyị ehika. Otu bụ ịzaga, nke ọzọ bụ ijele, ndị ọzọ bụ udo, ọgbamgbada, odudum, ụlaga, ojiọnụ, mgbadike w.d.g. Onye nkuzi ụka tiri mkpu ma jụọ ya, “enyi kedụ nke I buuru ihe arụsị bata na ụlọ ụka? Abịazịkwala ụbọchị ọzọ.” Nwoke tiri nwunye ya ihe n’ ụt ụt ụ   O nwere otu nwoke na-eti nwunye ya ihe abalị ọbụna. O wee ruo otu ụbọchị, o tie nwunye ya ihe n’oge ụtụtụ. Mgbe ndị agb

Chinwendu Uzoatu EZI-NA-ỤLỌ bụ ewumewu nwere nnukwu ọnọdụ na ndụ ndị Igbo. Ọ bụ n’ezinaụlọ ka mmekọrịta mmadụ na ibe ya na-amalite. Nwa ọ bụla a mụnyere n’ezinaụlọ ọ bụla na-esite na ya mụta ihe gbasara mmekọrịta mmadụ na ibe ya tupu ọ pụta n’obodo. Nghọta ndị Igbo gbasara ezinaụlọ dị iche na nke ndị ọcha. Ndị ọcha ghọtara ezinaụlọ dịka nna, nne na ụmụ ha, ma n’ebe ndị Igbo nọ, ezinaụlọ bụ nke metụtara ka ha ra biri n’otu ngwuru ma ọ bụ karịa. O metụtara nne, nna, ụmụ, ụmụnne, ikwunibe, ndị ọgọ w.d.g. E nwere ụdị ezinaụlọ atọ. Ha bụ ndị a: Ezinaụlọ otu mkpuke, Ezinaụlọ ụbara mkpuke na Ezinaụlọ mbasa. Ezinaụlọ otu mkpuke pụtara ezinaụlọ e nwere nanị otu usoekwu. N’ebea ka e nwere nanị nne, nna, ụmụ na mmadụ ole na ole binyeere ha dịka odibo ma ọ bụ ohu. Ọ na-ahia ahụ I nweta ụdi ezinaụlọ a n’etiti ndị Igbo.N’etiti ndị ocha ka a na-enwekar ụdị ezinaụlọ a. Ezinaụlọ ụbara mkpuke bụ ebe  nwoke nwe ụlọ na-alụ karịa otu nwanyị, ya bụ ebe nwoke na-alụ igwe nwanyị. Ihe e ji amata nke a bụ ụbar

Josephine Maduakonam ASỊRỊ bụ ikwutọ mmadụ. Asịrị bụkwa akụkọ gbasara ndụ onye ọzọ nke na-adịghị mma.Ọ bụ okwu e kwuru mmadụ n’azụ nke bụ eziokwu ma ọ bụ nke bụ asị nke na ekwesịghị na ntị ọzọ ga-anụ. N’aka nke ọzọ, asịrị bụ ị kọ ma ọ bụ I kwu ihe ọbụla mmadụ nụrụ ma ọ bụ mmadụ hụrụ n’ebe onye ọzọ nọ I ji  mebi aha onye ahụ. Na eziokwu, asịrị abụghị ezigbo ihe. Ọ jọgburu onwe ya na njọ.Onye asịrị bụ onye ọjọọ. Onye asịrị bata ebe a na ekwu okwu dị ańaa, ndị na-ekwu okwu e jiri anya gwa ibe ha okwu. Nke pụtara ka onye ọ bụla mechie ọnụ na agwọ nọ n’akịrịka. O nwere aha e ji mara onye ma ọ bụ ndị asịrị. Aha ndị a bụ, ọ nọ na ndo a hụ ọnwa, ọ nọ n’ụlọ mara ihe zụrụ n’ahịa, asịrị gbaka ute  wee dịrị gabazie. Ebe a na-ahụkalịsi ndị asịrị bụ na ezinaụlọ, ọ kachasi ebe a nụrụ ọtụtụ nwanyị ma mụkwa ọtụtụ ụmụaka. A na-ahụkwa ha ebe a na ańụ mmanya, ebe a na azụ ihe ọzụzụ na  ụlọ ọlụ bekee. A na-ahụkwa ha ebe a na akpa isi ma ọ bụ ebe a na-emezi isi a na akpọ ‘salon’,ebe e nwere ọgbakọ dị iche i

ỌJỊ bụ mkpụrụ osisi bara uru nke ukwu. Eji ọjị eme ọtụtụ ihe. Ọjị na-enye ego nke mere na  ndi ala anyị na-ebuga ya ala ọzọ iji kpata ego. Ọjị na-amị dịka mkpụrụ osisi ndị ọzọ si amị ma  ihe ọjị ji di iche bụ ihe e ji ya eme, ọkachasi n’ala Igbo. A na-akọpụta ọjị n’ala Nigeria mana ebe a na ewepụta ya ebe o buru ibu bụ n’ala Yoruba. Ndị Igbo na-akọ ọjị ma ọ bụghị ebe o buru ibu. Ọjị dịkwa ụdị  dị iche iche.O nwere ọjị nke na-adi nanị abụọ ma a waa ya. O nwekwara nke na-adi atọ,anọ ma ọ bụ karịa ma  waa ya. O nwekwara nke ndị Igbo na-akpọ ọjị ugo. N’ihi otu ndị ọwụwa anyanwụ ala anyị siri kpọ ọjị ihe bara uru, nke a mere na ha ejighi ya egwu egwu chaa. Mmemme ọbụla onye Igbo na-eme, ọjị bụ ihe izizi ọ ga-edebe na iru ndị ọbịa ya iji gosi na ya nabatara ha na be ya tupu ekwube okwu nri ma ọ bụ mmiri. Ọjị bụ ụzọ ndị Igbo si egosi ezi mmekọrịta na etiti enyi na enyi, otu na otu. Onye ya na mmadụ na-atakọrịta ọjị a naghị eme ya ihe ọjọọ N’ala anyị, ọjị bụ  ihe bara uru n’uzo dị iche iche.Nd

GỌVANỌ Willie Obianọ eguzobela òtù nhazi nke mmadụ iteghete mejuputara, maka ụlọ nkwari akụ Golden Tulip dị n’Agụlụ na steeti Anambra. Ka ọ na-eguzobe otu nhazi ahụ, Gọvanọ Obianọ kọwara ha dịka ndị e hiri asaa naabọ n’anya wee họpụta n’ihi na gọọmenti ya chọrọ inweta nke kacha mma n’ihe ọbụla ọ na-eme ma kọwaa na ya nwere ezi olile anya na mmadụ ndị ahụ ga-ewebata ezi ọgụgụ isi ha na amalihe ha nwere iji mee ka nhazi ụlọ oriri ahụ bụrụ ịgba. Ọ kọwara na ọrụ ngo ụlọ oriri ahụ bụ nke malitere n’aka onye nyefere ya ọkwa ọchịchị bụ Mazị Peter Obi, bụkwa nke ọ rụrụ nanị ihe ruru pasent iri, wee ruo mgbe ya onwe batazịrị  n’ọkwa ọchịchị wee rụchapụ pasent iri iteghete fọrọ afọ. Ka ọ na-akọwa na ọchịchị ya akwụchaala  ụgwọ nile a ga-eji wee dozisie ime ụlọ nkwari akụ ahụ, Gọvanọ Obianọ kpọkuru ma dụọ ndị ahụ ka ha malite ọrụ ozigbo ozigbo ma werekwa ezi ọgụgụ isi ha nwere wee rụpụta ntụkwasị obi e nwere n’ebe ha nọ nakwa ihe a na-atụ anya n’aka ha. Otu mmadụ iteghete ahụ nke onyeisi oche ya

Izunna Okafor dere akụkọ ndịa ASỤSỤ bụ e jiri mara ndi ma bụrụkwa nkụ dị na mba na-eghere mba nri. Ọ bụ ahụghị ebule ma sị elina dike n’ebe mkparịta ụka n’etiti mmadụ na ibe ya dị. Asụsụ bụ ihe mbụ mmadụ jiri karị ibe ya n’elu ụwa. N’ala Igbo, asụsụ bụ omenala; Asụsụ bụ ejiri mara Igbo; asụsụ bụ nwata tote o tokwuru; asụsụ bụkwazị ihe nketa, bụ nke sitere n’aka ndi nna nna anyị ha wee rute anyị aka. Onye amaghị asụsụ ya nọ ọdụ ka onye ọbara kọrọ n’isi, maka na asụsụ bụkwa ndụ. Ọzọkwa, onye enweghị asụsụ. Ihe ndi a nile bụ eziokwu ma bụrụkwa ihe a gba n’aka, bụ nke a na-ejighị enyo elele. Mana ọzọ dịka ibe ya ma bụrụkwa eziokwu ghe anya oghe bụ na ya bụ ọkụ sitere n’aka fere aka na-achọzị ịnyụ anyụ n’ụbọchị taa maka na ndi e nyere ya bụ ogiri amaghịzị uru ogiri bara n’ofe. Ndi Igbo n’ụbọchị taa na-agbakụtazị ya bụ asụsụ ha azụ ma chezọọ na ebe onye bi ka ọ na-awachi, na a naghịkwa aghara isi aka wee agba ụrịọm maka na ngwere ghara ukwu osisi, aka akpara ya. Ọtụtụ n’ime ha anaghịzịkwa en

AKA na-achị steeti Anambra bụ Gọvanọ Willie Obianọ enyela Igwe Gerald Mbamalụ asambado dịka eze ọdịnala ọhụụ nke obodo Ojoto dị n’okpuru ọchịchị Idemili South nke steeti ahụ. Ka ọ na-enye ya asambodo ahụ, Gọvanọ Obianọ kọwara na gọọmenti ya zọbatara ụkwụ n’okwu gbasaara ịzọ igwe ahụ, iji hụ na e mere ya n’ụzọ ghe anya oghe, ma gwakwa igwe ahụ ka ọ mara na asambodo ahụ na ọchịchị ọhụụ ya ahụ bụ ka o were ya wee kpokọta ụmụafọ obodo ahụ ọnụ n’ụzọ udo. Ọ dụrụ Igwe Mbamalụ ka o were aka ịkwụ ọtọ wee chịa ọchịchị ya iji hụ na o tinyere obodo ahụ n’ezi ọnọdụ udo, ọganihu na ịdị n’otu dịka a tụrụ anya n’aka ezi onye ndu ọbụla. N’okwu nke ya, kọmishiọna na-ahụ maka ihe gbasaara okpuru ọchịchị na ọchịchị ime ime obodo, bụ Mazị Greg Obi kọwara na gọọmenti steeti ahụ eguzobela nnukwu kọmitii ga-elebà anya n’ihe gbasaasa nsogbu ahụ dapụtara n’obodo ahụ,  ma too Gọvanọ Willie Obianọ maka otu o si eweta nsogbu ọchịchị dị n’obodo dị iche iche na steeti ahụ n’isi njedobe. N’akụkụ nke ya, eze ọdịnala U

 Izunna Okafor dere akụkọ ndịa AKPỌỌLA onye Igbo ọbụla ka ọgbaa mbọ ghọta, bulịe  ma nwee mmasị na  ịsụ  asụsụ ya. Ndi ma maka igbasa ozi na ihe gbasara asụsụ agwakwala  Igbo na onye kpọọ ọba ya nkpọkọrọ agbatobi ewere ya kpoo ahịhịa. Nkea mere ụnyaa oge a na-eme mmemme icheta ụbọchị asụsụ dị iche iche na mba ụwa nile. Emere  nkea nke ọma  n’ụzọ pụrụ iche na steeti Anambra site n’ọtụtụ ihe  mmemme e mere n’ụlọ ọrụ dị iche iche. Ya bụ ụbọchị bụ nke e weputara site n’aka otu mba uwa dum bụ ‘United Nations’ iji wee kwalite ọtụtụ asụsụ obodo na mba dị iche iche. Iji merube ya bụ oke ụbọchị, ụlọ mgbasa ozi ‘Anambra Broadcasting Service’, Awka, mapụtara ọtụtụ oke ihe mmemme dị iche iche n’asụsụ Igbo ma kpọtakwa ọtụtụ ndị dị iche iche na-akwalite asụsụ na omenala Igbo ka ha bịa sonye na ya bụ mmemme wee kọwaara ụwa banyere asụsụ Igbo na mkpa ọ dị ịkwalite ya bụ asụsụ maka na ọ bụ ebe onye bi ka ọ na-awachi. Ndị ọbịa na ya bụ mmemme nke gụnyere onyeisi na onye chọpụtara otu Sụbakwa Igbo, bụ Ọk

Izunna Okafor ỌKỤ ọgbụgba dị oke egwu nọrọ na ngwụcha izu ụka gara aga wee dakwasị nnukwu ahịa ahụ na-ekwo ekwo, bụ Nkwọ Ogidi, bụ ebe ọ nọrọ wee gbarikọọ opekata mpe, ihe ruru ọdụ ahịa asatọ n’otu ntabi anya. Dịka ndị ọnọ mgbe o mere siri wee kọọ, ya bụ ajọ ọkụ ọgbụgba bụ nke malitere n’ụtụtụ wee kpaba ike bụ nke binwuuru oge otu nnukwu ụgbọ ala na-ebu mmanụ ikuku mmụọ (gas) jiri azụ wee chọọ ka ọ rịa Ugwu Nwansịke, wee ghachapụ n’ike, sukaịnyere otu tipa kwụụrụ onwe ya, ọkụ wee binwuru n’ihi mmanụ na-atasị n’ahụ ya. Ndị aka ebe ahụ mekwara ka a mara ọ bụ mgbata ọsọ nke ndị ọrụ nsọnyụ ọkụ sitere Okpoko, nke ndị sitere n’ahịa “Ogidi Building Material International Market” nakwa nke ndị sitere n’obi gọọmenti dị n’Awka, mere ka ya bụ ọkụ ghara ịgbara gaba n’ihu ma ọ bụ mebie ọtụtụ ihe. Otu n’ime ndị aka ebe ahụ kọwara na ụgbọ mmanụ ahụ si Ọnịtsha wee na-aga Awka, site n’Ugwu Nwansike ahụ, wee ruo mgbe ike gwụrụ ya bụ ụgbọ ala, nke na o nwezịghị ike ịrịgonwu ugwu ahụ, n’ihi na ụgbọ ala y

Chinwendu Uzoatu ONYEISI ụka Katolik nke Daịsis Awka bụ Nnukwu ụkọchukwu Paulinus Ezeokafor a gaala njem nleta n’ebe ndị ekpenta nọ n’Oji River nke a kpọrọ ‘Oji River Leprosy Centre’. O mere nke a site na nkwado nke otu nnọrọ onwe nọ na mba Germany bụ ‘Behginne V’. Ezeokafor nyere ha onyinye dị iche iche nke gụnyere ihe e ji aga ije bekee kpọrọ ‘crutches’ iri na ise, ihe ndina ala iri na otu, ute, akpa osikapa, mba ji iri isii, ọtụtụ katọn ‘Indomie’na imirikiti ihe ndị ọzọ. O kwuru na ebumnobi e ji mee nke a bụ iji sonye n’emume icheta ụbọchị ndị ekpenta n’ụwa nile ‘World Leprosy Day’. O kwuru sị, “Taa bụ ụbọchị mbụ m na-abia ebe a ụbọchị ụka, nke dabara n’ụbọchị e ji echeta ndị ekpenta n’ụwa nile. Obi dị m anụrị n’ihe m na-ahụ taa. Anam ekelekwa otu ndị ọzọ dị iche iche na ndị mmadụ  o metụrụ maka nkwado ha na ebe a .” Ọ gbarụrụ ihu otu ndị mmadụ si emeso ndị a ọbụladị mgbe a gwọchara ha ma kwuo na ekpenta a naghi ariakwa ha. O wutere ya na gọọmentị Enugu Steeti e mebeghị ihe a rịọrọ

Chinwendu Uzoatu OTU eze na-achị obodo gwara onye ozi ya ka ọ kụọ ekwe, gwa ọha obodo na y a chọrọ ịlụ nwanyị ọhụrụ. Onye eze a bụ ezigbo onye ọchịchị nke nwere ihe akụ aku na ihe enwe enwe. Ihe  ụwa bụ atụrụ taba n’obi ya. Ndị obodo ọ na-achị hụkwara ya n’anya nke ukwu. Mgbe a kụrụ ekwe ma makwaa ọkwa na eze ga-alụ nwanyị ọhụrụ, ndị obodo a tụrụ ụzụ ma nwekwaa nnukwu ọnụ. Nke a mere na e wepụtara otu ụbọchị nke ụmụagbọghọ nile nọ n’obodo ahụ ga-abịa gbaa egwu n’obi eze ka eze wee họrọ onye masiri ya. Nne na nna bidoro kwadowe ụmụ ha ndị agbọghọbịa n’ike n’ike. E nyere ha otu onwa I ji mee nke a. E bidoro nyewe ụmụagbọghọbịa ezigbo nri nke juputara n’anụ na azụ, ka ahụ ha wee maa poko poko. E bidokwara tebe ha uhie na ihe ndị ọzọ dị iche iche e ji achọ anụ ahụ mma. Ụfọdụ nne na nna kwụsịrị ụmụagbọghọbịa ha ije ozi ọbụna. Ka a na-eme nke a, o nwere otu nwa enwe nne enwe nna, nke nọ n’otu ezinaụlọ. Sọ nwagbọghọ a ka nne nna ya mụtara tupu ha nwụọ. Umunne nna ya leghaara ya anya, o wee n

Uchenwa Mba OGE dị ugbua, nanị nwanyị ịzụ nwa ma ọbụ nanị nwoke ịzụ nwa bụ ihe ụfọdụ mmadụ chọrọ.Ha chere na ọ bụ uzo ka mma n’ihi otu ihe si dị n’ oge dị ugbua. Otu onye ịzụ nwa bụ ihe dị na obodo ọbụla  nakwa mba ụwa nile. Ụfọdụ na-eme ya ka ọ bụzị omenala ma ọ bụ ihe isi ike na mgbanwe dị na ọgbọa kpatara nke a. Mmadụ nwere ike ịjụ ma otu onye ịzụ nwa ọbụ ihe ọjọọ, ebe ụfọdụ na-asị na ọka mma nne na nna ijiko aka ọnụ zụọ nwa nke ọma. Nke bụ ezi okwu bụ na ọ ka mma nne ana nna ijiko aka  wee zụọ nwa ha. Ihe na akpata out onye ịzụ nwa bụ ọnwụ nne ma ọ bụ ọnwụ nna,nne na nna inwe esemokwu,nwanyi I biri onwe ya na-agba akwụna. N’ezie,otu onye ịzụ nwa nwere ihe ọma nakwa ihe ọjọọ dị na ya.Ihe ọma dị na otu onye ịzụ nwa bu na nne ma ọ bụ nna nọ na ọnọdụ dị otu a na nwa m’ọbụ ụmụ ya na-enwe ezi mmekọrịta.Ha adịghị e zoro onwe na ihe ọbụla. Ọ bụrụ nwanyị di ya nwụrụ,ọ ga-agba mbọ ime ka ụmụ ya  mara na nna ha adịzịghị ndụ. Ọkachasị mkpa ebe nwanyị e nweghị ụmụ nne di hụrụ ya na ụmụ ọ mụrụ

ỤLỌ ọrụ ahụ okwu mmanụ dị n’aka n’ala anyị, bụ ụlọ ọrụ NNPC n’aha ịchafụ ekwuola na amụma na-aga n’ihu ugbu a iji nwogharịa ma tutekwa ebe ndị ahụ a na-esucha mmanụ agbadi n’ala anyị ka ha malitekwa ịrụ ọrụ ọzọ. Onyeisi n’ahụ maka ihe gbasaara ọhanaeze n’ụlọ ọrụ ahụ, bụ Mazị Ndu Ughammadu mere ka a mara nke a, ma kọwaa na ụlọ ọrụ ahụ na-agbasi mbọ ike ugbu a n’ụzọ pụrụ iche iji hụ na e belatara kpam kpam ụkọ mmanụ ụgbọ ala n’ala anyị ma mee ka ya bụ mmanụ juputa n’ebe ọbụla nakwa n’oge ọbụla. O kwuru na ụlọ ọrụ ahụ ga-arụnyekwu ọtụtụ ọdụ mmanụ ụgbọala n’ụfọdụ ebe n’ala anyị, ma kọwakwa n’otu aka ahụ, na ụlọ ọrụ a eguzobela otu nleba anya ọrụ ha ga-abụ ịnapụta ụmụ mmadụ n’aka ndị akpịrị ego, bụ ọdụ mmanụ ụgbọala ndị nnọrọ onwe, ndị na-ebuli ma na-akpa ọnụ ahịa mmanụ aka otu o siri masị ha. Mazị Ughummadụ mere ka a mara na òtù nleba anya ahụ, bụ nke ndị mmejupụta ya gụnyere ndị sitere ”Department of Petroleum Resources (DPR)” na “Petroleum Procurement Pricing and Regulatory Agency, (PPPR

Izunna Okafor dere akụkọ ndịa A KPỌKUOLA gọọmenti etiti ka o were ọsọ were ije  kwụọ gọọmenti steeti Anambra ego karịrị ijeri naịra iri anọ na atọ, bụ ụgwọ o ji ya maka ụfọdụ iro na àkwà dịrị ya bụ gọọmenti etiti, ọ rụrụ. Ọkpụkpọ oku ahụ bụ nke e mere site n’aka otu jikọtara ndị okenye steeti Anambra, bụkwa nke ha mere ka a mara site n’ozi ha kụpụrụ banyere nkwekọrịta iteghete ha mere ka ha nwechaara ọgbakọ ha nke mbụ n’ahọ a, bụ nke weere ọnọdụ n’ebe obibi gọvanọ dị n’Amawbịa. Na ya bụ ozi ha kụpụrụ banyere ihe ndị ahụ ha kwekọrịtara, bụ nke a gụpụtara sịte n’ọnụ onyeisi ngalaba ndụmọdụ ndị otu a ma bụrụkwa ode akwụkwọ izugbe nke otu “Commonwealth” n’oge gara aga, bụ Chiifu Emeka Anyaọkụ; ndị otu a kpọkuru gọọmenti etiti ka o mee ngwa banyere nke ahụ. Ha nọkwara n’oge ahụ gosipụta obi mwute ha banyere otu ndị Fụlani na-achị ehi si akụ akụmakụ dị iche iche na mpaghara dị iche iche n’ala anyị, ọ kachasị mgbusi ahụ ha gbusiri ndị mmadụ na steeti Benue nso nso a. Ka ha na-akpọ oku ka e g