Ka Ọ Dị Taa

IZUNNA OKAFOR OBODO juru nnọọ gbịm  ụbọchị ụka, ebe ọñụ rịkwara ibe yaelu, dịka nwafọ steeti Anambra e jiri azụm ahịa wee mara bụ Chiifu Anthony Obiagbaọsọ Enukeme merubere n’ụzọ pụrụ iche mmemme ịgba ahọ iri asaa na anọ ya. Ya bụ mmemme bụ nke weere ọnọdụ ụbọchị ụka gara aga n’ụlọ nkwari akụ “White Castle” dị n’obodo oke nwa amadị ahụ bụ Neni n’okpuru ọchịchị Anaọcha nke steeti Anambra, ma bụrụkwa nke e jiri ofufe nru pụrụ iche wee malite, bụ nke weere ọnọdụ n’ụlọ ụka St. James na Neni. N’okwu ya na mmemme ahụ, aka na-achị steeti Anambra bụ Gọvanọ Willie Obianọ kelere ndị Neni maka nkwado ha nye ọchịchị ya na out pati APGA na nhọpụta ọkwa gọvanọ ahụ e mere n’abalị iri na asatọ nke ọnwa Nọvemba ahọ 2017, ma tokwa ha maka ịtụnyere otu pati ahụ nakwa Mazị Victor Umeh, bụ onye jiri ya wee zọọ ọkwa ;’senate’ n’ọgbọ nta nkwado Anambra central n’abalị iri na atọ nke ọnwa Jenụwarị ahọ a, bụ nke mere ka ha nweta mmeri dara ụda. Gọvanọ Obianọ, nke onye nọchitere anya ya bụ onyeisi ọrụ na steeti

Chinwendu Uzoatu OKIKE kere ụwa kere oge di iche iche n’elu ụwa. E nwere oge udummiri nwee oge ọkọchị.Otu a ka e sikwa nwe oge ụgụrụ. Udummiri bụ oge e ji akọ ihe ubi. Nke a mere na ihe ubi na-ama poko poko n’oge a. Mmiri ozizo na-ezokwa, ebe nile na-aju oyi, mana oge ọkọchị bụ oge owuwe ihe ubi, ebe nile na-adị ọcha n’ihi na mmiri anaghịzị ezo n’oge a. Oge a na-abụkari oge oriri na ezumike. Ọ bụ n’oge a ka eji eme egwu ọnwa; oge ndị okenye ji akọrọ ụmụaka akụkọ dị iche iche dịka akụkọ ifo. Oge ọzọ e nwekwara bụ oge ụgụrụ nke a nọ n’elu ya ugbua a. Oge ụgụrụ dị nnukwu mkpa n’ihi na ọ bụrụ na ụgụrụ e bughị, ị mara na ihe oriri ga-akọ n’ihi na mkpụrụosisi agaghị eme ọfụma n’afọ ahụ. Ụgụrụ na-ebido ma ọnwa ikpeazụ n’afọ na-eru, ya bụ ọnwa ekeresimesi, wee ruo n’ọnwa nke abụọ ma ọ bụ atọ n’ime afọ. Oge ụgụrụ na-abụ oge oke ikuku na oyi ọtụtụ, tinyere ọkụ ọgbụgba. Ọ bụkwa oge ahụ mmadụ na anụmanụ  ji akpọkarị nkụ. Ọ na-emekwa ka mmadụ na-acha ntụ ntụ. Ajụjụ wee bụrụ, kedụ uru ụgụrụ bara? N

Uchenwa Mba OGE ụgụrụ bụ nnọọ oge ahịhịa nile dị n’ọhịa ji akpọ nkụ n’ihi na mmiri adịghị ezozị. Ọ nweghị mmiri na ede akwụkwọ ndụ. Nkea mere na ahịhịa ndụ nile n’akpọnkụ nke ukwu. Ngwa ngwa ọkụ bara n’akwụkwọ, onwuru ọkụ, mana ihe anyị na- ekwu ugbua bụ otu a ga-esi gbochie ma ọ bụ ịkpachapụ anya na oge ụgụrụ ka ọkụ ọgbụgba ghara ịdị. Mmadụ ọbụla kwesiri ikpachapụ anya n’oge ụgụrụ a maka ọkụ ọgbụgba n’ihi na nke a bụ nnọọ oke ihe ndaba jọgburu onwe ya. Ọkụ igba ụlọ obibi, ụlọ ebe a na azụ ahịa, ụlọ ọlụ ma ọ bụ ubi na-eweta ntufu ọtụtụ ihe na iyi. Ọ bụrụ ụlọ obibi, onye ahụ ga-etufu ihe nile oji biri, ụfọdụ mmadụ na-etufu ndụ ha ma ọ bụ nwa ha na nkea. Ọ bụrụ ebe a na azụ ahịa, onye ahụ ga-etufu ngwa ahịa ya nile na ego ya nile na nkea. Ọ bụrụ ụlọ ọlụ, ihe nile dị mkpa n’ụlọ ọlụ ahụ efuo, ọ bụrụ ubi, ihe nile onye ahụ kụrụ n’ubi ahụ agbaa ọkụ. Uzo ọzọ okwesịrị ka e si kpachapụ anya na oge a bụ na onye  ọbụla ọhia dị nso n’ulo ya, orue ọnwa iri na otu kwa afọ ọbụla, ọsụchasịa ya, kpaa

Chinwendu Ụzọatụ OTU ‘Civil Society Coalition (ICSCO)’ kwupụtala na ndị agha  gburu opekatampe otu narị mmadụ ma merụọ ndị mmadụ dị narị abụọ ahụ oge ndị agha hibere ‘Operation Egwu Eke'( Python Dance)’ na ‘mpaghara ọwụwa anyanwụ n’afọ gara aga. Ndi otu a boro ndị agha ebubo site n’ ikwu na ha kpochapụrụ agbụrụ makana ha sitere na nnyocha nke ha mere wee chọpụta na e tufuru ndụ mmadụ ọnụọgụ ha ruru otu narị ebe narị mmadụ abụọ nọzị na mmerụahụ dị iche iche na ọlụsị. Ndị otu a kwupụtara nke a na ọgbakọ izuzugbe ha nke e mere n’Enugu. Ndi tinyere aka na ‘communique’  bụ onye nchịkọba ha n’ala  Nigeria bụ Ọkammụta Obasi Igwe na Mazị Ikechukwu Bismark Oji.    Akwukwo  ‘Communique’ a gwara gọọmentị etiti ka ha ghọta uru ndụ ndị nke ya nile n’agbanyeghị okpukperechi na agbụrụ onye si, ma kwukwaa na nchekwa bụ oke na ọrụ mbụ na mbụ nke dịịrỊ gọọmentị

Chinwendu Uzoatu ỌHANEZE Ndịgbo akatọọla yabụ otu kọmiti mmadụ iri e hibere, nke onye isi ya bụ osote aka na-achị Nigeria bụ Yemi Osinbajo.Yabụ kọmiti bụ nke ‘National Economic Council (NCE)’ hibere maka ileba anya na nsogbu na esemokwu nke dị n’etiti ndị na-achị ehi na ndị ọlụ ugbo n’ala Nigeria. Onye isi oche Ọhaneze Ndịgbo bụ Nnia Nwodo, kọtọrọ otu kọmiti a n’Enugu site n’nkọwa si n’aka onye ndụmọdụ ya n’ihe gbasara mgbasa ozi bụ Emeka Atamah. Ọ kọwara kọmiti a dịka nke na-ekwesịghị ekwesị. Ọ gbagwojuru Nwodo anya etu gọọmentị etiti ga-esi guzobe kọmiti nke ga-edoziri ndị ogbu ọchụ na ndị e gburu egbu.Ọ rụtụrụ aka na okwu ọnụ nke Miyetti Alla bụ nọọ nke gbara n’anwụ na ndị otu ha kpachara anya wee na-akpa nkpankpa nke ha na-akpa n’ala Nigeria. Ọ gbagwojuru Nwodo anya ihe a gaghị eji kpụrụ ha kpee ha ikpe kama ị bịa guzube otu kọmiti a. Ọ gara n’ihu kwuo na a tụrụ anya na ndị ọbụna dara iwu nke obodo tiri na Nigeria ga-aga, e kpee ha ikpe dịka ọ dị n’iwu karịa  gọọmentị etiti ịga tin

AKA na-achị steeti Anambra bụ Gọvanọ Willie Obianọ akpọọla oku ka e nwee ezi mmekọrịta, ịdị n’otu na ụtọ nwanne n’etiti ndị okpupkerechi dị iche iche na steeti Anambra iji wee kwalite ezi udo dị na steeti ahụ ka ọ bụrụ nke tọrọ àtọ. Gọvanọ Obianọ kpọrọ oku a ka ọ na ekwu okwu n’àjà dị nsọ a chụrụ iji merube mmemme oriri “Blessed Michael Iwene Tansi”, bụ nke weere ọnọdụ n’isi ụlọ akwụkwọ Tansi dị n’Ọnịsha. O kwuru na ọchịchị ya ga-aga n’ihu n’imemila ndị ntọ, ndị ohi na ihe nile bụ ihe ịma aka n’ihu nye udo na nchekwa ndụ na akụnụba ụmụ mmadụ na steeti ahụ, ma sịkwa na ọ ga-eme ka ọnọdụ nchekwa siwanye ike na steeti ahụ, n’ọchịchị ya nke ugboro abụọ a. Gọọvanọ Obianọ (n’etiti), Bishọpụ Isizo na ndị ọzọ na mmemme oriri onye nsọ Michael Tansi n’Onitsha. O mere ka a mara na ọchịchị ya ga-anọgidesi ike n’ijikọ aka ọnụ, ha na ndị ụka n’amụma inwogharị ngalaba ọrụ ugbo na steeti ahụ ka nri wee bụrụzie atụrụ taba. Na mbụ n’okwuchukwu ya na mmemme ahụ,  Bishọọpụ nyemaka nke ụka Katọliki na Dịọs

Izunna Okafor Delu akuko ndia NNUKWU otu Igbo ahụ a ma ama bụ Ọhaneze Ndị Igbo akpọkuola gọọmenti etiti n’okpuru  onyeisi ala Muhammadụ Buharị ka o were ọsọ were ije wee nasịsịa ndị oji akpa eli ozu ahụ bụ ndị Fụlani na-achị ehi egbe, mma na ngwa ọgụ ndị ọzọ nile ahụ ha ji akpa arụ, bụkwa nke ha ji ememilasị ndụ ụmụ mmadụ aka ha dị ọcha. Onyeisi otu a na steeti Anambra, bụ Chiifu Damian Okeke-Ogene kpọrọ oku a n’Ọka bụ isi obodo steeti ahụ, ma kwuo ka a nwụchikọọ ma kpụpụ ndị arụrụ ala ahụ ụlọ ikpe banyere mgbusi ahụ ha gbusiri imiriki mmadụ na steeti Benue na na mpaghara ebe ọzọ dị iche iche n’ala anyị, iji wee hụ na obi ruru ndị nke ahụ metụtara ala, ma hụkwa na udo tọrọ atọ dị n’ala anyị. O kwuru na o kwesighịdị ekwesi chaa chaa ka gọọmenti etiti mepee ọnụ sị na ọ na-enweta mmeri n’agha ahụ ọ na-ebu megide agha iyi egwu n’ala anyị, ebe ndị arụrụ ala ahụ bụ Fụlani na-achị ehi ka na-aga n’ihu na-awakpo, na-agbagbusi, ma na-ebibi ndụ na akụnụba ụmụ mmadụ aka ha dị ọcha, na-ama ụmụnwaan

Izunna Okafor     NNUKWU oke ọñụ dara ụbọchị ụmụafọ Ebenatọ, bụ obodo dị n’okpuru ọchịchị Nnewi South  nke steeti Anambra nuputara n’ìgwè wee họpụta ma guzobe ndị ndu ọhụụ, bụ ndị ga-eduru obodo ahụ wee baa n’ogoogo ọnọdụ mmepe dị elu na ala e kwere na nkwa. Ya bụ nhọpụta dara ụda, bụ nke weere ọnọdụ n’ama egwuregwu Central School  ma bụrụkwa nke dọtara imirikiti ụmụafọ obodo ahụ sitere na mpaghara ebe dị iche iche n’ala anyị na na mba ofesi wee bata isonye na ya, n’ihi na ha ghọtara mkpa ezi ọchịchị dị n’obodo ma bụrụkwa ụmụafọ ọnọdụ mmepe nke obodo ha na-echu ụra nke ukwuu. N’okwu ya na ọgbakọ ahụ, bụ nke a chịkọbara site n’aka otu n’ahụ maka ọchịchị obodo ahụ, bụ “Ebenator Development Union” (EDU); onyeisi oche kọmitii hụrụ maka nhazi nhọpụta ahụ, bụ Chiifu Evaristus Imoh kpọpụtasịrị ọkwa dị iche iche a ga-azọ, na usoro a ga-esi mee ya bụ nhọpụta, ma dụọ onye ọbụla ka o sonyesie ike n’amụmà ahụ ma were uche na amamihe wee tụọ akwụwọ ya na-ejighị aghụghọ ọbụla, n’ihi na utó na ọgani

O NWERE otu oge, ụmụnwanyị na-aga ọrụ ugbo wee pụta n’ụzọ hụ akwa bu sọ mma. Akwa ndị a mara mma, gbaa okpokoro ma na etokwa akpịrị.Ka ha kirichara akwa ndị a,ha chọpụtara na ọ bụ akwa eke. Otu onye n’ime ha kwuru na ya ga-achịrị akwa ndi a rie. Ha sịr\ị ya a nwakwala anwa rie akwa ndị ahụ na anaghị eri ya eri. Ma nwanyị ahụ gwara ha na nke ahụ gbasara ha na ihe ọsọrọ ya mee, na ya ga eririri akwa ahụ. Mgbe ha kparịtachara ụka ,onye ọ bụna gawara n’ubi ya. Mgbe ha rụchara ọrụ wee na alọta n’uhuruchi, ha pụtakwara ebe ahụ ha hụrụ akwa eke n’akụkụ ọhịa. Nwanyị ahụ kwuru na ya ga-eriri akwa ndị ahụ hulatara chịkọrọ akwa ahụ nlie  wụnye n’abọ ya. Ụmụnwanyị ibe ya tiri mkpu ma dọọ ya aka na ntị ka ọ wụsa akwa ndị ahụ  ma ekwe akụtaghị onye ala ji. Akụkọ Ifo Mgbe nwanyị ahụ laruru n’ụlọ ya, ndị be ya lelechara akwa ahụ ma gwakwa ya ka o ghara iri ha n’ihi na anaghị eri akwa eke eri; ma nwanyị ahọ kpọchiri ntị chịrị akwa ndị ahụ wụnye n’ite, gbanye ya mmiri sinye n’ọkụ.Mgbe o bidoro sụba asụ,

By Izunna Okafor EGWU bu onye amaghị agba, o kwebe n’isi. Ọ bụ ọtọpuru keleke isi. Egwu bụ ụda ọma a nụrụ na ntị ma bụrụkwa okwu ọnụ a gụrụ agụ, gbaa ya agbaa. Egwu bụ nri mkpụrụobi, ma bụrụkwa ọgwụ apa ime mmụọ. Ọ bụ ọgọdọ mkpuchi iwe, maka na egwu bata ọgbọ, ọnụma alakpuo ụra. A na-ekwe egwu ekwe, a na-ege egwu ege, a na-akụ egwu akụ, a na-agbakwazị egwu agba. A sị na e kwee egwu emeghị ọkpa n’ala, ị mara na isi apụtaraghị keleke, maka na e kwee ‘yaa’, a nụghị ‘yoo, ị mara na onodo adịghị n’otu. Ya bụ na egwu ọma na-adọta ụkwụ. Ndị obodo dị iche iche nwere egwu ha na-agba, bụkwa nke e jiri mara ha; dịka a sị na ọkwa mba na-achị n’olu n’olu, na ọ bụkwa ihe ndị nwere ka ha ji eme ngala. Ndị Igbo, ndị Yoruba, ndị Awụsa, tinyere ndị ọcha na ndị agbụrụ/mba ọzọ dị iche iche, nwechara egwu e jiri mara ha, bụ nke ọ ga-abụ onye nụ ozigbo, ọ mara ndị nwe ya. N’ihi na a sị na a kọrọ pụọ ama, a kọlaruo ụlọ; ka e wedata ya n’ebe ndị Igbo nọ maka na a dịghị ahapụ egwu n’ụlọ gbaa n’ama. Ndị Igbo n

By Chinwendu Ụz ọat ụ ONYE a họpụtara dika onye  ga-anochite anya  ndị  ‘Anambra Central Senatorial District’, Victor Umeh,  erunyela nturu ugo ya nye ezi usoro iwu. Umeh, onye nke kwupụtara obi ya gbasara otu e si meghari nhọpụta ahụ e mere n’izu ụka gara aga, tinyekwara nturu ugo  ya  kwuru na ihe nile ahụ  a bụghị gbasara ya onwe ya mana ọ bụ ime ihe otu o kwesịrị. O kwuru na site ka e si hazie ịtụgharị akwụkwọ ahụ na o zighi ezi mmadụ ọ bụna ịghasa usoro ahụ, nupuru iwu ala Nigeria isi, ma chọkwa ka o fekwa yabu obodo. Ntụli aka ‘Anambra Central’:Umeh erunyerela ezi usoro iwu nturu ugo ya Yabụ onye jibu ọkwa dịka onye isi oche All Progressive Grand Alliance (APGA) kwuru hoo haa na otu ụzọ a ga-esi nwee ọchịchị onye kwuo uche ya n’ụzọ bu ịgba bụ site n’onye ọ bụna nke chọrọ isonye ya ịgbasoro usoro ziri ezi “ndi nile gbochiri nhọpụta a I were ọnọdụ ihe karịr afọ abụọ, ahụlanụ na ọ bụghị maka Victor Umeh kama ọ bụ maka ọdịmma ndị mmadụ ya na maka ime ihe otu o kwesịrị.” Umeh gara n’i

Rose Oranye na Uchenwa Mba ỌLỤ agha bụnọọ nke dị mma ịlụ ma bụrụkwa ọlụ nke onye hụrụ ọdinma nke obodo ya n’anya. Mmadụ ịbụ onye ọlụ agha abụghị nanị maka ịlụ ọgụ kama ọgunyere mmadụ ịbụ onye nchekwa obodo ya ka ndị ala ọzọ ghara iwakpo ala ya na mberede. Ọ bụ nke a mere na ụfọdụ mmadụ ma nwoke ma nwanyị n’achọ ịba n’ ọlụ agha ka ha wee bụrụ ndị nchekwa nye ala ha. Abali iri na ise n’ ọnwa mbụ n’afọ ọbụla bụ ụbọchị a na- eme mmemme icheta ndi agha tufuru ndụ ha na agha dị iche iche. Na ezie , ala ma ọ bụ obodo ọbụla nwere akụkọ agha ma ndị ọcha ma ndị oji. Ala anyi gabigara otutu ihe na oge agha dị iche iche, ọ kachasị mgbe a lụrụ agha Nigeria na Biafra,nke were afọ atọ na ọnwa olemole. N’okwu ya na ofufe nru pụrụ iche e dobere na  nnukwu ụlọ ụka St Patrick dị n’Awka, gọvanọ steeti Anambra bụ Willie Obiano kọwara mmemme ahụ dịka oge dị nkpa iji gụkọ nkwado na ihe dị iche iche ndị agha na- atụnye maka udo na ịdị n’otu obodo a,ọ kachasị ime ka ọchịchị onye kwue uche ya kwudosie ike na Ni

Chinwendu Ụzọatụ NDỊ otu ‘Movement for the Actualisation of Sovereign State of Biafra (MASSOB)’ a dọọla ndị gọvanọ na ndị ọchịchị obodo dị iche iche dị na mpaghara ọwụwa anyanwụ Nigeria (South-East) aka na ntị ka ha ghara inyefe ala ọ bụna bụ ala ndị Igbo n’aka ndị Fulani na-achị ehi maka ịzụ ehi. Onye MASSOB bụ onye dịrektọ na-ahụ maka mgbasa ozi bụ Sunny Okereafor kwuru na ịdọ aka na ntị a bụ n’ihi kepu kepu ha na-anụ na ụfọdụ ndị gọvanọ, tinyere ndị ọchịchị obodo ụfọdụ na mpaghara ahụ na-akpa aro; ha na ndị ugwu ndị okwu ahụ dị n’aka ka ha ga-esi were ụfọdụ ala ndị Igbo nyefee n’aka ndi Fulani maka izu ehi. Okereafor dọrọ aka na ntị sị, “onye ọbụna na akpa aro ọjọọ a ga-amata ihe ọ ga-apụta bụ iwere ala Biafra nye ndị Fulani na-azụ ehi, nke anyị hụtara dịka arụ, nke na ọ bụghị sọ ha ga-akwụ ụgwọ ya kama ma ụmụ ụmụ ha.” Aka na-achị Anambra, Gọvanọ Willie Obianọ (n’etiti), Okwuputa okwu ụlọ nzukọ Anambra, Rita Maduagwu (n’aka ekpe) na Ọkaikpe ukwu Steeti Anambra, Peter N.C Umeadi na n

Unu enyekwana nd ị Fulani n’az ụ ehi ala nd ị Igbo – MASSOB  adọọ ndị ọchịchị ndị Igbo aka na nti Chinwendu Ụzọatụ   NDỊ otu ‘Movement for the Actualisation of Sovereign State of Biafra (MASSOB)’ a dọọla ndị gọvanọ na ndị ọchịchị obodo dị iche iche dị na mpaghara ọwụwa anyanwụ Nigeria (South-East) aka na ntị ka ha ghara inyefe ala ọ bụna bụ ala ndị Igbo n’aka ndị Fulani na-achị ehi maka ịzụ ehi. Onye MASSOB bụ onye dịrektọ na-ahụ maka mgbasa ozi bụ Sunny Okereafor kwuru na ịdọ aka na ntị a bụ n’ihi kepu kepu ha na-anụ na ụfọdụ ndị gọvanọ, tinyere ndị ọchịchị obodo ụfọdụ na mpaghara ahụ na-akpa aro; ha na ndị ugwu ndị okwu ahụ dị n’aka ka ha ga-esi were ụfọdụ ala ndị Igbo nyefee n’aka ndi fulani maka izu ehi. Okereafor dọrọ aka na ntị sị, “onye ọbụna na akpa aro ọjọọ a ga-amata ihe ọ ga-apụta bụ iwere ala Biafra nye ndị Fulani na-azụ ehi, nke anyị hụtara dịka arụ, nke na ọ bụghị sọ ha ga-akwụ ụgwọ ya kama ma ụmụ ụmụ ha.” Ọ kọwara na o doro ewu na ọkụkụ anya na ndị mgbago ugwu kara nwee

Izunna Okafor dere akụkọ ndi a DỤỌLA ndị Igbo n’ụwa gbaa gburu gburu ka ha jisie ike ma tinye aka n’ịkwalite na ichekwaba ezi njirimara ha na ọ natarachi ha iji hụ na o funahighị ha. Kọmishọna na-ahụ maka ahụ ike na steeti Anambra bụ Dọkịnta Josephat Akabụike nyere ndụmọdụ a na mmemme icheta na ọ gbago otu ahọ o jiri rịgoro n’oche, nke eze ọdịnala Nanka bụ Igwe Godwin Ezeilo, bụkwa nke weere ọnọdụ n’obi Igwe ahụ dị n’okpuru ọchịchị Orumba North nke steeti Anambra. Ọ dụrụ nne na nna ka ha gbaa mbọ were asụsụ Igbo na-agwarịta ụmụ ha okwu ma na-kụzikwara ha ọtụtụ ihe ndị ọzọ e jiri mara ndị Igbo n’ihi na nke ahụ ga-eme ka ihe ndị ahụ gbanye mgbọrọgwụ n’ime ha, ma kọwaa na ịkụziri nwata asụsụ Igbo apụghịkwa ime ya ka ọ ghara ịma asụ asụsụ bekee. O tozịkwara Igwe Ezeilo maka otu o si emezupụta ihe nile kwesiri na ọ ga-eme dịka eze ọdịnala n’ịtụ egwu Chineke, ma kpọkuokwa ndị Nanka ka ha gaa n’ihu n’inye ya nkwado iji hụ na ọ rụụrụ ọrụ ọma ya gaa n’ihu. N’okwu nke ya na mmemme ahụ, onyeisi o

Onyeisi Ụka Living Christ Gospel Church n’ala Nigeria    na mba ofesi bụ nnukwu ụkọchụkwu (Dọkịnta) Nathaniel F. Olorunsola, ebuola amụma  ma kwuwaa hooha na ọ bụ ezie na ọtụtụ mmadụ na otu ndọrọ ndọrọ ga-esonye na nhọpụta ọkwa gọvanọ ahụ a ga   -eme na steeti Ekiti n’ahọ a; mana ọ bụ otu ndọrọ ndọrọ ọchịchị PDP ga-eturu ugo na ya bụ nhọpụta. O kwuru na Chineke gwara ya na nhọpụta ahụ ga-esi ike ma kpụrụkwa ọkụ n’ọnụ n’ihi ọtụtụ ndị ga-apụta ịnaghara gọvanọ steeti ahụ bụ Ayodele Fayose ọkwa ọchịchị, tinyekwuoro mbuso agha dị iche gọvanọ ahụ ga-enweta site n’aka gọọmenti etiti; mana n’ime ihe nile ahụ, na Fayose ga-eturu ugo n’ihi na Chineke ga-eji ya wee kwara mgwa ọrụ n’ụzọ pụrụ iche na mpaghara ndịda anyanwụ ala anyị n’ogoogo gọọmenti etiti n’agbata ahọ 2019 na 2025. N’ebe o metụtara steeti Osun, bụkwa ebe a ga-eme nhọpụta ọchịchị ọkwa gọvanọ, onye amụma Nathaniel kwuru na Chineke gwara ya na APC ga-eme ọtụtụ ihe dị iche iche iji wee turu ugo, mana otu ndọrọ ndọrọ PDP ga-eturu ugo ma

OSOTE aka na-achị steeti Anambra bụ Dọkịnta Nkem Okeke abụrụla onye  chiri echichi dịka ‘Ezuo Nke Abụọo’ n’Enugwu-Ukwu na Ụmụnri, bụkwa echichi nke e chibụrụ nna ya lagoro mmụọ. Ya bụ nnukwu echichi bụ nke ndị obodo Enugwu-Ukwu nile zukọtara wee chibe ya, bụkwa nke e mere site n’aka eze ọdịnala obodo ahụ, bụ Igwe Ralph Ekpe. Nke a bụ nke e mere na mmemme Ịgụ Arọ nke iri isii, bụ out n’ime nnukwu mmemme pụrụ iche e jiri mara ndị obodo ahụ, ma bụrụkwa nke weere ọnọdụ n’obi eze dị n’Obu Ụmụnri n’okpuru ọchịchị Njikọka nke steeti Anambra. Mmemme ahụ bụ nnọọ nke kpoghaara ọkụ site n’iji ọtụtụ ọnụ mkpọnala dara ụda nke ukwuu wee sị Igwe Ralph na ndị ichie ya ‘nnọọ’ dịka ha ji Ịgba Eze na egwu Ufie wee na-abata. Ngwa ngwa nke ahụ gasịrị, ịgọ na ịwa ọjị sochiri, bụkwa nke e butere site n’aka ndị Iyom, Otu Odu na Eze, bụ ndị nwunye Igwe duru wee bịa. Ka ọ na-echibe Dọkịnta Okeke ya bụ echichi, Igwe Ralph kọwara ya dịka nwoke nwere obi umeala na onye metagooro obodo ahụ ọtụtụ ihe otutu n’ụzọ dị